Yaponiya radiosunda Bakıda keçiriləcək sərgi barədə veriliş yayımlanıb
Tarix: 03.10.2017 | Saat: 17:13:00 | E-mail | Çapa göndər


Yaponiyanın populyar “Bay FM 78.0” radiosunda oktyabrın 27-28-də Bakı Biznes Mərkəzində təşkil ediləcək “Japan Food Expo-2017” sərgisi (Yaponiya qida məhsulları sərgisi-2017) barədə xüsusi veriliş yayımlanıb.
AZƏRTAC xəbər verir ki, verilişin qonağı, sərginin işçi qrupunun sədri, “Cross Border Club” şirkətinin prezidenti Kazuyasu İşida əvvəlcə Azərbaycan, onun coğrafi mövqeyi, iqtisadi potensialı, sürətli inkişafı, qədim və zəngin mədəniyyəti barədə ətraflı məlumat verib. Bildirib ki, cari ildə Azərbaycan ilə Yaponiya arasında diplomatik münasibətlərin qurulmasının 25 ili tamam olur və ötən dövrdə iki ölkə arasında sıx dostluq münasibətləri, hər iki tərəf üçün faydalı əlaqələr qurulub. Rəhbərlik etdiyi “Cross Border Club”ın fəaliyyətindən danışan K.İşida deyib ki, son dörd ildə bu şirkətin xətti ilə 400-dən çox yapon iş adamı Azərbaycana səfər edərək bu gözəl ölkə ilə yaxından tanış olub.
“Japan Food Expo-2017” barədə məlumat verən işçi qrupunun sədri iki ölkənin iş adamları tərəfindən böyük maraqla qarşılanan bu sərginin iqtisadi əməkdaşlığı daha da möhkəmləndirəcəyinə əmin olduğunu bildirib. Diqqətə çatdırıb ki, sərgidə Yaponiyanın 70-dək şirkətindən 150-dən çox iş adamı iştirak edəcək. Sərginin təşkili ilə bağlı işçi qrupunun üzvləri iyul və sentyabr aylarında Bakıya gəliblər. Nümayiş etdiriləcək məhsullar “Silkway West Airlines” vasitəsilə Azərbaycana göndərilib.
Sərginin təşkili ilə bağlı Azərbaycan Kənd Təsərrüfatı Nazirliyinin, “Silkway West Airlines”, “Azərsun Holding” şirkətlərinin, “Bravo” və “Araz” supermarketlər qruplarının nümayəndələri ilə müzakirələr aparıldığını bildirən K.İşida deyib ki, həmin müzakirələr sərginin yüksək səviyyədə təşkilində mühüm rol oynayacaq.
Verilişdə Azərbaycanın ən böyük informasiya agentliyi AZƏRTAC-ın sərgiyə informasiya dəstəyi göstərdiyi xüsusi vurğulanıb.
Sərginin, eyni zamanda, yapon iş adamları üçün Azərbaycan xalqının qonaqpərvərliyi, mədəniyyəti ilə tanış olmaq imkanı yaradacağını vurğulayan K.İşida bildirib ki, sərgi iki ölkə arasında gələcək əməkdaşlıq imkanlarını araşdırmaq baxımından da əhəmiyyətli olacaq.
Sərgi barədə verilişin mətni radionun veb-səhifəsində yerləşdirilib.




 
Bölməyə aid digər xəbərlər
15.11.2018
Miqrantlar ABŞ ve Meksika arasında olan sərhəd hasarına çıxdılar
15.11.2018
Yaponiya yaxın 5 ildə 345 minədək əcnəbi işçi qəbul edə bilər
15.11.2018
Rusiya ilə danışıqlar 1956-cı ilin bəyanatı üzərində qurulub
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır
14.11.2018
Fransa hökumətində Donald Trampın tənqidi tvitlərinə şərh veriblər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10477

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info