Dünya Bankı Azərbaycanda iqtisadi artım proqnozlaşdırır
Tarix: 19.10.2017 | Saat: 18:04:00 | E-mail | Çapa göndər


2017-ci ildə Avropa və Mərkəzi Asiya regionunun iqtisadiyyatı 2,2% böyüyəcək.

"APA-Economics" xəbər verir ki, bu barədə Dünya Bankının (DB) yenilənmiş proqnozunda deyilir.

May ayında dərc olunan sənəddə iqtisadi artım tempi ilə bağlı proqnoz 1,9% səviyyəsində olub.

"Regionun təxminən bütün ölkələrində sürətli, əvvəlki proqnozdan daha yaxşı iqtisadi inkişaf müşahidə olunmaqdadır. Buna səbəb son aylarda istehsalın və ixracın artmasıdır. Regionun ixracının orta həcmi qlobal orta göstəricidən çoxdur. Rusiya və Belarus resessiyadan çıxıb. Yalnız neftin kəskin ucuzlaşmasından əziyyət çəkən Azərbaycanda bu il iqtisadi geriləmə proqnozlaşdırılır. Regionun iqtisadi artımı ilə bağlı proqnozun yüksəlməsi işsizliyin kəskin azalması, inflyasiyanın normallaşması, büdcə kəsirinin azalması ilə əlaqədardır", - deyə sənədin müəllifləri bildirib.

DB qeyd edir ki, cari ilin ilk yarısında Azərbaycanın ÜDM-i 1,3% azalıb: "Bunun əsas səbəbi neft ÜDM-nin ciddi azalmasıdır. Bildiyimiz kimi, Azərbaycan neft hasilatının azaldılmasına dair OPEC çərçivəsində əldə olunmuş razılaşmaya qoşulub. Ölkənin bank sektorunda böhranın davam etməsinə baxmayaraq, qeyri-neft sektoru 1,7% artıb. Burada kənd təsərrüfatı və emal sektorlarının rolu böyükdür. Ölkədə illik inflyasiya 13,9% səviyyəsində olub. İnflyasiyanın sürətlənməsi elektrik enerjisi, su və qaz tariflərinin artırılması ilə əlaqədardır. Bu amil ölkədə qiymət artımına səbəb olub. İnflyasiyanın sürətlənməsini nəzərə alan Azərbaycan Mərkəzi Bankı (AMB) sərt pul-kredit siyasətinin yürüdülməsini davam etdirib. Cari ilin birinci yarısında ixracın artması və idxalın azalması tədiyyə balansında ÜDM-in 4,4%-nə bərabər olan müsbət saldonun yaranmasına səbəb olub. Neft hasilatının kəskin azalmasına baxmayaraq, rəsmi statistikaya əsasən, neft ixracının həcmi 42%, qeyri-neft məhsullarının ixracı isə 11% artıb. Bu il manat dollara nisbətən 4,4% bahalaşıb".

Bankirlər qeyd edir ki, maliyyə sektorundakı problemlər ölkə iqtisadiyyatına neqativ təsir edir: "Cari ilin ilk yarısında kredit qoyuluşları 15,6% azalıb, bankların aktivlərinin keyfiyyəti isə pisləşməkdə davam edir. Hazırda problemli kreditlərin ümumi portfeldə payı 13%-ə çatıb ki, ötən ilin sonuna bu göstərici 9% idi. Cari ilin ikinci rübündə banklara manatla yerləşdirilən əmanətlərin həcmi artdığı halda, ümumilikdə 7 ay ərzində depozit portfeli 4,4% azalıb".

Azərbaycan Beynəlxalq Bankının xarici öhdəliklərinin restrukturizasiyasına toxunan DB qeyd edib ki, proses nəticəsində ilin sonuna Azərbaycanın dövlət borcu ÜDM-in 6%-i həcmində artacaq.

DB-nin proqnozuna əsasən, neftin bahalaşmasına baxmayaraq, 2017-ci ildə Azərbaycan iqtisadiyyatı 1,4% azalacaq. Bankın proqnozu göstərir ki, cari ildə qeyri-neft sektoru sürətli inkişafını davam etdirəcək, neft hasilatı isə azalacaq.

"İnflyasiya təzyiqi, böyük ehtimalla, qorunacaq", - deyə sənəddə qeyd edilib.

Bankın proqnozuna əsasən, 2018-ci ildə Azərbaycanın ÜDM-i 0,9%-lik artım nümayiş etdirəcək. Bunun əsas səbəbi kimi "Şahdəniz-2" layihəsinin işə düşməsi göstərilir.

DB 2019-ci ildə Azərbaycanda 1,5%-lik iqtisadi artım proqnozlaşdırır.

Bundan başqa, bankın ehtimalına görə, bu il ölkədə inflyasiya 11,2, növbəti iki ildə isə müvafiq olaraq 5% və 4,9% təşkil edəcək.


Mahmud




 
Bölməyə aid digər xəbərlər
20.09.2018
“Azərbaycan qazının Avropaya çatması tarixi hadisə olacaq”
18.09.2018
ABŞ ilə Çin arasındakı danışıqlar gərgin mərhələyə qədəm qoyub
18.09.2018
NATO Azərbaycanın beynəlxalq təhlükəsizliyə verdiyi töhfəni alqışlayır
18.09.2018
Bakıda Azərbaycan və Türkiyə əsgərlərini eyni sırada görmək tarixlərə işıq saçan xoşbəxtlikdir
18.09.2018
Ölkəmizə faydalı vətəndaşlar yetişdirməyə çalışırıq

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info