YAP-ın yaranması ilə Azərbaycanın ictimai-siyasi həyatında yeni tarixi mərhələnin əsası qoyuldu
Tarix: 27.10.2017 | Saat: 00:11:00 | E-mail | Çapa göndər


Yeni Azərbaycan Partiyası (YAP) Nəsimi rayon təşkilatının X konfransı keçirilib. Əvvəlcə konfrans iştirakçıları Fəxri xiyabanda Yeni Azərbaycan Partiyasının qurucusu, xalqımızın ümummilli lideri Heydər Əliyevin xatirəsini yad edib, məzarı önünə gül dəstələri qoyublar. Görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb. Prezidentin ictimai-siyasi məsələlər üzrə köməkçisi, YAP İdarə Heyətinin üzvü Əli Həsənov konfransda iştirak edib. Konfransda YAP-ın yaradıcısı ulu öndər Heydər Əliyevin, Azərbaycanın ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla yad olunub.
YAP Siyasi Şurasının üzvü, partiyanın Nəsimi rayon təşkilatının sədri, Milli Məclisin deputatı Məlahət İbrahimqızı hesabat məruzəsi ilə çıxış edərək bildirib ki, Yeni Azərbaycan Partiyası Nəsimi rayon təşkilatı 1993-cü il iyulun 6-da yaradılıb, 101 ilk ərazi təşkilatını özündə birləşdirir. Təşkilatda qeydiyyatda olan üzvlərin sayı 28 min 971-dir. Onlardan 14 min 520-sini qadınlar, 15 min 341-ni gənclər təşkil edir. Hesabat dövründə görülən işlər barədə danışan M.İbrahimqızı bildirib ki, təşkilatın üzvləri mütəmadi olaraq 20 Yanvar, Xocalı faciələrinin ildönümləri ilə bağlı tədbirlər, faciə qurbanlarının yaxınları ilə görüşlər keçiriblər. Həmçinin gənclərlə bağlı bir sıra layihələr reallaşdırılıb. 2016-cı ilin aprelində Azərbaycan Ordusunun qazandığı şanlı qələbə ilə bağlı “Cocuq Mərcanlıdan Şuşaya”, “Gənclərin zəfər yürüşü” kimi layihələr həyata keçirilib. Məlahət İbrahimqızı deyib ki, Yeni Azərbaycan Partiyasının yaranması ilə respublikamızın ictimai-siyasi həyatında yeni tarixi mərhələnin əsası qoyulub. Ümummilli liderimiz Heydər Əliyevin ideyaları, uzaqgörənliyi və qətiyyəti nəticəsində yaradılan YAP özünü bütün mənalarda təsdiqləyərək yeni tarixin yeni çalarlarını özündə birləşdirməyi bacarıb. Ümummilli Liderimizin layiqli siyasi varisi Prezident İlham Əliyevin möhkəm təməl üzərində qurulan YAP-a rəhbərliyi dövründə daha böyük əzmkarlıq və yaradıcılıq nümayiş etdirilib. Partiyanın sosial bazası əhəmiyyətli dərəcədə güclənib.
Sonra YAP Nəsimi rayon təşkilatının nəzarət-təftiş komissiyasının hesabatı dinlənilib, Yeni Azərbaycan Partiyasının yaranması və 25 illik uğurlu fəaliyyəti ilə bağlı videoçarx nümayiş etdirilib. YAP Siyasi Şurasının üzvü, Nəsimi Rayon İcra Hakimiyyətinin başçısı Asif Əsgərov Yeni Azərbaycan Partiyasının nüfuzunun gündən-günə artdığını vurğulayıb. O, partiyanın Nəsimi rayon təşkilatının rayonun ictimai-siyasi həyatında fəal şəkildə iştirak etdiyini diqqətə çatdıraraq bildirib ki, ümummilli lider Heydər Əliyevin banisi olduğu Yeni Azərbaycan Partiyasının təsis edilməsi ilə xalqımızda gələcəyə inam yarandı. YAP-ın yaradılması Azərbaycanın tarixində çox önəmli hadisədir. Bu gün ümumxalq partiyasına çevrilən YAP-ın cəmiyyətin inkişafına yönəlmiş çoxsaylı sosial layihələr reallaşdırması, gəncləri dövlətçilik, milli maraqlar ətrafında sıx birləşdirməsi partiyanın tərəfdarlarının sayının artmasına səbəb olub. Əsasını ümummilli lider Heydər Əliyevin qoyduğu inkişaf strategiyasının Prezident İlham Əliyev tərəfindən uğurla davam etdirilməsi nəticəsində Azərbaycan Cənubi Qafqazda lider dövlətə çevrilib. YAP Nəsimi rayon təşkilatının siyasi şurasının üzvü, Azərbaycan Dillər Universitetinin rektoru Kamal Abdulla Yeni Azərbaycan Partiyasının yaranma tarixindən, ölkəmizin ictimai-siyasi həyatındakı rolundan, keçdiyi şərəfli inkişaf yolundan söhbət açıb. Qeyd edib ki, YAP Azərbaycan dövlətçiliyinin ən ağır sınaqlar qarşısında qaldığı bir zamanda xalqın istək və arzularının nəticəsi olaraq tarixi zərurətdən yarandı. Partiya yarandığı ilk gündən ölkəmizin siyasi səhnəsində uğurla fəaliyyət göstərərək milli müstəqilliyimizin qorunmasına, dövlətçiliyimizin möhkəmləndirilməsinə, iqtisadiyyatımızın inkişaf etdirilməsinə layiqli töhfələrini verib. Məhz ulu öndər Heydər Əliyevin uzaqgörən siyasəti nəticəsində Azərbaycan dövləti parçalanmaqdan, anarxiya, xaos və tənəzzüldən xilas olaraq bugünkü yüksək inkişaf səviyyəsinə gəlib çıxdı. Nail olduğumuz müstəqillik bu gün dövlətimizin başçısı, Yeni Azərbaycan Partiyasının sədri İlham Əliyevin uğurlu daxili və xarici siyasəti nəticəsində daha da möhkəmlənib və əbədilik qazanıb.

“Yeni Azərbaycan Partiyası cəmiyyətimiz üçün çoxsaylı nümunələr yaradıb”
Konfransda çıxış edən Prezidentin ictimai-siyasi məsələlər üzrə köməkçisi, YAP İdarə Heyətinin üzvü Əli Həsənov Yeni Azərbaycan Partiyasının yaranmasını zərurətə çevirən amillərdən, həmin dövrdə ölkəmizdə mövcud olmuş ağır ictimai-siyasi vəziyyətdən bəhs edib. Prezidentin köməkçisi vurğulayıb ki, ulu öndər Heydər Əliyevin yaratdığı Yeni Azərbaycan Partiyası öz ətrafında cəmiyyətin bütün təbəqələrindən olan insanları birləşdirib. Bu gün YAP ümummilli lider Heydər Əliyevin parlaq ideyalarının daşıyıcısı kimi cəmiyyətdə aparıcı rolunu daha da möhkəmləndirir. Azərbaycan Respublikasının Prezidenti, Yeni Azərbaycan Partiyasının sədri İlham Əliyevin rəhbərliyi ilə partiyanın uğurları getdikcə daha da artır. Əli Həsənov YAP Nəsimi rayon təşkilatının fəaliyyətini qənaətbəxş hesab etdiyini bildirərək xatırladıb ki, yarandığı vaxt cəmi 2800-dək üzvü olan təşkilat bu gün sıralarında 29 minə qədər həmfikiri birləşdirir. Prezidentin köməkçisi diqqətə çatdırıb ki, Yeni Azərbaycan Partiyası cəmiyyətimiz üçün çoxsaylı nümunələr yaradıb. Bunlardan biri də partiya-lider-xalq birliyidir. Lider-partiya-cəmiyyət şkalası üzrə YAP öz sıralarını bu gün də genişləndirir. Partiya Azərbaycan xalqının milliyyətindən, dinindən, sosial vəziyyətindən asılı olmayaraq bütün təbəqələrini özündə birləşdirir. Ulu öndər Heydər Əliyev ilk dəfə müxalifət partiyası kimi fəaliyyət göstərən YAP vasitəsilə əsl müxalifətin necə olmasını nümayiş etdirdi. Ümummilli Lider Yeni Azərbaycan Partiyasının yaradılması ilə bağlı ölkə ziyalılarına müraciətində beş əsas prinsipi müəyyən etmişdi. Bunlardan biri və ən əsası milli birlik ideyasıdır. Bu ideya Azərbaycanda hakimiyyətə gəlmək niyyətində olan hər bir siyasi partiyanın xalqın bütün təbəqələrinin milli maraqlarını və vətəndaş birliyini təmin etməli olduğunu özündə ehtiva edir. “Bildiyimiz kimi, o dövrdə Azərbaycanda gərgin siyasi vəziyyət mövcud idi. Ümummilli Liderin o zaman müəyyən etdiyi milli birlik strategiyası bu gün də Yeni Azərbaycan Partiyasının təməl prinsiplərindəndir. Azərbaycan hakimiyyətinin mənbəyində xalq dayanır. Digər ideya bütün insanların potensialından dövlət quruculuğunda, dövlətin potensialından isə vətəndaşların sosial rifahının, milli mənəvi ehtiyaclarının təmin olunmasında istifadə edilməsi ilə bağlı idi. Belə ki, Azərbaycan cəmiyyətini idarə edə biləcək insanları idarəçiliyə gətirmək lazım idi. Bu prinsip Azərbaycanın bugünkü inkişafının təməlində duran əsas amillərdən biridir. Ulu Öndər, həmçinin ölkədə qanunçuluq məsələsini önə çıxardı. Təbii ki, xaos, böhran şəraitində heç bir inkişafdan danışmaq olmazdı” – deyə Ə.Həsənov vurğulayıb.
“Azərbaycanın inkişafında YAP-ın özünəməxsus rolu var”
Prezidentin köməkçisi qeyd edib ki, bu gün beynəlxalq reytinq ölçən mərkəzlər Azərbaycanı rəqabət qabiliyyətliliyinə, iqtisadi inkişaf potensialına, dövlətin vətəndaşlara və biznesə qayğısına, liberallaşmaya və digər amillərə görə dünya dövlətləri arasında 35-ci yerə layiq görüb. Bu gün ali təhsilli bütün vətəndaşlar imtahan verməklə dövlət qulluğuna işə qəbul oluna bilər. Bu da sosial ədalətin bariz nümunələrindən biridir. Əli Həsənov vurğulayıb ki, qazanılmış bütün nailiyyətlər Prezident, Yeni Azərbaycan Partiyasının sədri İlham Əliyevin uğurlu siyasətinin nəticəsidir. Əsası ulu öndər Heydər Əliyev tərəfindən qoyulan bu siyasət Azərbaycanı Cənubi Qafqazın lideri etməklə yanaşı, beynəlxalq müstəvidə də nüfuzunu əhəmiyyətli dərəcədə artırıb, ölkəmizi sülh və sabitlik adasına çevirib. Azərbaycanın inkişafında YAP-ın özünəməxsus rolu var. Prezident İlham Əliyevin rəhbərliyi ilə öz sıralarını daha da genişləndirən partiya gələcəkdə də bu istiqamətdə işlərini davam etdirəcək. Çıxışlardan sonra təşkilati məsələlərə baxılıb, rayon təşkilatının şurası, idarə heyəti və nəzarət-təftiş komissiyası təsdiq olunub. Məlahət İbrahimqızı yenidən YAP Nəsimi rayon təşkilatının sədri seçilib. Partiyanın rayon təşkilatının bir sıra fəal üzvlərinə təşəkkürnamələr təqdim edilib. Sonda konfrans iştirakçıları adından Azərbaycan Respublikasının Prezidenti, Yeni Azərbaycan Partiyasının Sədri İlham Əliyevə müraciət qəbul olunub.




 
Bölməyə aid digər xəbərlər
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info