Putin və Ərdoğan “saatları uyğunlaşdırır”
Tarix: 27.09.2017 | Saat: 23:46:00 | E-mail | Çapa göndər


Rusiya İdlibdə təhlükəsizlik zonası yaratmaq və qruplaşmaları dialoqa cəlb etmək üçün Türkiyənin köməyinə ehtiyac duyur

Suriyada, İraqda baş verən son olaylar fonunda Rusiya, Türkiyə və İran dövlət başçıları arasında olan telefon danışığı mühüm əhəmiyyət kəs edir. Bu danışıqlarda regionla bağlı hansı məsələlərin müzakirə edildiyi bəlli deyil. Rəsmi məlumatlarda isə ümumi cümlələr yer alıb. Rusiya dövlət başçısı Putinin Ankaraya, Türkiyə dövlət başçısının isə Tehrana səfər edəcəyini nəzərdə alsaq, üç dövlət başçısı arasında regionla bağlı hansısa razılaşma əldə edilməsi istiqamətində ciddi danışıqlar getdiyini söyləmək olar. Bundan bir qədər əvvəl Rusiya və İran Baş Qərargah rəisləri də Ankaranı ziyarət etmişdi. Ekspertlər hesab edir ki, əsas müzakirə mövzusu Suriya və İraqla bağlı olub. Xüsusilə, Suriyadakı münaqişənin həli ilə bağlı aparılan Astana danışıqları və təhlükəsizlik zonaları əsas müzakirə mövzusu olub. Bu ehtimalı gücləndirən məqamlardan biri di Suriyadakı silahlı qruplaşmaların İdlibə hücumu və onlara Rusiya hava qüvvələri və Əsədə tabe olan qüvvələr tərəfindən zərbə endirilməsi olub. Ankara bu zərbələrdən razı qalmayıb və iddia edir ki, zərbə vurulan qrup arasında müxalifət nümayəndələri də olub və həmin qrup üzvləri Astana danışıqlarında təmsil olunurlar. Kremlin yaydığı məlumatda qeyd edilir ki, Putinlə Ərdoğan Suriyada yaradılan 4 təhlükəsizlik zonasının münaqişənin həlli, vətəndaş savaşının bitməsi və münaqişənin Suriyanın suverenliyi və ərazi bütövlüyü çərçivəsində həllində mühüm rol oynadığını qeyd ediblər. Bildirilir ki, bu məsələlər Putinin sentyabrın 28-də Ankaraya gözlənilən səfərində daha detallı şəkildə müzakirə ediləcək. Ekspertlər qeyd edir ki, Suriyada ərazisində formalaşdırılmalı olan 4-cü təhlükəsizlik zonası İdlibdə olmalıdır. Amma İdliblə bağlı situasiya aydın deyil. “Təhrir aş-Şam” quplaşmasının İdlibə son hücumundan sonra situasiya qeyri-müəyyən olaraq qalır. Çünki bu hücumdan sonra Rusiya hava qüvvələri Əsədə bağlı qüvvələrlə birlikdə orada olan bütün qruplara zərbə endiriblər. Astana danışıqlarında iştirak edən müxalifət qruplarının da zərbəyə məruz qalması problem yaradıb. Ona görə də İdlibdə təhlükəsizlik zonası yaratmaq məsələsi qəlizləşib. Məsələ ondadır ki, zərbələr zamanı “Təhrir-aş Şam”ın liderlərindən biri öldürülüb. Bəzi məlumatlara görə, İdlib vilayətində sentyabrın 18-də Rusiya hərbi polisinə hücuma rəhbərlik etmiş “Təhrir-aş Şam” terror təşkilatının 5 səhra komandiri zərərsizləşdirilib. Rusiya Müdafiə Nazirliyi bildirib ki, onların yerinin müəyyənləşdirilməsi üçün çoxsəviyyəli kəşfiyyat sistemindən istifadə dilib. Terrorçuların olduğu əraziyə raket-aviasiya zərbəsi endirilib. Nəticədə səhra komandirləri Əbu Salman Əs-Saudi, Əbu əl-Abbas Anadin, Əbu Həsən, Valid əl-Mustafa, Əbu Mücaid öldürülüb. Əməliyyat zamanı daha 32 döyüşçü və 6 avtomobil məhv edilib. Hücumdan digər qruplar da zərər çəkib. İndi həmin qrupları dialoqa cəlb etmək üçün onlarla danışıqlar aparmaq lazımdır. Qruplaşmalar bildirir ki, Rusiya qüvvələri ağına-bozuna baxmadan onları bombalayıb. Bu isə etimadsızlıq yaradır. Rusiya həmin qruplaşmaları dialoqa cəlb etmək, etimad mühiti yaratmaq üçün Türkiyənin, Ərdoğanın köməyinə ehtiyac duyur. Rusiya və Türkiyə dövlət başçıları İdliblə bağlı məsələni müzakirə edərək vahid mövqe ortaya qoymağa çalışacaqlar. Rusiyalı ekspertlər hesab edir ki, İdlibdə radikal qüvvələrin üstünlüyü var və əsas müqavimət gücünü də onlar təşkil edir. Mülayim müxalifət qüvvələri birləşmiş halda belə, onlardan zəifdirlər. İdlibdə yerləşən qüvvələrə ən çox təsir imkanı Türkiyədədir. Bu arada Rusiya dövlət başçısının mətbuat xidmətinin rəhbəri Dmitri Peskov dünən verdiyi açıqlamada bildirib ki, Rusiya ilə Türkiyə arasında hərbi-texniki əməkdaşlıq beynəlxalq hüququ normalarına uyğun olmaqla yanaşı üçüncü ölkəyə qarşı yönəlməyib: “Heç kimin Rusiya ilə Türkiyə arasında olan hərbi-texniki əməkdaşlığı tənqid etmək hüququ yoxdur. Çünki bu əməkdaşlıq ciddi şəkildə beynəlxalq hüquqa uğun şəkildə qurulur. Bu əməkdaşlıq heç bir halda üçüncü bir ölkəyə qarşı yönəlməyib”. Qərbin Türkiyənin Rusiyadan C-400 sistemlərini almasını tənqid etməsinə münasibət bildirən Peskov deyib ki, heç kimin bu məsələ ilə bağlı tənqidi fikir səsləndirməyə əsası yoxdur. Putinin Ankara səfərinə toxunun Peskov bildirib ki, səfər tamamilə praqmatik məqsədlidir: “Rusiya və Türkiyə ticarət-iqtisadi, investisiya, meqalayihələr, mədəniyyət sahəsində sıx əməkdaşlıq edirlər. İki ölkə Suriyada da daxil olmaqla regional təhlükəsizliyin təmin olunması istiqamətində aktiv şəkildə qarşılıqlı fəaliyyət göstərirlər. Bütün bu məsələlərlə bağlı “saatların uyğunlaşdırılması” həyata keçiriləcək”.
Anar Miriyev




 
Bölməyə aid digər xəbərlər
15.02.2019
Yerevanda “Rusiyada necə inqilab etməli?” kursları keçirilib
15.02.2019
«Ermənilər xarici yardım hesabına yaşamağa alışıblar»
15.02.2019
Yerevanda avtobus sürücüləri tətil edirlər
15.02.2019
İslamabadda “İpək yolunun dostları” təşəbbüsünə start verilib
15.02.2019
ABŞ Rusiya ilə Almaniya arasında “Berlin divarı” çəkə biləcəkmi?

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info