Tələbələr Metropolitendə istehsalat təcrübəsinə cəlb olunub
Tarix: 17.10.2017 | Saat: 19:39:00 | E-mail | Çapa göndər


«Bakı Metropoliteni» QSC-nin ölkənin aparıcı ali təhsil müəssisələri ilə əməkdaşlığı çərçivəsində Azərbaycan Dövlət Neft və Sənaye Universitetinin (ADNSU) bir qrup tələbəsi Bakı metropolitenində istehsalat təcrübəsinə cəlb olunub.
Bu ali təhsil müəssisəsi ilə bağlanmış memoranduma əsasən həyata keçirilən əməkdaşlıq çərçivəsində ADNSU-nun informasiya texnologiyaları və idarəetmə fakültəsində metrologiya ixtisası üzrə təhsil alan 25 tələbəyə metropolitenin diaqnostika və metroloji təminat mərkəzinin bazasında yaradılmış şəraitdən maksimum faydalanması üçün imkan yaradılıb.
Təcrübədə olan tələbələrin universitetdə əldə etdikləri nəzəri bilikləri tətbiq etməsi məqsədilə lazımi proqram hazırlanıb. İxtisaslarına uyğun olaraq, müdavimlər metrologiyanın istehsalatdakı rolu ilə əyani şəkildə tanış olacaq, həmçinin müəssisənin metroloji bazasının malik olduğu ən müasir avadanlıq və cihazların pratik istifadəsini müşahidə edəcəklər. 
Tələbələrdə metropoliten barədə ətraflı məlumat və tətbiq edilən yeniliklər, müasir texnologiyalar barədə təsəvvürün yaranması məqsədilə onların ayrı-ayrı sahələrlə tanışlığı da təmin edilir. Tələbələr metropolitendə keçirdikləri ilk həftədə diaqnostika kompleksində, yolun vəziyyətinə nəzarət və diaqnostika laboratoriyasında, lokomotiv və yol təsərrüfatlarında, metropolitendə vaqonların təmirdən sonra sınaqdan keçirilməsi üçün tikilən sınaq yolunda tətbiq edilən ən müasir texnologiyalarla tanış olublar.
İstehsalat təcrübəsi prosesinin daha səmərəli təşkili məqsədilə tələbələr 2 qrupa bölünüblər. Praktik məşğələlər qarşılıqlı razılaşmaya uyğun olaraq, hazırlanmış proqrama əsasən, iki ay davam edəcək.
Qeyd edək ki, yeni kadrların hazırlanması prosesini diqqət mərkəzində saxlayan «Bakı Metropoliteni» QSC-nin rəhbərliyi bu istiqamətdə mühüm addımlar atır. Təhsil Nazirliyi ilə sıx əməkdaşlıq, həmçinin ölkənin bir neçə tədris ocağı ilə imzalanmış memorandumlara uyğun olaraq, yeni nəsil kadrların hazırlanması istiqamətində müxtəlif proqramlar həyata keçirilir, bu prosesdə daha çox fərqlənən tələbələr gələcəkdə əmək karyerasını metropolitendə qurması üçün diqqət mərkəzində saxlanılır. Onu da əlavə edək ki, 2016-cı ildə Azərbaycan Dövlət İqtisad Universiteti, Azərbaycan Memarlıq və İnşaat İnstitutu, Azərbaycan Texniki Universitetinin tələbələrindən ibarət SABAH qrupunun, cari ilin birinci yarısında isə ADNSU-nun bir qrup tələbəsi metropolitendə istehsalat təcrübəsinə cəlb ediliblər.
Tural




 
Bölməyə aid digər xəbərlər
23.03.2019
Rusiya aviaşirkəti Azərbaycana yeni reyslər açır
22.03.2019
Toxuculuq sənayesində məhsul istehsalı 50 faizə yaxın artıb
20.03.2019
Əhalinin banklardakı pulları 8 milyard manatı keçib
20.03.2019
“Dövlət büdcəsinin tərtibi və icrası Qaydaları“nda dəyişiklik edilib
19.03.2019
Azərbaycan 5 min tona yaxın şəkər ixrac edib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 İraqda bərə qəzaya uğrayıb: 71 ölü


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info