UNEC-də elektron pulların perspektivləri araşdırılıb
Tarix: 12.10.2017 | Saat: 00:16:00 | E-mail | Çapa göndər


Azərbaycan Dövlət İqtisad Universitetində (UNEC) “Elektron pullar: mövcud vəziyyət və inkişaf perspektivləri” mövzusunda elmi seminar keçirilib. Universitetinin Tədqiqat Fondunun təşkil etdiyi elmi seminarda fondun prezidenti Fərhad Əmirbəyov elektron iqtisadiyyatın idarəetmə, biznes və sosial sahələrin, eləcə də cəmiyyətin inkişafı üçün yeni təməl olduğunu bildirib. O, qlobal dünyada iqtisadiyyatın əsas trendlərindən sayılan elektron maliyyənin iqtisadi inkişafın dinamikasında, məhsuldarlığın artırılmasında, yeni bazar və sənaye sahələrinin yaranmasında, davamlı inkişafın təmin edilməsində mühüm rol oynadığını diqqətə çatdırıb. Seminarda Rusiyanın rəqəmsal iqtisadiyyat və elektron maliyyə üzrə tanınmış eksperti, “Bəşəriyyət” Beynəlxalq Fondunun prezidenti, hüquq elmləri doktoru Ruslan Makarov “Elektron pullar: mövcud vəziyyət və inkişaf perspektivləri” mövzusunda məruzə ilə çıxış edib. O, elektron pul anlayışı, onun funksiyası, dünyada yayılması barədə geniş məlumat verib. R.Makarov alternativ valyuta növlərindən bəhs edib, kriptovalyuta və elektron pul vahidlərinin yaradılması, istifadəsi və digər müsbət xüsusiyyətləri barədə danışıb. O, eyni zamanda, e-pulların müxtəlif dövlətlərdə tətbiqinin müsbət nəticələrindən bəhs edib. UNEC rektoru, professor Ədalət Muradov bildirib ki, iqtisadiyyat tamamilə başqa xarakter almağa başlayıb və bu cür iqtisadiyyat xidmətin yeni növlərinin tətbiqini tələb edir. Elektron pulların xüsusiyyətlərindən danışan rektor onun tətbiqi üzrə nəticələrin araşdırılmasının vacibliyini vurğulayıb. Bildirilib ki, elektron pulların faydası haqqında dünyada əsasən bank və kompüter mütəxəssisləri danışsa da, Azərbaycanda bu təşəbbüsü UNEC-in alimləri ələ almalı və elektron pulun əhəmiyyətini əsaslandıran təkliflər hazırlamalıdırlar. Rektor ilk addım kimi “UNEC ekspert” jurnalının növbəti sayının elektron pullara və kriptoavalyutalara həsr olunacağını, Azərbaycanda elektron pulların tətbiqinin fayda və perspektivlərinin, həmçinin təhlükəli tərəflərinin təhlil ediləcəyini bildirib. Elmi seminar müzakirələrlə davam edib.
Cavidan




 
Bölməyə aid digər xəbərlər
20.11.2018
İnzibati məsuliyyətə cəlb edilən piyadaların sayı 100 mini ötüb
20.11.2018
AMEA-da Cümhuriyyət tarixinə dair dəyərli elmi-tədqiqat işləri aparılır
20.11.2018
Qloballaşma şəraitində milli dəyərlərimizin konfiqurasiyasının dəyişdirilmə təhlükəsi
20.11.2018
Aysel Fərziyeva yeni vəzifəyə gətirilib
20.11.2018
Auditorlar Palatası Gömrük Komitəsi ilə əməkdaşlığa dair sənəd imzalayacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info