Kerri və Lavrov Suriya məsələsində razılığa gəlib?
Tarix: 08.05.2013 | Saat: 23:47:00 | E-mail | Çapa göndər


ABŞ dövlət katibi Con Kerri ilə Rusiyanın xarici işlər naziri Sergey Lavrov arasında görüş keçirilib. Görüşdə Con Kerri Suriya böhranının həllində Rusiya ilə mövqelərinin üst-üstə düşdüyünü söyləyib:

“ABŞ Suriyada sabitliyin bərqərar olmasında, bütün bölgəyə təsir edəcək problemlərin baş verməməsi barədə Rusiya ilə ortaq mövqeyə malikdir. Bizim ölkələrimiz Cenevrə sazişini imzalamaqla bu ortaq mövqeni nümayiş etdiriblər. Ona görə də, hesab edirəm ki, bu problemi detallı şəkildə müzakirə edə biləcəyik”. Con Kerri Şimali İrlandiyada keçiriləcək “Böyük səkkizlər” sammiti çərçivəsində ABŞ prezidenti Barak Obamanın Rusiya prezidenti Vladimir Putinlə görüşəcəyini söyləyib. Rus və Amerika mütəxəssislərinin Bostonda baş verən terror hadisəsinin üstünün açılması üçün birgə çalışdığını söyləyən dövlət katibi rəsmi Moskvaya təşəkkürünü bildirib. Sergey Lavrov Rusiya və ABŞ-ın Suriyanın ərazi bütövlüyü və suverenliyinə dair öhdəliklərini bir daha təsdiq etdiklərini söyləyib. Görüşdən sonar keçirilən brifinqdə dövlət katibi bildirib ki, Suriyanın böhranın siyasi həllindən imtina etməsi ölkənin çökməsinə və regionda xaosun yaranmasına gətirib çıxaracaq. Onun sözlərinə görə, Suriyadakı böhranın sülh yolu ilə həllinin alternativi humanitar böhranın artmasından, ölkənin bir neçə yerə parçalanmasından, etnik zəmində həyata keçirilən təmizləmələrdən ibarətdir: “Bütün bunlar regionda stabilliyi təhdid edir. İndiyə kimi hamı elə bilir ki, ABŞ və Rusiya bu sahədə əməkdaşlıq etmirlər. Lakin mən hesab edirəm ki, bu gün Cenevrə kommunikesinin həyata keçirilməsi haqqında əməkdaşlıq etməyə hazırlaşdığımız barədə danışmağımız çox vacibdir”. Sergey Lavrov Suriyanın Cenevrə kommunikesi əsasında danışıqların aparılmasına hazır olduğunu söyləyib: “İndiki mərhələdə ən vacib məsələ Suriya müxalifəti ilə hökumət üzvlərini bir masa arxasında oturdub danışıqlara başlamaqdır. Əslində Suriya hökuməti keçən ilin iyununda bu addımı atmağa hazır olduğunu bildirmişdi. Suriyalı həmkarım da bunu telefon danışığında yenə də təsdiqlədi. O, Suriya hökumətinin danışıqlara yenə hazır olduğunu söylədi. Əlbəttə ki, bütün verilən sözlər məndə əminlik yaradır ki, sözdə əməl olunana işdə də əməl olunacaq”. S. Lavrov bildirib ki, Rusiya və ABŞ Suriya müxalifəti və hakimiyyətini danışıqlar masasına əyləşdirmək üçün bütün imkanlardan istifadə etmək barədə razlığa gəliblər. Yeri gəlmişkən qeyd edək ki, İranın xarici işlər naziri Əli Əkbər Salehi Suriyaya səfəri çərçivəsində ölkə prezidenti Bəşər Əsədlə görüşüb. Bəşər Əsəd görüşdə bəyan edib ki, Suriya, lazım gəldikdə, İsrailin hücumunu dəf etməyə qadirdir.

ANAR




 
Bölməyə aid digər xəbərlər
26.05.2019
İran Fars körfəzi dövlətləri ilə hücum etməmək haqqında müqavilə imzalamağa hazırdır
26.05.2019
Viqen Akopyan: “Paşinyan komandasında təsir rıçaqını əldə etmək üçün mübarizə gedir”
25.05.2019
Türkiyənin təhlükəsizlik qüvvələri PKK-nın Qara dəniz düşərgəsini ələ keçiriblər
25.05.2019
Serj Sarkisyan gizlicə Koçaryanla görüşüb
25.05.2019
Erməni ordusuna ayrılan sabunlar Gümrüdəki bazarda satılır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info