: “Azərbaycanla münasibətlərin daha da inkişaf etdirilməsi önəmlidir”
Tarix: 11.10.2017 | Saat: 23:08:00 | E-mail | Çapa göndər


Azərbaycan Respublikasının İsveçrə Konfederasiyasındakı səfiri Xanım İbrahimova etimadnaməsini bu ölkənin Prezidenti xanım Doris Löytharda təqdim edib. İsveçrə Prezidenti səfiri hazırkı vəzifəyə təyin olunması münasibətilə təbrik edib və fəaliyyətində uğurlar arzulayıb. Səfir Xanım İbrahimova Azərbaycan Prezidenti İlham Əliyevin salamlarını və xoş arzularını İsveçrə Prezidenti Doris Löytharda çatdırıb. İsveçrə ilə Azərbaycan arasında münasibətlərin daha da inkişaf etdirilməsinin önəmini vurğulayan Doris Löythard Azərbaycan Prezidenti ilə Davos İqtisadi Forumu çərçivəsində görüşdüyünü və bu görüşlərin ənənəvi xarakter aldığını söyləyib. İsveçrə Prezidenti Doris Löythard onun ən xoş arzularının və salamlarının Azərbaycan Prezidenti İlham Əliyevə çatdırılmasını xahiş edib. Səfir ölkəmizin İsveçrə ilə münasibətlərə böyük önəm verdiyini qeyd edib, ölkə başçıları səviyyəsində aparılan siyasi dialoqun əsasında digər sahələrdə də əməkdaşlıq üçün imkanlar yarandığını diqqətə çatdırıb. Xanım İbrahimova səfir olaraq mövcud əlaqələri daha da gücləndirmək və yeni əməkdaşlıq istiqamətlərini müəyyən etmək əzmində olduğunu bildirib. Görüşdə Ermənistan-Azərbaycan, Dağlıq Qarabağ münaqişəsinin həlli prosesinə toxunulub, İsveçrə tərəfinin bu münaqişənin həlli üzrə danışıqlar üçün platforma təqdim etməsi məmnunluqla qeyd edilib. Söhbət zamanı iki ölkə arasında enerji sahəsindəki əməkdaşlıqdan da bəhs olunub, “Şahdəniz-2” layihəsi çərçivəsində Azərbaycan qazının Avropaya çıxarılması və bununla da Avropanın enerji təhlükəsizliyinin təmin edilməsi məsələləri ətrafında fikir mübadiləsi aparılıb. X.İbrahimova İsveçrə şirkətlərinin Azərbaycanda, SOCAR-ın isə İsveçrədə fəaliyyətinə toxunub, ölkəmizin iqtisadiyyatının şaxələndirilməsi istiqamətində görülən işlər barədə ətraflı məlumat verib və İsveçrə şirkətlərinin qeyri-neft sektoruna sərmayə yatırmaqla bu işə töhfə verməsini müsbət hal kimi qeyd edib. Görüşdə, həmçinin iki ölkənin işgüzar dairələri arasında əlaqələrin qurulması baxımından birgə biznes forumların və müştərək iqtisadi komissiyanın fəaliyyətinin vacibliyi vurğulanıb, eləcə də iki ölkənin parlamentlərindəki dostluq qrupları arasında əməkdaşlığın əhəmiyyəti qeyd edilib.




 
Bölməyə aid digər xəbərlər
15.11.2018
Bu gün Azərbaycan elminin əsas problemi – alimlərin məvaciblərinin aşağı olmasıdır
14.11.2018
Davamli dil siyasəti dövlətin əsas prioritet istiqaməti kimi
13.11.2018
“Ölkəmizdə elə bir sahə yoxdur ki, orada qadınlar təmsil olunmasınlar”
13.11.2018
Marko Alvera: TAP-ın inşası 2020-ci ildə başa çatacaq
13.11.2018
Tereza Mey: “Brexit” müzakirələri son mərhələyə çatıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10476

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Azərbaycan turizmi Yunanıstanda təbliğ olunub
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info