Koreya Respublikasının səfirliyinin kollektivi məcburi köçkünlərlə görüşüb
Tarix: 24.10.2017 | Saat: 19:15:00 | E-mail | Çapa göndər


Oktyabrın 24-də Koreya Respublikasının Azərbaycandakı səfirliyi və Zəngilan Rayon İcra Hakimiyyəti Abşeron rayonunun Masazır qəsəbəsində zəngilanlılar üçün salınmış şəhərcikdə tədbir keçirib.
AZƏRTAC xəbər verir ki, tədbirdən əvvəl qəsəbədəki tibb məntəqəsində sakinlərin müxtəlif xəstəliklər üzrə müayinəsi təşkil edilib.
Sonra qonaqlar şəhərcikdə yerləşən 260 yerlik “Şəfəq” uşaq bağçası ilə tanış olublar. Bağça uşaqlarına məktəb ləvazimatları və geyimlər hədiyyə edilib. Uşaqlar qonaqları müxtəlif dillərdə sülh şeirləri, Azərbaycan və Koreyanın milli rəqsləri ilə salamlayıblar. Həmçinin Zəngilan şəhərciyində uşaq bağçasının yenidən qurulan oyun meydançasının açılışı olub.
Daha sonra tədbirin rəsmi hissəsinə başlanılıb.
Zəngilan Rayon İcra Hakimiyyətinin başçısı Ramiz Həsənov qonaqlara qəsəbə haqqında məlumat verib. Bildirib ki, hazırda qəsəbədə 760 ailə yaşayır və daha 210 ailə də köçürülmək üzrədir. Qəsəbədə bütün infrastruktur - məktəb, bağça, tibb məntəqəsi, poçt məntəqəsi və Mədəniyyət Evi yaradılıb. Hazırda respublikamızda belə qəsəbələrin sayı yüzə yaxındır.
İcra başçısı Koreya Respublikası səfirliyinin və ölkəmizdə fəaliyyət göstərən Koreya şirkətlərinin nümayəndələrinə bu təşəbbüsə görə minnətdarlıq edib. Diqqətə çatdırıb ki, Koreyadan gələn həkimlər bu gün qəsəbə sakinlərinə tibbi yardım göstərib və müxtəlif xəstəliklər üzrə onları müayinə ediblər. Bir ay əvvəl səfirliyin təşəbbüsü ilə 33 nömrəli məktəbdə “Koreya Respublikası - məktəblilərin gözü ilə” adlı inşa müsabiqəsi keçirilib. Bu, səfirliyin azərbaycanlı qaçqın və məcburi köçkünlərə göstərdiyi dəstəyin bariz nümunələrindən biridir.
Koreya Respublikasının Azərbaycandakı səfiri Kim Çanq-Qyu qəsəbədə olmaqdan məmnunluğunu ifadə edib. O deyib: “Göstərdiyimiz bu dəstək əslində ürəyimizdən gələn hisslərimizi sizə çatdırmaq məqsədi daşıyır. Bu yardımla biz zəngilanlı ailələrə mənəvi dəstək göstərməyə çalışmışıq. Torpaqlarını itirmiş insanların ağrı-acısını, qaçqın və məcburi köçkünlərin yaşadığı hissləri çox yaxşı anlayıram”.
Koreya Respublikasının hər zaman Azərbaycanın mövqeyini dəstəklədiyini qeyd edən səfir əminliklə bildirib ki, qaçqın və məcburi köçkünlər yaxın zamanda öz doğma torpaqlarına geri qayıdacaqlar.
Tədbirin əhəmiyyətindən danışan Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov deyib ki, bu il Azərbaycan Respublikası ilə Koreya Respublikasının diplomatik münasibətlərinin 25-ci ildönümüdür. Ötən 25 il ərzində həm ikitərəfli əlaqələrin genişlənməsi baxımından, həm də hər iki ölkənin sosial-iqtisadi inkişafı baxımından böyük yol qət edilib. Koreya və Azərbaycan arasında müxtəlif sahələrdə - səhiyyə, təhsil, kommunikasiya, rabitə, nəqliyyat və digər sahələrdə yüksək səviyyəli əməkdaşlıq mövcuddur. O deyib: “Bizim üçün ən böyük əhəmiyyət kəsb edən məqam Azərbaycanın üzləşdiyi bir nömrəli problem - Ermənistan-Azərbaycan, Dağlıq Qarabağ münaqişəsi və bu münaqişə nəticəsində 1 milyondan çox soydaşımızın qaçqın və məcburi köçkün vəziyyətinə düşməsi probleminə Koreya dövlətinin, Koreya xalqının bu qədər həssaslıqla, diqqətlə yanaşmasıdır”.
Vurğulanıb ki, Koreya Cənubi Qafqaz regionunda Azərbaycana böyük əhəmiyyət verdiyini dəfələrlə qeyd edib. Təsadüfi deyil ki, bu ölkənin Cənubi Qafqaz regionundakı səfirliyi məhz Azərbaycanda açılıb.
Sonra Koreya Respublikası səfirliyinin təşəbbüsü ilə Zəngilan rayonu 33 nömrəli məktəbin 5-11-ci sinif şagirdləri arasında “Koreya Respublikası - məktəblilərin gözü ilə” inşa müsabiqəsinin qalibləri mükafatlandırılıb.
Tədbir konsert proqramı ilə davam edib.


Mahmud




 
Bölməyə aid digər xəbərlər
19.09.2019
Azranking.az portalının “Rəqəmsal Təqvim” elektron sistemi istifadəyə verilib
19.09.2019
Azərbaycan-Çin ticarət dövriyyəsi 1,3 milyard dollara çatıb
19.09.2019
Nazir: “TANAP-la indiyədək 2,5 milyard kubmetrdən çox təbii qaz göndərilib”
19.09.2019
Xələf Xələfov: “Əsrin müqaviləsi” üzrə bugünkü nailiyyətlər Azərbaycan xalqının, dövlətinin maraqlarına xidmət edən nailiyyətlərdir”
19.09.2019
Nazir müavini: “Energetika bazarının liberallaşmasına dair təkliflər hazırlanıb”

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10888

1 В Великобритании перешли на систему образования СССР
2 Vilayət Eyvazov sərəncamda olan rəisə vəzifə verdi
3 “Siyasi partiyaların bir araya gəlməsi müsbət qiymətləndiriləsi hadisədir”
4 Gömrükçülər 2 milyon manatlıq dərman preparatları aşkarlayıblar
5 Vilayət Eyvazovdan yeni təyinat


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info