“Müstəqilliyi qoruyub saxlamaq onu qazanmaqdan qat-qat çətindir”
Tarix: 19.10.2017 | Saat: 17:15:00 | E-mail | Çapa göndər


ADPU-nun nəzdində Azərbaycan Dövlət Pedaqoji Kollecində Azərbaycan Respublikasının Dövlət Müstəqilliyi haqqında Konstitusiya aktının qəbul edilməsinin 26-cı ildönümünə həsr olunmuş "Azərbaycan Respublikası Azərbaycan Xalq Cümhuriyyətinin varisidir" adlı tədbir keçirilib.
Tədbirdə ilk olaraq ADPU-nun nəzdində Azərbaycan Dövlət Pedaqoji Kollecinin direktoru, hüquq üzrə fəlsəfə doktoru Qulu Novruzov çıxış edib.
Qulu Novruzov Dövlət Müstəqilliyi günü münasibəti ilə kollecin pedaqoji kollektivini və tələbələri təbrik edərək bildirib ki, tarix dəfələrlə sübut etdiyi kimi müstəqilliyi qoruyub saxlamaq onu qazanmaqdan qat-qat çətindir: “Gərək sınaqlara hazır olasan, hər bir əziyyətə və çətinliyə dözməyi bacarasan. Tale elə gətirdi ki, Azərbaycan bir əsrdə iki dəfə müstəqillik əldə etmək, özünün suveren dövlətini yaratmaq imkanı qazandı. Təəssüf ki, birinci imkan xarici müdaxilə, daxili çəkişmələr və beynəlxalq təminatın olmaması səbəblərindən itirildi. 1918-ci ildə qurulmuş Azərbaycan Xalq Cümhuriyyəti cəmi 23 ay yaşadı. İkinci tarixi imkan bir də 70 il sonra yarandı. Sovet imperiyasının dağılması Azərbaycan xalqına öz milli müstəqilliyini bərpa etmək imkanı verdi”.
Müstəqil Azərbaycan dövlətinin qurucusu Ümummilli lider Heydər Əliyevin misilsiz xidmətlərindən danışan Qulu Novruzov bu gün onun siyasətinin Azərbaycan Respublikasının Prezidenti İlham Əliyev tərəfindən uğurla davam etdirildiyini bildirib.
Tədbirdə kollecin tarix müəllimi İradə Ağasıyevanın çıxışından sonra söz tələbələrə verilib. Tələbələrin ifasında ədəbi- bədii kompozisiya nümayiş olunub. Kollecin tələbəsi Mirələm Mürşüdovun oxuduğu "Ey əziz anam Azərbaycan" mahnısı, ADPK-nın rəqs ansamblının çıxışları və Qobu Mədəniyyət Evinin üzvlərindən Yusif Əmiraslanın , Nurlan Tağıyevin, Gülər Səfərova və başqalarının ifa etdikləri mahnı və rəqslər böyük alqışlarla qarşılanıb.
Daha sonra tədbir ADPK-nın xor müəllimi Şəhla Ələkbərovanın rəhbərliyi ilə xorun çıxışı ilə başa çatıb.




 
Bölməyə aid digər xəbərlər
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info