ADPU-da Hüseyn Cavidin 135 illik yubileyinə həsr edilmiş tədbir keçirilib
Tarix: 26.10.2017 | Saat: 18:49:00 | E-mail | Çapa göndər


Azərbaycan Dövlət Pedaqoji Universitetinin (ADPU) Filologiya fakültəsinin təşəbbüsü və təşkilatçılığı ilə universitetdə böyük Azərbaycan şairi və dramaturqu Hüseyn Cavidin 135 illik yubileyinə həsr edilmiş tədbir keçirilib.
Tədbiri giriş sözü ilə açan Filologiya fakültəsinin dekanı, professor Buludxan Xəlilov bildirib ki, Prezident İlham Əliyev oktyabrın 24-də böyük Azərbaycan şairi və dramaturqu Hüseyn Cavidin 135 illik yubileyinin keçirilməsi haqqında sərəncam imzalayıb. Sərəncamda göstərilir ki, 2017-ci ildə Azərbaycan ədəbiyyatının böyük nümayəndəsi, görkəmli şair və dramaturq Hüseyn Cavidin (Hüseyn Abdulla oğlu Rasizadənin) anadan olmasının 135 illiyi tamam olur.
Hüseyn Cavid son dərəcə dərin məzmunlu yaradıcılığı ilə çoxəsrlik Azərbaycan ədəbiyyatı xəzinəsinə tarixi-mədəni dəyərlər bəxş etmiş qüdrətli söz sənətkarıdır. O, Şərqin zəngin fəlsəfi-poetik irsi zəminində yüksələrək və dünya romantizm ənənələrindən uğurla bəhrələnərək Azərbaycan xalqının ədəbi-bədii fikir salnaməsinə parlaq səhifələr yazmışdır. Mütəfəkkir sənətkarın neçə-neçə oxucu və tamaşaçı nəslinin estetik zövqünü müəyyənləşdirən əsərləri bu gün də öz monumentallığını və yüksək təsir gücünü qorumaqdadır.
Totalitarizmin çoxsaylı qurbanlarından biri kimi Cavidin adı doğma xalqının təfəkküründə obrazlaşmışdır. Ağır repressiya illərində mənən sarsılmadan keçdiyi ibrətamiz həyat yolu onu yaddaşlarda sənətkar şəxsiyyətinin bütövlüyünün rəmzinə çevirmişdir.
Azərbaycan xalqının dahi oğlu Heydər Əliyevin şəxsi təşəbbüsü ilə Hüseyn Cavidin nəşinin hələ 1982-ci ildə uzaq Sibirdən vətəninə gətirilməsi və Naxçıvanda məzarı üzərində möhtəşəm məqbərənin ucaldılması milli ruhun dirçəlişi və azərbaycançılıq məfkurəsinin təntənəsi baxımından müstəsna əhəmiyyətə malik misilsiz bir hadisədir.
Professor B.Xəlilov qeyd edib ki, Azərbaycan ədəbiyyatının inkişafı naminə müstəsna xidmətlər göstərmiş böyük söz ustası Hüseyn Cavidin 135 illik yubileyinin layiqincə keçirilməsini təmin etmək məqsədilə ölkəmizdə müxtəlif tədbirlər keçirilir. Bizim bu gün keçirdiyimiz tədbir də həmin tədbirlər silsiləsinə daxildir.
Azərbaycan və dünya ədəbiyyatı kafedrasının dosenti, filologiya üzrə fəlsəfə doktoru İsgəndər Orucəliyev çıxış edərək Hüseyn Cavidin həyat və fəaliyyəti haqqında ətraflı məlumat verib, onun həmişə düşüncələrimizə yenilik, mütərəqqi ideyalar gətirən dahi şair və dramaturq, görkəmli mütəfəkkir olduğunu vurğulayıb.
Tədbirdə Hüseyn Cavidin həyat və yaradıcılığına həsr olunmuş slayd göstərilib, musiqinin müşayiəti ilə tələbələrin ifasında şairin şeirləri səslənib, “Şeyx Sənan” əsərindən səhnə oylanılıb, şeirlərinə bəstələnmiş mahnılar dinlənilib. Tələbələrin çıxışları iştirakçılar tərəfindən maraqla qarşılanıb.
ADPU-nun rektoru, professor Cəfər Cəfərov çıxış edərək bildirib ki, belə tədbirlərin keçirilməsi bizi mənəvi cəhətdən zənginləşdirir. Xalqımızın böyük mənəvi xəzinəsi var. Bu mənəvi xəzinənin zənginləşməsində Hüseyn Cavid, eləcə də digər qüdrətli söz ustadlarımız misilsiz rol oynayıblar. Biz bu böyük mənəvi xəzinəyə sahib çıxmalı, onu qoruyub-saxlamalı, gələcək nəsillərə ötürməliyik. Siz gələcəkdə müəllim olacaq, Azərbaycan gəncliyini sağlam ruhda, milli-mənəvi dəyərlər əsasında tərbiyə edəcəksiniz. Müşahidə və düşüncələrim belə deməyə əsas verir ki, Azərbaycan gəncliyi, o cümlədən ADPU-nun tələbə-gəncləri düzgün yoldadır. Sevinir və qürur hissi duyuruq ki, bizim çox sağlam və bacarıqlı gənclərimiz var. Bizim əsas vəzifəmiz onları düzgün istiqamətləndirməkdir.

Nigar




 
Bölməyə aid digər xəbərlər
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20.03.2019
Vaşinqtondakı Azərbaycan məktəbində Novruz bayramı qeyd olunub
20.03.2019
Metropolitendə ilk dəfə Novruz şənliyi təqdim olunur
20.03.2019
Gənclər Aprel şəhidlərinin ailələrini ziyarət ediblər

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10701

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 Fərdi yaşayış evlərinin sənədləşdirilməsi ilə bağlı konsepsiya hazırlanır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info