“Dağlıq Qarabağı dondurulmuş konfliktə çevirə bilmədilər”
Tarix: 10.10.2017 | Saat: 21:00:00 | E-mail | Çapa göndər


Sahib Aliyev: “Ermənistan apreldə hərbi baxımdan necə zərbə yemişdisə, bənzəriylə də diplomatik cəbhədə üzləşdi”

Nazirlər Kabinetinin 2017-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında Prezident İlham Əliyev çıxışı zamanı bir sıra vacib məsələlərə toxundu ki, bunlardan biri də Dağlıq Qarabağ münaqişəsi ilə bağlı idi.
Toplantıdakı çıxışında dövlət başçısı İlham Əliyev Dağlıq Qarabağ probleminə toxunarkən dedi ki, danışıqları pozmağa çalışan Ermənistan öz məqsədinə çatmadı.
Məsələyə münasibət bildirən millət vəkili Sashib Aliyev deyir ki, artıq bir neçə dəfədir Prezident bu haqda danışsa da, bəlli səbəblərdən çox da detallara varmır:
“Detallar deyəndə nələri nəzərdə tuturuq? Birincisi, Aprel döyüşlərindən sonra Serj Sərkisyan Kollektiv Təhlükəsizlik Müqaviləsi Təşkilatından Azərbaycana qarşı bir sıra addımlar atılmasını tələb edirdi ki, burada da Qazaxıstan və Belarusun etirazıyla qarşılaşdı. İkincisi, o, öncə bir neçə günə itirdikləri yüksəklikləri geri alacaqlarını, ardından da bunun mümkünsüzlüyünü görüb, Azərbaycan azad etdiyi mövqeləri geri verməsə, heç bir danışıqlara getməyəcəklərini bildirirdi. Bu oldu? Olmadı.
Ermənilərin başqa tələbləri isə Aprel döyüşlərinə bənzər olayların təkrarlanmaması üçün ön xətdə nəzarət mexanizmi yaradılmasıyla bağlı idi. Belədə indi dayandıqları mövqelərə de-fakto sərhəd statusu qazandıracaq bu addımı Azərbaycan təbii ki, rədd etməli idi və etdi də”.
Millət vəkili deyir ki, Serj Sərkisyanın irəli sürdüyü bütün bu tələblərin yerinə yetirilmədiyinə baxmayaraq forpostbaşı danışıqlar stolu arxasında əyləşdirilir, özü də havadarlarının təkidiylə: “Niyə? Ona görə ki, həmən havadarları nə qədər çalışsalar da, Dağlıq Qarabağın dondurulmuş konfliktə çevrilmədiyini görürlər. Və onu da görürlər ki, belə davam etsə, cəbhədə ötən ilin aprelindəkinə bənzər olayların baş vermə ehtimalı çox yüksək, himayə etdikləri Ermənistanın bu döyüşlərdən daha böyük itkiylə çıxması ehtimalı isə ondan da yüksəkdir.  Baxın, “Bloomberg” agentliyi yaydığı bir araşdırma materialında Dağlıq Qarabağı dünyadakı 5 ən qaynar nöqtədən biri, aprel döyüşlərini isə son 23 ilin ən güclü toqquşması kimi dəyərləndirib.
Bu, az öncə dediklərimizi təsdiqləyən daha bir faktdır ki, Dağlıq Qarabağı dondurulmuş konfliktə çevirə bilmədilər. Ona görə çevirə bilmədilər ki, Azərbaycan torpaqlarının işğal altında saxlanmasına seyrçi qalmır, bunun üçün hazırda nəyi etmək mümkündürsə onu da edir.
“Bloomberg”in son 23 ilin ən güclü toqquşması adlandırdığı Aprel döyüşləri də bu yöndə atılan addımlardan biri və bəlkə də ən effektlisi idi. 
Bu döyüşlərdən sonra irəli sürdükləri və bir çoxu havadarlarının da gizlin, yaxud da açıq dəstəklədikləri tələblər rədd edildiyi halda Serj Sərkisyanın danışıqlar stolu arxasında əyləşdirilməsi fikrimcə, o deməkdir ki, Ermənistan apreldə hərbi baxımdan necə zərbə yemişdisə, bənzəriylə də diplomatik cəbhədə üzləşdi.
Burada önəmli olan bilirsinizmi nədir? Dağlıq Qarabağ probleminin həlli ancaq sülh yoluyla mümkündür deyərək əslində konfliktin dondurulmasına çalışanlara, bunun ayrı və daha effektli yolunun olduğunu Azərbaycanın ötən ilin aprelində atdığı addımlarla ortaya qoyması, ən əsası da onu həzm etdirməsidir”.
Tural Tağıyev




 
Bölməyə aid digər xəbərlər
22.08.2019
Azərbaycan XİN: Ermənistan heç bir halda demokratiyanın qasidi statusuna iddia edə bilməz
22.08.2019
Əli Kərimli mərasimləri, məzarlıqları özünün təbliğat tribunasına çevirməyə çalışır
21.08.2019
Əli Kərimlinin hərəkətləri şəhidlərimizə, onların yaxınlarına hörmətsizlikdən başqa bir şey deyil
21.08.2019
Mühacirlərin internet TV-ləri haradan maliyyələşir?
20.08.2019
Saakaşvili: “Qarabağ Azərbaycandır, bütün dünya bu fikirdədir”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info