AZAL 6 “Boeing“ təyyarəsi almaq üçün hazırlıq işləri aparır
Tarix: 10.10.2017 | Saat: 16:57:00 | E-mail | Çapa göndər


AZAL 6 "Boeing" təyyarəsi almaq üçün hazırlıq işləri aparır.Bunu "Azərbaycan Hava Yolları" Qapalı Səhmdar Cəmiyyətinin (AZAL) sədri Cahangir Əsgərov 7-ci Xəzər Avia Yük Daşımaları Sammitində çıxışı zamanı deyib.
C.Əsgərov qeyd edib ki, hazırda Azərbaycan aviasiyası ölkənin qeyri-neft sektorunun ən mühüm sahələrindən biridir: Hazırda Azərbaycan mülki aviasiyasında "Boeing 747", "Boeing 787", "Boeing 767", "Airbus 340", "Airbus 320", "Airbus 319" və "Embraer 190" tipli təyyarələr mövcuddur. Eyni zamanda, bunu da qeyd etmək istərdim ki, 10 ədəd ən müasir "Boeing 737 MAX" təyyarəsinin alınması üçün saziş imzalamışıq. Həmin təyyarələri 2018-ci ildən etibarən istismara verəcəyik".QSC sədri xatırladıb ki, Azərbaycanın Bakı, Naxçıvan, Gəncə, Qəbələ, Lənkəran və Zaqatala şəhərlərində ümumilikdə 6 beynəlxalq aeroport fəaliyyət göstərir. Bu aeroportlar mülki aviasiyanın hər bir tipli hava gəmilərini qəbul etmək imkanına malikdirlər.
C.Əsgərov yük aviasiyası haqqında da məlumat verib: "Silk Way" aviaşirkəti 10 ədəd "Boeing 747" tipli hava gəmisi istismar edir. Onlardan 5-i "Boeing 747-8 F" tiplidir. Bu gün "Silk Way" 60 ölkəyə, o cümlədən 37 istiqamət üzrə müntəzəm uçuşlar həyata keçirir. Qeyd etməliyəm ki, son bir il ərzində 11 yeni istiqamət açılıb. Yaponiya, Malayziya, Sinqapur, Banqladeş, Küveyt, Səudiyyə Ərəbistanı, eləcə də Sakit okeanı üzərindən Honq Konq-Çikaqo marşrutu istismara buraxılıb".
O bildirib ki, AZAL 4 ədəd "Boeing 787 Dreamliner" və 2 ədəd "Boeing 747-8 F" tipli təyyarələrin alınması üzrə hazırlıq işləri aparır: "Bu ilin sonuna kimi müqavilə imzalayacağıq".
QSC sədri deyib ki, Heydər Əliyev Beynəlxalq Aeroportu “Böyük İpək Yolu” layihəsində mühüm rol oynayır: "Bir sözlə, biz Heydər Əliyev Beynəlxalq Aeroportunu böyük logistik haba çevirdik".
C.Əsgərov vurğulayıb ki, Azərbaycanda “Strateji Yol Xəritəsi” layihəsi təsdiq olunub: "Layihə 2020-ci ilə kimi nəzərdə tutulub. Azərbaycan mülki aviasiyasının payına düşən işlərin 80 faizini biz bu gün yerinə yetirmişik. Bu, böyük nailiyyətdir.
Ümid edirik ki, yaxın zamanda biz Heydər Əliyev Beynəlxalq Aeroportunda Azad İqtisadi Zonanı yarada biləcəyik. Bu layihənin icrası üçün qanunvericilik bazası təsdiq edilmişdir. Onun icrası ilə bağlı tədbirlər planı hazırlanmaqdadır".
Tural




 
Bölməyə aid digər xəbərlər
18.01.2019
Azərbaycan nefti bahalaşıb
17.01.2019
Qeyri-neft sektorunda həyata keçirilmiş ən böyük layihə
17.01.2019
Energetika Nazirliyi Serbiya Prezidentinin Rusiya mətbuatına açıqlamasına münasibət bildirib
17.01.2019
Özəl televiziyalara birdəfəlik maliyyə yardımı ayrılıb
17.01.2019
Neftçalada Regional Forum keçirilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info