Bişkeklə Astana arasında diplomatik qalmaqal
Tarix: 10.10.2017 | Saat: 23:40:00 | E-mail | Çapa göndər


Səlahiyyət müddətinin bitməsinə günlər qalan Atambayev qonşu Qazaxıstanla yeni siyasi müharibəni alovlandırıb
Bu həftə Qırğızıstanda prezident seçkiləri keçiriləcək. Oktyabrın 15-də olacaq seçki ərəfəsində ölkədə siyasi vəziyyət gərginləşməkdədir. Əsas namizədlər olan Sooronbay Jeenbeyevlə Omurbey Babanov arasında gərgin mübarizə gedir. Üçüncü şəxslərin iştirakı ilə münasibətlərin kəskinləşməsi, ortaya kompromatların atılması prosesi sürətlənib. Belə bir məqamda ölkənin prezidenti Almazbek Atambayev tərəfindən edilən gediş seçki sonası üçün yaxşı heç nə vəd etmir. Artıq səlahiyyət müddətinin bitməsinə günlər qalan Atambayev qonşu Qazaxıstanda diplomatik müharibənin alovlandırıb. Buna səbəb isə ötən ay namizədlərdən biri - Babanovun Astanada Qazaxıstan dövlət başçısı Nazarbyevlə görüşməsidir. Həmin vaxt Qırğızıstanın Xarici İşlər Nazirliyi Astanaya nota təqdim etmişdi. Astana narahatlıq üçün əsas görmür. Hakimiyyətin namizədi olan Sooronbay Jeenbeyev həmin görüşdən bir ay əvvəl Astananın qonağı olub. Amma Bişkekdə hesab edirlər ki, Astana Babanovla seçkiyə yaxın görüşməklə kimi dövlət başçısı görmək istədiyini açıqlayıb. Amma rəsmi Bişkek narazılığını artan şəkildə ifadə etməkdə davam edir. Oktyabrın 7-də Qırğızıstanda baş verən yol qəzasında baş nazirin müavini həlak olub. Həmin gün dövlət mükafatlarının təqdimetmə mərasimində çıxış edən Atamayev baş nazirin müavininin ölümü ilə bağlı məsələyə də toxunub və birdən-birə Qazaxıstanın ölkəsində keçiriləcək seçkiyə müdaxiləsi ilə bağlı danışmağa başlayıb: “Mən yaxşı başa düşürəm ki, nəyə görə Astana bizə Babanov kimilərin rəhbərlik etməsinin istəyir. Onlar Bakiyevi də sevirlər (Kurmanbek Bakiyev ölkə prezidenti olub və 2010-cu ildə olan çevriliş zamanı ölkədən qaçıb). Bakiyevlər hələ də bayramları Almatıda keçirirlər”. Qırğızıstan dövlət başçısının diplomatik qalmaqalın əsasını qoyan çıxışı bununla kifayətlənməyib. O, daha sonra bildirib ki, Qazaxıstan dövlət başçısının Babanovu nəzərdə tutaraq “Qırğızıstanın gənc dövlət başçısının olması yaxşıdır” sözlərini ölkəsinin daxili işlərinə müdaxilədir. Atambayev dekabr ayna qədər bu məsələyə son qoyacağını bildirib. Qazaxıstanın deyilənlərə reaksiyası özünü çox gözlətməyib. Qazaxıstanın Xarici İşlər Nazirliyi bəyan edib ki, seçki kampaniyası məqsədi ilə səsləndirilən yalan, iftira, provokasiya xarakterli fikirlər çoxəsrlik tellərlə bir-birinə bağlı olan dost xalqlar arasında münasibətlərə zərbə vura bilməz. Qalmaqal bununla kifayətlənmir. Atambayev baş verənlərə etiraz əlaməti olaraq MDB dövlət başçıları Şurasının toplantısına qatılmaqdan imtina edib. Səbəb- Nazarbayevin orada iştirakıdır. Ekspertlər hesab edir ki, Atambayevin məqsədi Babanovu seçkidə sıxışdırmaqdır. Qazaxıstanlı ekspert Dosım Satpayev hesab edir ki, Babanov Atambayevin müdafiə etdiyi namizədə çox ciddi rəqibdir. Onun sözlərinə görə seçkidən sonra vəziyyət sakitləşəcək. Avrasiya İttifaqının üzvü olan iki ölkəni sıx iqtisadi əlaqə bağlayır. Bu məsələdə qırğızlar Astanadan asılıdır. Mərkəzi Asiya üzrə ekspert Arkadi Dubnov hesab edir ki, Babanov ilk turda çətin qələbə qazansın. Ona görə də seçkinin ikinci turunun olması ehtimalı çoxdur.
Anar Miriyev




 
Bölməyə aid digər xəbərlər
21.11.2018
“Ermənistan nümayəndəsinin KTMT-nin baş katibi seçilməməsi Paşinyana ciddi zərbə olacaq”
21.11.2018
Çavuşoğlu S-400-lə bağlı məsələyə son qoydu: “Anlaşmanın ləğv edilməsi mümkün deyil”
21.11.2018
RecExpo 2018-də Monteneqronu kəşf et: 2019-da açılacaq ruhlandırıcı dənizkənarı kurort Portonovi
20.11.2018
Belarus səfəri Ermənistanda böyük rezonans doğurub
20.11.2018
Moldova prezident idarəçiliyinə qayıtmaq istəyir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info