“Cocuq Mərcanlıda salınan yaşayış massivi, infrastruktur Qarabağa qayıdışın bir əlamətidir”
Tarix: 02.10.2017 | Saat: 16:22:00 | E-mail | Çapa göndər


Mətbuat Şurası və Beynəlxalq Avrasiya Mətbuat Fondunun (BAMF) birgə təşəbbüsü ilə Bakı Dövlət Universitetinin (BDU) bir qrup müəllim heyəti, o cümlədən tanınmış jurnalistlər və media təmsilçiləri, eyni zamanda ictimai xadimlərin cəbhə bölgəsinə səfəri baş tutub.
BAMF-ın mətbuat xidmətindən bildirilib ki, səfər çərçivəsində nümayəndə heyəti ilk olaraq Füzuli rayonunun Horadiz qəsəbəsində Aprel döyüşləri zamanı şəhid olmuş Azərbaycan əsgərlərinin xatirəsinə ucaldılan abidəni ziyarət ediblər. Daha sonra nümayəndə heyəti Cəbrayıl rayonunun Cocuq Mərcanlı kəndində sosial obyektlərlə tanış olublar. Kənddə yeni tikilən və yeni tədris ilində istifadəyə verilən məktəbin önündə çıxış edən Beynəlxalq Avrasiya Mətbuat Fondunun prezidenti, MŞ-nin sədr müavini Umud Mirzəyev Cocuq Mərcanlıya vaxtaşırı belə səfərlərin təşkil olunmasının vacib əhəmiyyət daşıdığını bildirib. Qeyd edib ki, tanınmış ziyalıların gəlişi məktəbin gələcək fəaliyyətinə öz müsbət təsirini göstərəcək. Cocuq Mərcanlının ölkə başçısının müvafiq sərəncamları ilə ən qısa zamanda yüksək səviyyədə yaşayış məntəqəsinə çevrildiyini bildirən U.Mirzəyev arzu edib ki, ən qısa vaxtda Prezident tərəfindən oxşar sərəncamlar işğal altında olan digər bölgələrimiz, o cümlədən onun doğulub boya-başa çatdığı, bir hissəsi hələ də işğal altında olan Füzulinin Aşağı Əbdürrəhmanlı kəndi barəsində də verilsin.
Milli Məclisin deputatı, MŞ-nin sədri Əflatun Amaşov ötən ilin aprelində Azərbaycan ordusunun uğurlu döyüş əməliyyatlarından sonra öz normal həyat məcrasına qayıdan Cocuq Mərcanlıda bu gün ölkə Prezidentinin bilavasitə diqqəti və nəzarəti ilə salınan yaşayış massivi, infrastrukturun həm də Qarabağa qayıdışın bir əlaməti olduğunu qeyd edib. Kənd sakinlərinə müjdə verən MŞ-nin sədri yaxın gələcəkdə Şuranın Beynəlxalq Avrasiya Mətbuat Fondu ilə birgə Cocuq Mərcanlıda Media Mərkəzinin yaradılmasını nəzərdən keçirdiklərini bildirib: “Biz istəyirik ki, bu bölgəyə, bu kəndə gələn yerli və xarici qonaqlar, jurnalistlər məlumatları vahid mərkəzdən alsınlar. Bu mərkəz hər cür vasitələrlə təmin olunsun”.
Milli Məclisin deputatı Aqil Abbas isə Cocuq Mərcanlı məktəbinin bütün müəllim-şagird heyətinin ön cəbhənin əsgərləri olduğunu söyləyib: “O yüksəkliklərdə sizi qoruyan əsgərlərimiz sizi yanlarında gördükləri üçün daha əzmli, daha güclü olurlar”.
BDU-nun professoru Cahangir Məmmədli isə bu gün məktəbdə təhsil alan uşaqların hamısını tələbə kimi universitetdə gözlədiyini bildirib. Qeyd edib ki, bu məktəbdə oxumaq, bu kənddə yaşamaq qədər fədakarlıq nümunəsidir.
Məktəblilər qarşısında çıxış edən BDU-nun professoru, filologiya elmləri doktoru Nəsir Əhmədli, media rəhbərləri Mətbuat Şurası idarə heyətinin üzvü, "Şərq" qəzetinin baş redaktoru Akif Aşırlı, “Xalq Cəbhəsi” qəzetinin baş redaktoru Elçin Mirzəbəyli, “İki sahil” qəzetinin redaktor müavini İsmayıl Hacıyev, “Region+” jurnalının baş redaktoru Namiq Mayılov, “Türküstan” qəzetinin baş redaktoru Aqil Camal və nümayəndə heyətinin digər üzvləri məktəbin kollektivinə öz arzu və istəklərini çatdırıblar.
Cocuq Mərcanlıdakı məktəblə tanış olan nümayəndə heyəti təhsil ocağına bir çox kitablar hədiyyə edib. Həmin kitablardan bəziləri nümayəndə heyətinin tərkibində olan müəlliflər tərəfindən yazılıb və məktəbin müəllim və şagird heyətinə təqdim olunub.
Səfər zamanı nümayəndə heyəti Füzuli rayonunun Aşağı Əbdürrəhmanlı kəndini də ziyarət edərək burada erməni təcavüzkarları tərəfindən xarabalığa çevrilmiş ərazilərə, o cümlədən kəndin qəbiristanlığına baş çəkdilər. Təəssüf ki, bu qəbiristanlıqda çoxlu sayda qəbirlər erməni ordusunun əsgərləri tərəfindən tanınmaz hala salınıb və qəbirüstü baş daşları güllələnib. BAMF sədrinin ötən il dünyasını dəyişən atası da məhz bu kəndin Azərbaycan əsgərlərinin nəzarətində olan hissəsində yerləşən qəbiristanlıqda torpağa tapşırılıb. Səfər çərçivəsində nümayəndə heyəti, eyni zamanda, Füzuli və Cəbrayıl rayonunda yerləşən N saylı hərbi hissələri ziyarət edərək əsgər, zabit və yüksək çinli hərbçilərimizlə görüşüb, onlarla birgə nahar edib və fikir mübadiləsi aparıblar.
Tural




 
Bölməyə aid digər xəbərlər
18.09.2018
Bu il Dövlət İnvestisiya Proqramında azı 600 kəndin yolunun təmiri nəzərdə tutulub
18.09.2018
Prezident: Əsas ərzaq məhsulları ilə özümüzü təminetmə səviyyəsinə çox yaxınlaşmışıq
18.09.2018
“Kaşaqan” neftinin gələcəkdə Bakı-Tbilisi-Ceyhan kəməri ilə nəqli planlaşdırılır”
18.09.2018
Masallıda 3230 hektar əkin sahəsinin suvarma suyu ilə təminatı yaxşılaşdırılacaq
18.09.2018
Ələt–Astara–İran ilə dövlət sərhədi–Biləsuvar avtomobil yolu yenidən qurulur

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info