ADNSU-da Beynəlxalq Müəllimlər Günü ilə bağlı tədbir keçirilib
Tarix: 05.10.2017 | Saat: 21:25:00 | E-mail | Çapa göndər


Dünən Azərbaycan Dövlət Neft və Sənaye Universitetində (ADNSU) 5 oktyabr - Beynəlxalq Müəllimlər Gününə həsr olunmuş tədbir keçirilib. Bu haqda universitetdən redaksiyamıza məlumat verilib.
Tədbiri giriş sözü ilə açan ADNSU-nun rektoru, professor Mustafa Babanlı müəllim adını şərəflə daşıyan bütün müəllimləri təbrik edib. Müəllimlik peşəsinin nüfuzundan və əhəmiyyətindən söz açan ADNSU-nun rektoru, professor M.Babanlı Azərbaycanda müəllimə hər zaman yüksək qiymət verildiyini qeyd edib.
“Müəllim peşəsi bizdə hər zaman yüksək qiymətləndirilib. Bundan sonra da bu ada xələl gəlməsinə imkan verməməliyik. Cənab prezident İlham Əliyevin təhsilə göstərdiyi yüksək qayğıya cavab olaraq biz də yüksək ixtisaslı kadrlar hazırlamalıyıq”-deyə rektor, professor M.Babanlı bildirib.
ADNSU-nun professor və müəllim heyətini özəl gün münasibətilə təbrik edən millət vəkili Aydın Mirzəzadə Azərbaycan müəlliminin hər zaman nüfuzlu olduğunu və ADNSU-da hər zaman savadlı və bu cür nüfuzlu müəllimlər çalışdığını deyib. Azİİ-nin (indiki ADNSU) hər gəncin arzusu olan bir ali məktəb olduğunu qeyd edən millət vəkili A.Mirzəzadə bu gün də universitetin ən sevilən təhsil ocaqlarından olduğunu deyib.
ADNSU-nun professoru, millət vəkili Hüseynbala Mirələmov müəllimlər gününü müqəddəs gün adlandırıb və bütün həmkarlarını bu gün münasibətilə təbrik edib.
“Məktəblər sözün həqiqi mənasında məbəddir və müəllimlər də bu məbədin müqəddəs kahinləridir. Bu gün olduqca əlamətdar bir gündür”-deyə H.Mirələmov bildirib.
Daha sonra 2016/2017-ci tədris ilində əmək fəaliyyətlərini qüsursuz başa vuran 20 nəfər mükafat alan müəllimlərin adları açıqlanıb.
Tədbirdə çıxış edən Azərbaycan Respublikasının prezidentinin sərəncamı ilə fərdi təqaüd verilən ADNSU-nun professoru Kamal Abdullayev ona göstərilən diqqət və dəyərə görə hər kəsə xüsusi təşəkkürünü bildirib.
“Mən bu böyük mükafata görə rektorumuz və mənə dəstək göstərən bütün kollektiv üzvlərinə təşəkkür edirəm və fəxr edirəm ki, bu gün inkişaf etmiş bir ölkədə yaşayıram.”-deyə professor K.Abdullayev bildirib.
Tədbirin sonunda ADNSU-nun Tərbiyə işləri üzrə prorektoru, desent Ata Babyev tədbir iştirakçılarının Azərbaycan Respublikasının prezidenti Cənab İlham Əliyevə müraciətini oxuyub.
Mahmud




 
Bölməyə aid digər xəbərlər
20.05.2019
Yunanıstanda “Azərbaycan günləri“ adlı silsilə tədbirlər keçirilib
20.05.2019
…Hər sözdə vətən axtaran soydaşımız
20.05.2019
CASCFEN Şəkidə seminar keçirib
20.05.2019
Azərbaycan SPBIF-da öz fəaliyyətini genişləndirəcək
20.05.2019
YAP-la Mədəniyyət Nazirliyi arasında birgə Fəaliyyət Planına dair kommunike imzalanıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10783

1 “İş yerlərində təhlükəsiz əmək şəraiti yaratmaq lazımdır”
2 “Ukraynanın ictimai-siyasi həyatında fəal iştirak edirik”
3 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
4 Üç müharibə iştirakçısı olan general-mayor
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info