BSU-nun rektoruna fəxri professor adı verilib
Tarix: 25.09.2017 | Saat: 19:40:00 | E-mail | Çapa göndər


Sentyabrın 25-də Bakı Slavyan Universitetinin (BSU) rektorluğunun iclasında bu ali məktəbin elmi işlər üzrə prorektoru, professor Rafiq Novruzovun, təcrübə və məzunların karyera inkişafı şöbəsinin müdiri, dosent Yaşar Alxasovun Ukraynaya səfərləri ilə bağlı hesabatları dinlənilib.
BSU-dan AZƏRTAC-a bildiriblər ki, R.Novruzov səfər çərçivəsində Çerniqov Milli Texnologiya Universitetində (ÇMTU) Azərbaycan Tədris-Mədəniyyət Mərkəzinin və Azərbaycan dili Bazar Günü Məktəbinin açılması barədə məlumat verib. Vurğulanıb ki, BSU ilə ÇMTU arasında əməkdaşlıq haqqında müqavilə imzalanıb. Həmçinin BSU ilə Şota Rustaveli adına Batumi Dövlət Universiteti, ÇMTU arasında əməkdaşlıq barədə memorandum imzalanıb. ÇMTU-nun elmi şurasının qərarı ilə BSU-nun rektoru, professor Nurlana Əliyevaya elmi və ictimai fəaliyyətinə görə fəxri professor adı verilib. R.Novruzov diplom və medalı rektora təqdim edib.
Diqqətə çatdırılıb ki, Nurlana Əliyeva Beynəlxalq Sokrat Komitəsi tərəfindən uzunmüddətli vicdanlı və qüsursuz əməyə, peşəkarcasına məsul qərar qəbul etməsinə, elmi və ictimai sahədəki fəaliyyətinə görə “The Name in Science” fəxri mükafatına layiq görülüb. R.Novruzov mükafatın oktyabrın 6-7-də Fransanın Kann şəhərində keçiriləcək beynəlxalq festivalda BSU-nun rektoruna təqdim ediləcəyini diqqətə çatdırıb. Prorektor, həmçinin Bakı Slavyan Universitetinin “Ən yaxşı təhsil müəssisəsi” beynəlxalq mükafatına layiq görüldüyünü də bildirib. O, bununla bağlı rektora ünvanlanmış məktubda aşağıdakı fikirlərin səsləndiyini deyib: “Müəssisənin sizin rəhbərliyiniz altında uğurlu və qüsursuz fəaliyyəti Avropa Biznes Assambleyasının Beynəlxalq Sokrat Komitəsinə Bakı Slavyan Universitetini bu mükafata təqdim etməyə imkan vermişdir“.
Sonra universitetin beynəlxalq əlaqələr üzrə prorektoru, Milli Məclisin deputatı Sahibə Qafarova, tədris işləri üzrə prorektor, professor Telman Cəfərov, BSU-nun jurnalistika kafedrasının dosenti, Əməkdar Jurnalist Etibar Babayev və digərləri qazanılmış uğurlar münasibətilə N.Əliyevanı təbrik ediblər.
N.Əliyeva çıxışında layiq görüldüyü mükafatlarda universitetin hər bir əməkdaşının əməyi olduğunu vurğulayıb.
Anar




 
Bölməyə aid digər xəbərlər
25.03.2019
Azərbaycanda martın 26-na gözlənilən hava proqnozu açıqlanıb
24.03.2019
Sabah bəzi bölgələrdə hava yağıntılı olacaq
24.03.2019
Qardaşlaşmış Xırdalan və Cocuq Mərcanlı məktəblərinin Novruz görüşü
23.03.2019
Bakıda güclü külək, rayonlarda qar gözlənilir
23.03.2019
Ölkə ərazisində sabaha olan hava proqnozu açıqlanıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 İraqda bərə qəzaya uğrayıb: 71 ölü
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info