“Washington Times”: “ABŞ Konqresi Qafqaz regionunda baş verənləri düzgün anlamır”
Tarix: 28.09.2017 | Saat: 18:18:00 | E-mail | Çapa göndər


“Washington Times” qəzetində Amerika Xarici Siyasət Şurasının böyük elmi işçisi doktor Stiven Blankın məqaləsi dərc edilib. AZƏRTAC xəbər verir ki, məqalə müəllifinin fikrincə, Amerikada bəzi qanunvericilərin fəaliyyəti ABŞ-ın Cənubi Qafqaza münasibətdə xarici siyasətinə uyğun deyil.
Müəllif yazır ki, ABŞ Konqresi Amerika Konstitusiyasına əsasən ölkənin icra hakimiyyətinə həvalə edilmiş xarici siyasətin həyata keçirilməsi zamanı Amerikanın Qafqazdakı maraqlarına münasibətdə ciddi səhvlərə yol verir. Məsələn, bu yaxınlarda Konqres guya Azərbaycanda “insan haqları sahəsində nöqsanlara” görə, ona qarşı sanksiyalar tətbiq olunacağı barədə hədə-qorxu gəlib, eyni zamanda, Dağlıq Qarabağ ərazisinin minalardan təmizlənməsi üçün az bir məbləğ ayırıb. S.Blank yazır ki, Ermənistanın hətta məbləğdə minimal da olsa, maliyyələşdirilməsi vəziyyəti yalnız gərginləşdirir.
Azərbaycanın Dağlıq Qarabağ regionunun minalardan təmizlənməsi üçün vəsait verilməsi barədə sənədlərdə həmin regionun Ermənistan tərəfindən işğal edilməsi faktı göstərilmir. Ona görə də bu qərar ABŞ-ın xarici siyasət kursunun ifadəsi olmaqdan daha çox, onun daxili siyasətindəki nüansların nəticəsidir. Əhalisinin tərkibində ermənilərin üstünlük təşkil etdiyi dairənin təmsil edən konqresmen üçün bunun fərqi yoxdur, çünki o, ABŞ-ın xarici siyasətini inkişaf etdirməkdən daha çox, öz seçicilərinin dəstəyini qazanmaqda maraqlıdır.
Yetərli və ya adekvat biliklər olmadığı halda bu cür kobud siyasi fəaliyyət xəttinin hazırlanması Qafqazda insan haqları və sülhün qorunması məsələsində ABŞ-ın maraqlarının inkişafına da mənfi təsir göstərir. Konqres Azərbaycanın Dağlıq Qarabağ regionunun Ermənistan tərəfindən işğal edilməsi faktına etinasızlıq göstərməklə, bəlkə də özü istəmədən, Bakıya onun problemləri ilə maraqlanmadığını nümayiş etdirir.
Doktor Blank məqaləsinin sonunda yazır ki, ABŞ bu regionda strateji baxımdan ağlabatan siyasət yürütməli və region ölkələrinin dinamikasını daha tam anlamalıdır. Nəhayət, bu, həm ABŞ-ın mənafelərini, həm də hamılıqla qəbul edilmiş dəyərlərin geniş yayılmasında irəliləyişi təmin etməyin daha səmərəli üsuludur.




 
Bölməyə aid digər xəbərlər
17.02.2019
Londonda Karl Marksın məzarına növbəti dəfə vandal hücumu olub
16.02.2019
Misirdə terror aktı nəticəsində ən azı 15 əsgər həlak olub
16.02.2019
Suriyadan olan 395 qaçqın ötən il Rusiya vətəndaşlığı alıb
16.02.2019
ABŞ-da atışma: xəsarət alanlar var
16.02.2019
Nigeriyada silahlı hücum nəticəsində 60-dan çox dinc sakin həlak olub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 Qabaqcıl texnologiyalar dövründə ənənəvi və internet medianın inkişafı
5 “Əsas oxucu kütləsi sayılan gənclər bu gün internet mediaya daha çox üstünlük verirlər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info