Ankarada azərbaycanlı həkim və tələbələrin forumu keçiriləcək
Tarix: 02.10.2017 | Saat: 18:32:00 | E-mail | Çapa göndər


Ankarada azərbaycanlı həkimlərin və tibb sahəsində təhsil alan tələbələrin 5-ci Türkiyə forumu keçiriləcək.

APA-nın məlumatına görə, “Nümunəvi həkim olmağa doğru" adlı forum oktyabrın 7-8-də baş tutacaq.

Azərbaycanlı Həkimlər Dərnəyinin sədri Şahin Xanəlioğlu bildirib ki, Azərbaycan müstəqillik qazandığı 1991-ci ildən 1000-dən çox gənc həkim, müasir standartlarda tibb təhsili almaq üçün qardaş ölkə Türkiyəyə üz tutub: "Bu gün 200-dən çox uzman həkim, Azərbaycanın dövlət və özəl xəstəxanalarında müxtəlif tibb sahələrində xidmət göstərir. Əlavə olaraq, 1000-ə yaxın tibb tələbəsi və rezidentlər təhsillərini Türkiyənin qabaqcıl universitetlərində davam edirlər. Azərbaycanlı Həkimlər Dərnəyi, tibb sahəsində təhsil alan və xidmət göstərən Azərbaycanlı həkimlər, səhiyyə işçiləri və tələbələrin həmrəyliyini təmin etmək, ehtiyac və problemlərini müəyyənləşdirərək bunlara həll yolu tapmaq, onların mütəxəssis olaraq yetişməsinə töhfə vermək və Azərbaycan ilə Türkiyə və digər ölkələrdəki səhiyyə sistemləri arasında körpü qurmaq məqsədi ilə 2014-cü ildə, Türkiyənin paytaxtı Ankara şəhərində azərbaycanlı həkimlər və tibb tələbələri tərəfindən qurulub".

Ş. Xanəlioğlunun sözlərinə görə, sözügedən dərnək yuxarıda qeyd olunan məqsədlər üçün ötən illərdə müxtəlif fəaliyyətlər gerçəkləşdirib, çox saylı tədbir keçirib: "Heç şübhəsiz ki, bunların arasında ən önəmli yeri “Nümunəvi həkim olmağa doğru” forumları tutmaqdadır. İlk forum hələ dərnəyimizin qurulmasından öncə - 2011-ci ildə təşkil olunub. Beşinci forum isə bu il 7-8 oktyabr tarixində Ankara Universiteti Tibb fakültəsində həyata keçiriləcək. Ötən illər ərzində forumlarımıza Azərbaycanın səhiyyə nazirinin müavini, Türkiyə Böyük Millət Məclisinin Səhiyyə Komitəsinin sədri, Türkiyədəki universitetlərin rektorları və tibb fakültələrinin dekanları da daxil olmaqla siyasət, təhsil və səhiyyə dünyasından yüksək səviyyəli qatılım olub. Bu il də əvvəlki illərdə olduğu kimi başda Türkiyə olmaq üzrə Azərbaycan, Almaniya, Rusiya və başqa ölkələrdən gənc həkimlərin və tibb sahəsində təhsil alan tələbələrin iştirak edəcəyi forumda önəmli mövzularda panellərin təşkil olunacağı maraqlı bir proqram hazırlayırıq. Tədbirdə Türkiyə və Azərbaycanın önəmli dövlət adamları və mütəxəssislərinin iştirakı gözlənilir".


Mahmud




 
Bölməyə aid digər xəbərlər
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb
15.11.2018
Miqrantlar ABŞ ve Meksika arasında olan sərhəd hasarına çıxdılar
15.11.2018
Yaponiya yaxın 5 ildə 345 minədək əcnəbi işçi qəbul edə bilər
15.11.2018
Rusiya ilə danışıqlar 1956-cı ilin bəyanatı üzərində qurulub
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10480

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info