Pensiya qanunvericiliyindəki son dəyişikliklərin tətbiqi ilə bağlı tədbirlərə yekun vurulub
Tarix: 06.10.2017 | Saat: 20:36:00 | E-mail | Çapa göndər


Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun pensiya qanunvericiliyindəki son dəyişikliklərin tətbiqi ilə bağlı yerli şöbələrin əməkdaşları üçün respublikamızın bölgələrində keçirdiyi izahat-məlumatlandırma tədbirləri Şəki şəhərində təşkil olunan seminar-müşavirə ilə yekunlaşıb.
Oktyabrın 6-da Fondun 8 rayon (Şəki, Göyçay, İsmayıllı, Qəbələ, Oğuz, Qax, Zaqatala, Balakən) şöbəsinin pensiya təyinatını həyata keçirən əməkdaşlarının iştirakı ilə keçən tədbirdə sığorta-pensiya sistemində aparılan növbəti islahatların pensiya təminatı sisteminin müasir tələblərə uyğun və sığorta prinsipinin gücləndirilməsi əsasında təkmilləşdirilməsi məqsədinə xidmət etdiyi vurğulanıb. Bu islahatların məqsəd və mahiyyəti, “Əmək pensiyaları haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 10 mart tarixli 543-VQD nömrəli Qanununun tətbiqi ilə bağlı görüləcək işlər, Azərbaycan Respublikasının Prezidentinin “Əmək pensiyaları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2006-cı il 6 mart tarixli 377 nömrəli Fərmanında dəyişikliklər edilməsi haqqında” 2017-ci il 1 may tarixli Fərmanından irəli gələn vəzifələr iştirakçıların diqqətinə çatdırılıb.
Fondun mütəxəssisləri pensiya qanunvericiliyindəki son dəyişikliklərin tətbiqi qaydaları barədə ətraflı məlumat veriblər. Yerli şöbələrin əməkdaşlarına 2017-ci il 1 iyul tarixədək təyin olunmuş əmək pensiyalarının məbləğinin şərti çevrilməsinin aparılması və həmin vaxta qədər istifadə olunmamış pensiya kapitalının yenidən hesablanması qaydası, pensiya yaşının qanunvericilikdə nəzərdə tutulan qaydada artırılması, yaşa görə və əlilliyə görə pensiya hüququnun yaranması, pensiya öhdəliklərinin strukturu və s. izah olunub. Yeni maliyyələşmə mexanizmi, pensiya kapitalının formalaşması, yaşa görə pensiya məbləğinin hesablanması, həmçinin işləyən yaşa görə pensiyaçıların pensiyalarının yenidən hesablanması qaydalarından bəhs olunub. Tədbirdə iştirakçıların müvafiq məsələlərə dair sualları da cavablandırılıb.
Ötən dövrdə Dövlət Sosial Müdafiə Fondu tərəfindən Bakı (Fondun aparatı), Gəncə və Şirvan şəhərlərində, Xaçmaz, Masallı, Yevlax, Şəki rayonlarında seminar-müşavirələr keçirilib. Bu tədbirlərdə Fondun respublikamızın bütün rayon (şəhər) şöbələrinin aidiyyəti sektorlarının əməkdaşlarının iştirakı və onlara pensiya qanunvericiliyindəki son dəyişikliklərin tətbiqi məsələlərinə dair izahatların verilməsi təmin edilib.
Tural




 
Bölməyə aid digər xəbərlər
20.06.2019
“Uşaq əməyinin istismarının qarşısının alınması” mövzusunda maarifləndirici tədbir keçirilib
20.06.2019
Məşğulluq Mərkəzlərinin əməkdaşlarına əlilliyi olan şəxslər üçün özünüməşğulluq proqramı barədə təqdimat keçirilib
20.06.2019
Azərbaycan əhalisinin sayı açıqlandı
20.06.2019
Yayda Bakının torpaq bazarında qiymətlər necə olacaq?
19.06.2019
Azərbaycanla İran və İndoneziya arasında əməkldaşlığa dair fikir mübadilələri aparılıb

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10812

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Prezidentin Sərəncamı: 160 minə yaxın müəllimin orta aylıq maaşı 605 manat oldu
5 Masallının Lürən kəndində yeni tibb məntəqəsi açılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info