İsa Həbibbəyli: “M.Təhmasibin folklorşünas nəslin yetişməsində böyük xidmətləri olub“
Tarix: 05.10.2017 | Saat: 20:45:00 | E-mail | Çapa göndər


Bu il folklorşünas alim Məmmədhüseyn Təhmasibin anadan olmasının 110 illiyi tamam olub.
AZƏRTAC xəbər verir ki, bu münasibətlə oktyabrın 5-də Azərbaycan Milli Elmlər Akademiyasında (AMEA) “Görkəmli Azərbaycan folklorşünası Məmmədhüseyn Təhmasib” mövzusunda elmi konfrans keçirilib.
Konfransda Folklor İnstitutunun direktoru, akademik Muxtar İmanov Məmmədhüseyn Təhmasibin Azərbaycan folklorşünaslığı sahəsində gördüyü işlərdən danışıb. Qeyd edilib ki, mərhum alimin Azərbaycan folklorunun toplanılması, sistemləşdirilməsi və araşdırılması istiqamətində mühüm xidmətləri olub. M.İmanov alimin "Azərbaycan xalq dastanları (orta əsrlər)" əsərini onun fəaliyyətinin şah əsəri adlandıraraq bildirib ki, M.Təhmasib bununla dastanların ilk dəfə elmi-nəzəri təsnifatını verib.
İnstitutun direktoru alimin ədəbi-bədii yaradıcılıqla da məşğul olduğunu, "Qaçaq Nəbi", "Bir qalanın sirri", "Onu bağışlamaq olarmı?" kimi filmlərə ssenarilər yazdığını, onun "Bahar", "Aslan yatağı" və digər pyeslərinin teatrlarda tamaşaya qoyulduğunu diqqətə çatdırıb.
AMEA-nın vitse-prezidenti, Ədəbiyyat İnstitutunun direktoru, akademik İsa Həbibbəyli M.Təhmasibin folklorşünaslar nəslinin yetişməsində çox böyük xidmətləri olduğunu bildirib. Qeyd edib ki, məhz onun gərgin əməyi nəticəsində ilk dəfə mövsüm və mərasim nəğmələri toplanılıb, tədqiq edilib, aşıq, dastan və digər xalq ədəbiyyatı nümunələri yazıya köçürülüb.
Azərbaycan Dillər Universitetinin rektoru, akademik Kamal Abdullayev M.Təhmasibi uşaq yaşlarından tanıdığını, onun sayəsində “Kitabi-Dədə Qorqud” dastanını, Məhəmməd Füzuli və başqalarının əsərlərini oxuduğunu bildirib. Mərhum alimin elmi əsərləri ilə folklorumuzu zənginləşdirdiyini deyən K.Abdullayev qeyd edib ki, M.Təhmasib ssenari müəllifi olduğu "Onu bağışlamaq olarmı?" filmi ilə yaddaşlarda əbədi iz salıb.
Konfransda AMEA-nın müxbir üzvü Kamran Əliyevin "Məhəmmədhüseyn Təhmasib məktəbi", professor Məhərrəm Qasımlının "Folklor karvanımızın ulu sarvanı", professor Tahirə Məmmədin "M.Təhmasib tədqiqatlarında adət, ənənə və mərasim probleminə konseptual baxış", filologiya elmləri doktoru Seyfəddin Rzasoyun "Azərbaycan folklorşünaslıq tarixində M.Təhmasibin yeri" mövzularında məruzələri dinlənilib.
Tədbir işini bölmə iclasları ilə davam etdirib.




 
Bölməyə aid digər xəbərlər
15.11.2018
Yüksək Texnologiyalar Parkında startapçılar ABŞ-ın müvəqqəti işlər vəkili ilə görüşüb
15.11.2018
“Vəkillik dövlət və cəmiyyət arasında münasibətlərin stabilizatorudur”
15.11.2018
Bakıda beynəlxalq konfrans keçirilir
15.11.2018
Mətbuat Şurası ilə AMEA Mərkəzi Elmi Kitabxanası memorandum imzalayıb
15.11.2018
Bakıda Dünya Diabet Gününə həsr olunmuş tədbir keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10480

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info