Türkiyə hökumətinin biganəliyi: Türkiyə-Azərbaycan münasibətlərini korlamağa çalışırlar
Tarix: 16.10.2017 | Saat: 17:58:00 | E-mail | Çapa göndər


Türk yazarların işğal altında olan Azərbaycana qanunsuz səfər etməsi, sonra da separatçı rejimi və Ermənistanı təbliğ etməsinin ardından Türkiyə Parlamentinin bir qrup üzvü də AŞPA-da Azərbaycan əleyhinə qəbul edilən qətnaməni dəstəkləyiblər. Təbii ki bütün bunlar Azərbaycan ictimaiyyətini narahat etməyə bilməz. Əsas təəssüf doğuran məqam isə Türkiyə hökümətinin bütün bunlara biganə münasibətidir.
Türkiyə vətəndaşları olan bir qrup yazar beynəlxalq hüquq normalarını pozaraq Azərbaycanın işğal olunmuş torpaqlarına qeyri qanuni səfər edir, separatçı rejimin rəhbərliyi ilə görüşür, Xocalı Soyqırımının əsas iştirakçısı olan Sarkisyanla bir araya gəlir və ölkələrinə qayıtdıqdan sonra isə ölkə mətbuatında erməni qonaqpərvərliyi haqqında ağzıdolu danışmağa başlayırlar. Beləcə açıq şəkildə ermənilərin təbliğatını aparırlar. Ən acıqnacaqlısı isə budur ki, bütün bunları Türkiyə höküməti görməzdən gəlir. Xarici işlər nazirliyinin sözçüsü, yaxud səfir səviyyəsində verilmiş yumşaq bir bəyanatla kifayətlənir. Bunu həmin şəxslərin, öz təşəbbüsü olması ilə izah etdir.
Milli.Az xezerxeber.az-a istinadən bildirir ki, birincisi hüquqi müstəvidə həmin şəxslər qanunu pozaraq işğal altında olan torpaqlara səfər ediblər. İkincisi isə bunu hər hansı bir ölkənin yox qardaş Türkiyənin vətəndaşları edir və buda məsələnin mənəvi tərəfidir. Azərbaycan ictimaiyyətini isə bu yazarların ermənipərəst mövqeyindən çox Türkiyə hökümətinin biganəliyi təssüfləndirir.
Türkiyə hökümətinin bu fakta hüquqi qiymət verməməsi, müvafiq addımları atmaması gələcəkdə də belə halların yaşanmasına şərait yaradır. Əgər məsələyə qarşı hökümət sərt tədbirlər görsəydi, Türkiyə ictimaiyyətində də həmin şəxslərə qarşı ciddi ictimai qınaq formalaşardı.
Bir digər maraqlı fakt da ondan ibarətdir ki, oktyabrın 11-də AŞPA-da Azərbaycan əleyhinə qəbul olunun qətnamələrə Dəniz Baykal başda olmaqla CHP-dən olan 4 deputat səs verib. Bunun da heç bir izahı yoxdur. Axı Azərbaycan Türkiyə münasibətləri hər zaman iqtidar müxalifət kimi daxili siyasi çəkişmələrin fövqündə dayanıb.
Azərbaycan isə həmişə beynəlxaq və milli məsələlərdə Türkiyəyə birmənalı dəstək verib. Bunu yaxın keçmişdə də kifayət qədər nümunələri var.
Bütün bunalrın müqabilində eyni həssaslığı Türkiyədən və xüsusi ilə də Türkiyədən gözləmək Azərbaycan xalqının və ictimaiyyətinin mənəvi haqqıdır. Burada isə əsas gözləntilər məhz Türkiyə hökumətindəndir. Məhz Türkiyə rəhbərliyi iki ölkə arasında olan qardaşlıq bağlarını zədələyə biləcək, münasibətlərə kölgə salacaq cəhdlərin qarşısını vaxtında və sərt şəkildə almalıdır ki , gələcəkdə də kimsə buna cəhd etməsin.




 
Bölməyə aid digər xəbərlər
17.11.2018
“Küçə demokratiyasının qaydaları böyük siyasətdə qəbul edilə bilməz”
17.11.2018
Viqen Sarkisyan: “Ötən aylar Ermənistanın xarici siyasəti ilə bağlı narahatlıqlar yaradır“
16.11.2018
«Rosbalt»: «Ermənistandan güclü şantaj və oğurluq qoxusu gəlir»
15.11.2018
Makron: “ABŞ-ın müttəfiqi olmaq vassal dövlət olmaq demək deyil”
15.11.2018
Seçkilər yaxınlaşdıqca Ermənistanda siyasi gərginlik artır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10495

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info