Xaçmazda insan alveri ilə bağlı maarifləndirmə tədbiri keçirilib
Tarix: 11.10.2017 | Saat: 15:49:00 | E-mail | Çapa göndər


İnsan alveri ilə məşğul olan cinayətkarlar yalançı nikahlardan da istifadə edirlər. Bu fikir “Ailə Dünyası” Ailələrə Hüquqi Yardım İctimai Birliyi tərəfindən Xaçmaz rayonunda insan alveri ilə bağlı təşkil olunan maarifləndirmə tədbirində səsləndirilib.
Tədbir Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən “Məlumatlı ol ki, insan alveri qurbanı olmayasan” layihəsi çərçivəsində baş tutub. Bu haqda “Ailə Dünyası” Ailələrə Hüquqi Yardım İctimai Birliyinin mətbuat xidmətindən məlumat verilib.
Tədbiri giriş sözü ilə açan Xaçmaz Rayon İcra Hakimiyyətinin ictimai-siyasi və hümanitar məsələlər şöbəsinin baş məsləhətçisi Yaqut Şıxəliyeva rayonda insan alveri ilə bağlı həyata keçirilən tədbirlər haqqında məlumat verərək, bu istiqamətdə vətəndaş cəmiyyəti təşkilatları ilə aparılan əməkdaşlığı yüksək qiymətləndirib. Bu istiqamətdə müxtəlif qurumların birgə fəaliyyətinin vacib olduğunu bildirib.
“Ailə Dünyası” Ailələrə Hüquqi Yardım İctimai Birliyinin sədri Gülayə Səfərova “Məlumatlı ol ki, insan alveri qurbanı olmayasan” layihəsi haqqında geniş məlumat verərək bildirib ki, insan alveri ilə bağlı maarifləndirmə fəaliyyəti çərçivəsindən müxtəlif aksiyalar keçirilib, bukletlər, yaddaş kitabçaları hazırlanıb və eyni zamanda hüquqi yardımlar göstərilib. Təşkilat rəhbəri insan alveri haqqında geniş məlumat verərək, onun potensial qurbanları və həyata keçirilmə yolları haqqında məlumat verib.
Gülayə Səfərova insan alverinin qurbanı olmuş şəxslərin həyat hekayələri haqqında bəzi məqamları görüş iştirakçılarına çatdırmaqla, insan alveri ilə məşğul olan mütəşəkkil cinayətkar qrupların həyata keçirdiyi müxtəlif metodlar haqqında geniş informasiya verib. Bu prosesdə yalançı evliliklər istifadə olunaraq “həyat yoldaşı” tərəfindən xanımının cinsi istismara cəlb olunduğu haqqında faktların da mövcud olduğu bildirilib.
Ekspert qeyd edib ki, əksər hallarda insan alverinin qurbanları öz qohumları, qonşuları və rəfiqələri tərəfində tora salınır. Çünki bu prosesdə psixoloji məqamlar əsas rol oynayır. Bununla yanaşı təşkilat tərəfindən hazırlanmış insan alevri ilə bağlı Yaddaş kitabçaları iştirakçılara təqdim olunub.
Təşkilat rəhbəri əlavə edib ki, insan alveri dedikdə cinsi istismar ilə yanaşı məcburi əməyə cəlb edilmə də başa düşülür. Bununla da bağlı Azərbaycanda faktlar mövcuddur.
Xaçmaz rayon Polis Şöbəsinin əməkdaşı polis leytenantı Emin Nəhmətov rayonda bu istiqamətə görülən tədbirlərdən danışıb və qeyd edib ki, insan alverinə qarşı mübarizə dövlət qurumları ilə yanaşı hər bir vətəndaşın dəstəyi həll edici və mühümdür.
Daha sonra görüş iştirakçılarını maraqlandıran məsələlər ilə bağlı əlavə informasiya verilib.

Fuad




 
Bölməyə aid digər xəbərlər
14.11.2018
Bələdiyyə loqo müsabiqəsi elan edib
14.11.2018
Daxili orqanlarında narkotik vasitə keçirmək istədilər
14.11.2018
“Xanoba“ gömrüyündə qızıl zərgərlik məmulatları keçirən şəxs saxlanılıb
14.11.2018
“Ölkəmizi tanıyaq”: Onuncu tur-aksiyada 76 şəhər və rayondan 3190 şagird iştirak edir
13.11.2018
Ali təhsil ocağında görkəmli rəssamın xatirəsi anılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10471

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info