“Regionumuzun gələcək taleyi Bakıda həll olunur”
Tarix: 07.05.2013 | Saat: 23:56:00 | E-mail | Çapa göndər


Gürcüstan Prezidenti: “Azərbaycan stabilliyin, iqtisadi gücün və
Xəzər regionunda müstəqil siyasətin uğurlu nümunəsidir”


“Yüz minlərlə Gürcüstan və Azərbaycan vətəndaşı öz evlərinə qayıda bilmirlər. Çünki bu evlər artıq onların deyil, evlər müəyyən siyasi səbəblərə görə onlara məxsus deyil. Nəticədə insanlar geri qayıdıb doğmalarının məzarları olan o torpaqlara ayaq basa bilmirlər. Bütün bunlar böyük qüvvələrin oyunudur”.
Bu fikirləri Gürcüstan Prezidenti Mixail Saakaşvili Cənubi Qafqaz Forumunda çıxışı zamanı deyib. O, Azərbaycanın enerji resursları ilə zəngin ölkə kimi mühüm əhəmiyyət kəsb etdiyinə diqqət çəkib: “Azərbaycan stabilliyin, iqtisadi gücün və Xəzər regionunda müstəqil siyasətin uğurlu nümunəsidir. Ümidvaram ki, Cənubi Qafqaz uzunmüddətli perspektivdə vahid regiona çevriləcək, perspektivdə bura Ermənistan da daxil ola bilər. Çünki Ermənistana qonşu dövlətlərlə əlaqələr lazımdır, bu dövlət təcrid olunmuş ölkə ola bilməz. Əminəm ki, Ermənistanı ümumi stabillik zonasına inteqrasiya edə bilərik. Lakin bu siyasi liberallaşmanın bir hissəsi kimi baş verməlidir. Bu təkcə bizim üçün strateji əhəmiyyət kəsb edən Bakı-Tiflis-Qars layihəsinə qoşulmaq hesabına deyil, həm də siyasi həll vasitəsi hesabına olmalıdır”. Saakaşvili Azərbaycanın xarici siyasət kursunun dəyişmədiyini bildirib: “Dünya bu ölkədə stabilliyin pozulmasına imkan verməməlidir. Müstəqil siyasət kursunun nəyə gətirib çıxardığını bu ölkənin timsalında gördük. Heç kim Gürcüstanda belə proseslərin baş verəcəyini gözləmirdi, amma bu baş verdi. Lakin Azərbaycan - möhkəm əsaslar üzərində dayanan, uğurlar qazanan dövlətdir və ümidvarıq ki, belə də qalacaq. Biz də özümüzə belə tale arzulayırıq, çünki öz səhvlərimizdən dərs çıxarırıq. Şişirtmədən demək olar ki, regionumuzun gələcək taleyi burada, Bakıda, Azərbaycanda həll olunur. Bu təkcə Azərbaycanın deyil, həm də Gürcüstanın, Ukraynanın, Moldovanın, ümumiyyətlə, postsovet ölkələrinin müstəqilliyidir. Avropanın təhlükəsizliyinin, dünyada azadlığın taleyi, hər şey bu regionda, Azərbaycanda həll olunur. Azərbaycanın stabilliyi və inkişafı bütün siyasi proseslərin sakit, dinc məcrada inkişafı göstərir ki, bizim son illər əldə etdiyimiz nailiyyətlər təkcə tarixdə qalmayacaq, həm də davam edəcək”. Saakaşvili bildirib ki, regionda Azərbaycanda stabilliyin pozulmasında maraqlı olan neqativ qüvvələr var: “Biz bunu Gürcüstanda öz üzərimizdə hiss etdik. Bu qüvvələr Azərbaycanın əldə etdiyi tərəqqi prosesinin dayanması və davam etməməsi üçün hər cür səy göstərəcəklər. Çünki bu proses özlərini imperiya ambisiyaları olmadan təsəvvür edə bilməyən qüvvələrin yuxusunu ərşə çəkib. Çünki bugünkü müstəqil xarici siyasət yürüdən, uğur qazanan Azərbaycan - bu məkan üçün tam yeni reallıqdır. Azərbaycan nümunə göstərib və buna görə biz onu qorumalıyıq”. Gürcüstan Prezidenti qeyd edib ki, Gürcüstanda yaşayan azərbaycanlılar cəmiyyətə inteqrasiya olunublar: “Biz cəmiyyətimizin bu cür müxtəlifliyindən qürur duyuruq”. O bildirib ki, Azərbaycan diasporu gürcü dilini öyrənir və cəmiyyətə daha çox inteqrasiya olunub: “Etnik azərbaycanlılara, xüsusilə kənd yerlərində yaşayanlara gürcü dilini öyrənməkdə kömək edən xüsusi proqramlarımız var. Onların öz mədəniyyəti və dili var, lakin onlar hamısı Gürcüstan vətəndaşıdır və dövlət dilini bilməlidir”.




 
Bölməyə aid digər xəbərlər
21.11.2018
“Ermənistan nümayəndəsinin KTMT-nin baş katibi seçilməməsi Paşinyana ciddi zərbə olacaq”
21.11.2018
Çavuşoğlu S-400-lə bağlı məsələyə son qoydu: “Anlaşmanın ləğv edilməsi mümkün deyil”
21.11.2018
RecExpo 2018-də Monteneqronu kəşf et: 2019-da açılacaq ruhlandırıcı dənizkənarı kurort Portonovi
20.11.2018
Belarus səfəri Ermənistanda böyük rezonans doğurub
20.11.2018
Moldova prezident idarəçiliyinə qayıtmaq istəyir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info