“ABAD” fiziki məhdudiyyətli istedadlı gəncə dəstək olub
Tarix: 29.09.2017 | Saat: 15:59:00 | E-mail | Çapa göndər


Kürdəmir sakini Fərid Mayılov artıq 4 ildir ki, ağac üzərində oyma sənəti ilə məşğuldur. Fiziki məhdudiyyətli olan Fərid bacarığını inkişaf etdirmək üçün Əmək və Əhalinin Sosial Müdafiəsi Nazirliyinin Peşə Reabilitasiya Mərkəzinə müraciət edib. O, ağac üzərində oyma sənətinin incəlikləri ilə ilk dəfə bu mərkəzdə tanış olub. Oymaçılığın bütün sirlərini öyrənmək qərarına gələn Fərid Mayılov müəllimi Azər Əsədovun sayəsində özünü bu sahədə sınayır və uğurlu nəticələr əldə edir.
O, ağac parçalarından Azərbaycanın milli musiqi alətləri olan tar, kaman, saz kimi kiçik suvenirlər və mədəniyyətimizin digər nümunələrini düzəldir.
Fərid hazırladığı əl işlərinin satışını artırmaq, bu sənətkarlıq sahəsini ölkəmizdə daha geniş tanıtmaq məqsədilə “ABAD” layihəsinə qoşulmağa qərar verib və müsbət cavab alıb. O, artıq “ABAD” ailəsinin bir üzvüdür və əl işləri paytaxtımızın mərkəzində yerləşən “ABAD” sənətkarlıq mərkəzində təqdim olunur.
“Əvvəl tikintidə çalışırdım. 2007-ci ildə 20 yaşımda ikən iş qəzası nəticəsində onurğa sütunumda yaranan problem səbəbindən ayaqlarım tutuldu. Demək olar ki, həyatdan küsmüşdüm, heç nə ilə maraqlanmırdım. Lakin özümdə güc taparaq, oyma sənətini öyrənməyə başladım. Bu işdə “ABAD” da mənə öz dəstəyini əsirgəmədi. Bu, məni yenidən həyata bağladı”, - deyə o bildirib.
Fəridin oymaçılıqla yanaşı, idmana da böyük marağı var. O, paytaxtımızda keçirilən I Avropa Oyunlarında, həmçinin IV İslam Həmrəyliyi Oyunlarında könüllü kimi iştirak edib. Həmçinin ölkəmizdə keçirilən bir çox sərgilərin iştirakçısı olub və əl işləri böyük maraqla qarşılanıb.
Tural




 
Bölməyə aid digər xəbərlər
24.09.2018
Göyçayda xurma bağlarından yığılan məhsul Rusiya bazarlarına göndərilir
24.09.2018
Bakıda ilk Beynəlxalq Elektron Ticarət Forumu keçirilir
24.09.2018
“AzerTelecom” “Türkmentel 2018” sərgisində iştirak edəcək
24.09.2018
“Ölkəniz möhtəşəm inkişaf edir”- YENİLƏNİB
24.09.2018
“Bloomberg”: “Azərbaycan sürətlə populyarlaşan turizm istiqamətləri arasındadır”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info