Ahmet Arslan:“ Bakı-Tbilisi-Qars layihəsilə,həqiqətən, bir tarix yazılıb”
Tarix: 23.10.2017 | Saat: 21:06:00 | E-mail | Çapa göndər


“Dəmir İpək Yolu” marşrutdakı ölkələr və bölgəyə çox ciddi əlavə dəyər meydana gətirəcək, xəttin, bölgənin iqtisadiyyatını canlandıracaq və məhsulların hədəf bazarlara çatmasına şərait yaradacaq”


Nəqliyyat, dənizçilik və rabitə naziri Ahmet Arslan, Bakı-Tbilisi-Qars dəmir yolu layihəsində ilk qatar səfərinin Türkiyə Prezidenti Rəcəb Tayyib Ərdoğan, Azərbaycan Prezidenti İlham Əliyev və Gürcüstan Baş naziri Giorgi Kvirikaşvilinin iştirakı ilə Bakıdan 30 oktyabrda başlayacağı bildirib: “Qatar , Qarsın qurtuluş günü olan 30 oktyabrda şəhərə çatmış olacaq”.
Nazir açıqlamasında qeyd edib ki, "Dəmir İpək Yolu" kimi adlandırılan Bakı-Tbilisi-Qars dəmir yolu layihəsinin yalnız Qars üçün deyil, ölkə üçün əhəmiyyətli bir layihə olduğunu söyləyib.
A.Arslan deyib ki, Londondan yola düşən bir qatarın Pekinə qədər fasiləsiz gedə bilməsi üçün qarşısında iki maneə var idi- biri boğaz, digəri Qars ilə Axalkalaki arasında yarımçıq qalan hissə: “Bu məqsədlə Asiya ilə Avropanı dənizin altından demir yolu ilə bağladıq. İkinci halqada da Qars ilə Gürcüstanın Axalkalaki şəhəri arasındakı qismi tamamladıq. Test sürüşləri müvəffəqiyyətlə keçən bu dəmir yolunun açılışı ilə həqiqətən bir tarix yazılıb, “Dəmir İpək Yolu” fasiləsiz şəkildə təkrar canlanmış olacaq”.
Nazir, “Dəmir İpək Yolu”nun marşrutundakı ölkələr və bölgəyə çox ciddi əlavə dəyər meydana gətirəcəyinə diqqət çəkərək, xəttin, bölgənin iqtisadiyyatını canlandıracağını və məhsulların hədəf bazarlara çatmasına şərait yaradacağını bildirib.

"6,5 milyon ton yük daşımaq imkanı "

Dəhliz sayəsində Türkiyə ilə Asiya, Qafqaz və Avropa ölkələri arasında nəqliyyatın daha asan olacağını deyən nazirin sözlərinə görə, Bakı-Tbilisi-Qars əlaqəsiylə illik 50 milyon tona çatacaq bir beynəlxalq daşıma potensialı ortaya çıxacaq.
A.Arslan, xətt istismara başladığında 1 milyon sərnişin və 6,5 milyon ton yük daşımaq imkanına malik olacağını, layihənin, Qars, Ərdahan, Iğdır, Ağrı, Ərzurum, Ərzincan, Gümüşhanə və Bayburt kimi yerlərin əyalətlər baxımından da əhəmiyyətli olduğunu söyləyib.
Layihə ilə bölgənin Pekindən Londona uzanan İpək Yolunun əhəmiyyətli mərkəzlərindən biri halına gələcəyini vurğulayan nazir qeyd edib ki, o bölgədə istehsal ediləcək məhsullar, bölgəyə gətiriləcək xam maddə, məhsulların bazarlarına çatdırılması zamanı fasiləsiz dəmir yolu daşımaları çox əhəmiyyətlidir. Bildirilib ki, Şərqi Anadoluda logistika mərkəzlərinə investisiya qoyacaq, vəsaiti oradan dəmir yolu ilə digər coğrafiyalara göndərəcək bir çox investor bu layihəni gözləyir. Layihə, Ərzurumda, Qarsda tikintisi davam edən logistika mərkəzləri ilə bir yığcamlıq təşkil edəcək. Bu, bölgənin inkişafı və rifahı baxımından əhəmiyyətli bir layihədir.

Nigar Abdullayeva




 
Bölməyə aid digər xəbərlər
16.06.2019
Azərbaycan səfiri Qətərin Gömrük Baş İdarəsinin sədri ilə görüşüb
16.06.2019
Qeyri-neft sektorunda məhsul istehsalı 15 faiz artıb
15.06.2019
Bakı-Şarm əl Şeyx-Bakı reysi açılıb
15.06.2019
Bu torpaqlarda tikintiyə rəyin verilməsi üçün xidmət haqqı ödəniləcək
15.06.2019
Avrozonada vahid büdcə tətbiq olunacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info