Rusiyalı professor: “Uzunmüddətli araşdırmalar nəticəsində Dədə Qorqud obrazını sevdim”
Tarix: 26.10.2017 | Saat: 18:04:00 | E-mail | Çapa göndər


Moskva Dövlət Linqvistik Universitetinin (MDLU) ədəbiyyat kafedrasının müdiri, görkəmli ədəbiyyatşünas, tərcüməçi və professor Aleksandr Bondarevə Azərbaycan Dillər Universitetinin (ADU) dəvətli professoru adı verilib. Bu barədə ADU-dan məlumat verilib.
Tədbirdə ADU-nun rektoru, akademik Kamal Abdulla uzun illərdən bəri yaxından tanıdığı A.Bondarevin təhsil və elm sahəsində nailiyyətlərindən danışıb və iki universitet arasında əməkdaşlıq əlaqələrinin inkişaf etdirilməsində onun əhəmiyyətli rolunun olacağına inandığını söyləyib. Daha sonra A.Bondarevə ADU-nun dəvətli professoru vəsiqəsi təqdim edilib.
A.Bondarev ADU-da bir sıra görüşlərdə iştirak etdiyini və mühazirələr oxuduğunu tədbir iştirakçılarının diqqətinə çatdırıb. O, tələbələrlə ünsiyyətdən zövq aldığını deyib: “Oxuduğum mühazirələrdə tələbələrin Dədə Qorqud obrazına sevgisini gördüm. Mən özüm də uzun müddət davam edən araşdırmalar nəticəsində bu obrazı sevdim. Biz bu dünyaya sosial cəmiyyətdə yalnız insan olmaq üçün deyil, eyni zamanda, Dədə Qorqud kimi mənəvi dəyərləri olan şəxs kimi formalaşmaq üçün gəlirik”.
A.Bondarev ADU rəhbərliyinə bu ada layiq görüldüyü üçün təşəkkür edib. O, hər iki universitet arasında qarşılıqlı əməkdaşlığın faydalı olacağına ümid etdiyini bildirib.
Sonra qonaq “Müasir Rusiyanın ədəbiyyatı və mədəniyyəti” mövzusunda keçirilən “dəyirmi masa”da iştirak edib. Rusiyaşünaslıq elmi-tədqiqat laboratoriyasının müdiri, professor Məmməd Əliyev A.Bondarevi universitetdə fəaliyyət göstərən elmi-tədqiqat laboratoriyaları, fakültələr və kafedralar haqqında məlumatlandırıb. Rusiyalı alim indiyədək ADU-ya üç dəfə gəldiyini və hər dəfə Azərbaycanın təhsil sistemini daha yaxından öyrəndiyini bildirib.
Sonda A.Bondarevə ADU-nun rusiyaşünaslıq elmi-tədqiqat laboratoriyası tərəfindən xatirə hədiyyəsi verilib.
Tural




 
Bölməyə aid digər xəbərlər
26.05.2019
Azərbaycan Amerikan Tibb Assosiasiyası Vaşinqtonda konfrans keçirib
26.05.2019
Erməni işğalı Şuşada xalçaçılıq ənənələrini məhv edib
25.05.2019
İspaniyanın Sevilya şəhərində ilk dəfə məscid inşa olunacaq
25.05.2019
Avropa Liqasının final oyunu ilə bağlı azarkeşlər üçün nəqliyyat pulsuz olacaq
25.05.2019
Region gənclərinin dövlət qulluğuna maraq və imkanları artırılacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info