Əmək və əhalinin sosial müdafiəsi nazirləri görüşüb
Tarix: 04.10.2017 | Saat: 16:25:00 | E-mail | Çapa göndər


Səlim Müslümov: “Humanitar böhranların nəticələrinin aradan qaldırılması sahəsində hər iki ölkə nümunəvi təcrübəyə malikdir”

Beynəlxalq Əmək Təşkilatının (BƏT) 10-cu Avropa Regional İclasında iştirak etmək üçün Türkiyədə səfərdə olan Azərbaycanın əmək və əhalinin sosial müdafiəsi naziri Səlim Müslümovla Türkiyənin əmək və sosial müdafiə naziri Jülidə Seriyeroğlu arasında görüş olub.
BƏT-in 10-cu Avropa Regional İclasının yüksək səviyyədə təşkil olunduğunu qeyd edən S.Müslümov iclas çərçivəsində J.Seriyeroğlunun sədrliyi ilə “Miqrantların və qaçqınların əmək bazarlarına ədalətli və səmərəli çıxışı” mövzusunda keçirilən əmək nazirlərinin qeyri-rəsmi iclasının, iclasda aktual məsələlərin müzakirə çıxarılmasının əhəmiyyətini də diqqətə çatdırıb. Nazir bildirib ki, bu gün həm Türkiyə, həm də Azərbaycan BƏT prinsiplərinə sadiq qalan, əmək və məşğulluq sahələrində mütərəqqi beynəlxalq yanaşmaları fəal şəkildə bölüşən ölkələrdir. Eyni zamanda qaçqın və köçkünlərə, miqrantlara münasibətdə, onların problemlərinin həllində, ümumən humanitar böhranların nəticələrinin aradan qaldırılması sahəsində hər iki ölkə nümunəvi təcrübəyə malik olmaları ilə seçilirlər.
S.Müslümov Azərbaycan və Türkiyə arasında əmək və sosial müdafiə sahəsində ikitərəfli formatda və beynəlxalq təşkilatlar, o cümlədən BƏT, İslam Əməkdaşlıq Təşkilatı (İƏT) çərçivəsində əməkdaşlığın uğurla davam etdirildiyini vurğulayıb: “Azərbaycan Prezidenti İlham Əliyevin 2013-cü ilin noyabrında Türkiyəyə rəsmi səfəri çərçivəsində Ankarada Azərbaycan və Türkiyə hökumətləri arasında əmək, əmək miqrasiyası, sosial müdafiə və məşğulluq sahəsində əməkdaşlığa dair imzalanan saziş əlaqələrimizin yüksək səviyyəyə çatmasına imkan verib. Sazişdən irəli gələn istiqamətlər üzrə fəal əməkdaşlıq, qarşılıqlı təcrübə və məlumat mübadilələri həyata keçirilir. Xüsusilə də iki nazirlik arasında əmək və sosial müdafiə sahəsində əməkdaşlıq üzrə Birgə Daimi Komissiyanın məqsədyönlü fəaliyyətini qeyd etmək yerinə düşər. Komissiya əlaqələrin mövcud vəziyyətinin təhlil edilməsi ilə yanaşı, əməkdaşlığın genişləndirilməsi üçün yeni istiqamətlərin müəyyən olunmasında önəmli işlər aparır”.
Nazir son illərdə ölkəmizdə əmək və sosial müdafiə, tibbi-sosial ekspertiza və reabilitasiya sahələrində yaradılmış avtomatlaşdırılmış sistemləri diqqətə çatdırıb, bu sahədə də qardaş ölkə ilə təcrübə mübadilələrinin aparılmasının önəmli ola biləcəyini bildirib. O, ölkəmizdə əmək bazarının inkişafı, aztəminatlı ailələrin rifah halının dəstəklənməsində sosial yardım mexanizmindən tədricən aktiv əmək bazarı proqramlarına keçidin təmin edilməsi, özünüməşğulluq proqramının icrası sahəsində görülən işlər barədə məlumat verib. İkitərəfli əməkdaşlığın daha da genişləndirilməsi üçün qarşıdakı dövrdə də məqsədyönlü addımların atılacağını qeyd edən S.Müslümov bu sahədə qarşılıqlı səfərlərin də önəmini diqqətə çatdırıb.
J.Seriyeroğlu ötən dövrdə iki nazirlik arasında uğurlu əməkdaşlıq əlaqələrinin qurulduğunu və əlaqələrimizin bundan sonra da inkişaf etməsinə səy göstərəcəyini, əməkdaşlığın hər iki tərəf üçün müvafiq sahələrdə qarşılıqlı faydalar verdiyini bildirib.
Görüşdə əmək və sosial müdafiə sahəsində əməkdaşlıq üzrə Birgə Daimi Komissiyanın fəaliyyətinin daha da intensivləşdirilməsi qərara alınıb və əmək resurslarının rəqabət qabiliyyətinin artırılması, işçi qüvvəsinin ixtisasartımının təşkili və sertifikatlaşdırılması, peşə standartlarının hazırlanması və tətbiqi, gənclərin və əlilliyi olan şəxslərin məşğulluğunun dəstəklənməsi və s. sahələrdə gələcək əməkdaşlığa dair fikir mübadiləsi aparılıb.
Tural




 
Bölməyə aid digər xəbərlər
22.09.2018
Azərbaycan ilə İordaniya dost və qardaş ölkələrdir
22.09.2018
Azərbaycan-Rusiya parlamentlərarası əlaqələri yüksək səviyyədədir
22.09.2018
İsveçrə və Azərbaycan arasında çox yaxşı əlaqələr mövcuddur
21.09.2018
Yıldırım: “Azərbaycanı vətənim kimi qəbul edirəm“
21.09.2018
Ombudsman: “Yalnız müharibənin acısını yaşamış xalqlar sülhün dəyərini bilir”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info