Ağstafa və Tovuzda aztəminatlı ailələr üçün meyvə bağları salınıb
Tarix: 27.10.2017 | Saat: 23:10:00 | E-mail | Çapa göndər


IDEA İctimai Birliyi, Ekologiya və Təbii Sərvətlər Nazirliyi, BMT-nin Ərzaq və Kənd Təsərrüfatı Təşkilatı (FAO), Heydər Əliyev Fondunun “Regional İnkişaf” İctimai Birliyi və “Cavan” Gənclər Hərəkatı İctimai Birliyinin birgə təşəbbüsü ilə oktyabrın 27-də Tovuz və Ağstafa rayonlarında aztəminatlı ailələr üçün meyvə bağları salınıb.
AZƏRTAC xəbər verir ki, bu münasibətlə Tovuz rayonunun Düz Cırdaxan kəndi ərazisində keçirilən tədbirdə rayon icra hakimiyyətinin başçısı Tofiq Zeynalov Leyla Əliyevanın rəhbərlik etdiyi IDEA İctimai Birliyinin həyata keçirdiyi xoşməramlı layihələr barədə məlumat verib.
Qeyd edilib ki, meyvə ağaclarının əkilməsi üzrə pilot layihəyə Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri, BMT-nin Ərzaq və Kənd Təsərrüfatı Təşkilatının (FAO) xoşməramlı səfiri Leyla Əliyevanın təşəbbüsü ilə 2017-ci ilin aprel ayında başlanılıb.
Ağstafa rayonunun Poylu kəndi ərazisində keçirilən tədbirdə isə rayon icra hakimiyyətinin başçısı Məhərrəm Quliyev çıxış edib, ölkəmizdə ekoloji problemlərin həlli ilə bağlı atılan addımlardan, həyata keçirilən layihələrdən söz açıb. Bildirib ki, həyata keçirilən bugünkü layihə sosial-iqtisadi əhəmiyyətə malikdir. Belə ki, bu cür bağların salınması əhalinin rifahının yaxşılaşdırılması ilə yanaşı, ölkəmizin kənd təsərrüfatı malları üzrə idxaldan asılılığının azaldılmasına da töhfə verəcək.
Ağacəkmə aksiyaları zamanı Tovuzda 2 hektarda 1248 ədəd fındıq, Ağstafada isə 2 hektarda 1000 ədəd xurma ağacı əkilib. Salınan meyvə bağları sözügedən rayonlarda yaşayan aztəminatlı və şəhid ailələri arasında bölünərək, onların təmənnasız istifadəsinə verilib. Aztəminatlı ailələr bu meyvə bağlarına qulluq edib onlardan məhsul alaraq gəlir əldə etmək və maddi rifahlarını yaxşılaşdırmaq imkanı qazanacaqlar.
Aztəminatlı ailələr üçün meyvə bağlarının salınması oktyabr-noyabr aylarında Qax, Sabirabad, Beyləqan, Lənkəran, Ağdaş rayonlarında, gələcəkdə isə ölkənin digər rayonlarında təşkil olunacaq. Layihənin ilkin mərhələsində fındıq, nar, ərik, feyxoa, xurma növlərindən olmaqla, ümumilikdə, 9 minə yaxın meyvə ağacının əkilməsi nəzərdə tutulub.
Qeyd edək ki, layihə çərçivəsində ilk meyvə bağı İsmayıllı, daha sonra isə Şəmkir rayonlarında salınıb, aztəminatlı ailələr, o cümlədən Qarabağ müharibəsi veteranı və şəhid ailələrinin təmənnasız istifadəsinə verilib.


Mahmud




 
Bölməyə aid digər xəbərlər
17.08.2019
Sabah ölkə ərazisində havanın temperaturu 40 dərəcəyə yüksələcək
17.08.2019
Ağdamda şəhid Nadir Şükürovun xatirəsi anılıb
16.08.2019
Azərbaycan sərhədçiləri təmas xəttində bir sıra istiqamətlərdə strateji əhəmiyyətli mövqeləri tutub
16.08.2019
Hava proqnozunun verilməsi çətinləşib
16.08.2019
“Xan bağı”nda bir neçə irigövdəli ağac kəsiləcək

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10858

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
4 Həyata keçirilən sosial paketlər birbaşa əhalinin rifahının yaxşılaşdırılmasına istiqamətlənib
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info