“Qarabağ”la oyuna yalnız 3 xal üçün çıxacağıq”
Tarix: 28.10.2017 | Saat: 00:26:00 | E-mail | Çapa göndər


Dieqo Qodin: “Hər iki rəqibə qalib gəlsək, komandada özünəinam hissi geri qayıdacaq”
“Son vaxtlar nəticələrimiz heç də gözlənildiyi kimi deyil. Xüsusən, Çempionlar Liqasında özümüzə bənzəmirik”. Bu sözləri “Atletiko”nun futbolçusu Dieqo Qodin deyib. La Liqanın X turu çərçivəsində oktyabrın 28-də öz meydanında “Vilyarreal”la qarşılaşacaq Madrid təmsilçisi 3 gün sonra Çempionlar Liqasının qrup mərhələsində “Qarabağ”ı qəbul edəcək. Bu görüşlərdən öncə AS nəşrinə danışan Qodin maraqlı fikirlər səsləndirib. Uruqvaylı mərkəz müdafiəçisi əvvəlcə “Atletiko”nun hazırkı vəziyyətini dəyərləndirib: “Komandada balans olmalıdır. Hazırda “Atletiko”da çatışmayan budur. Bizə böyük ümidlərin bəsləndiyini bilirik. Etimadı doğruldacağımıza ümid edirəm. Biz də oynadığımız bütün turnirlərdə çempion olmaq istəyirik. Amma bu faktdır ki, çatışmayan cəhətlərimiz var”. 31 yaşlı futbolçu söhbət əsnasında Çempionlar Liqasının cari mövsümündə “Roma” (0:0) və “Qarabağ”la (0:0) keçirdikləri oyunları xatırlayıb. O, hər iki qarşılaşmada qələbə şansını əldən buraxdıqlarını deyib: “Roma”ya 5 qol vura bilərdik. Əgər qol imkanlarından lazımınca yararlansaydıq, indi başqa şey haqda danışırdıq. Bu, “Qarabağ”la matça da aiddir. Dediyim sözləri “Elçe” ilə kubok görüşünə də şamil etmək olar. Bunlar kiçik detallardı”. Uruqvay yığmasının üzvü son vaxtlar çox tənqid olunmaqlarına da toxunub. O, vəziyyəti dəyişmək baxımından “Qarabağ”la matç da daxil olmaqla, qarşıdakı görüşlərə yalnız qələbə üçün çıxacaqlarını bildirib: “Mətbuat hazırkı vəziyyətimizi faciəvi adlandırır. Fərqli nəticələr olsaydı, indi bizim haqda müsbət fikirlər səsləndirirdilər. Öz aramızda danışıb, durumumuzu müzakirə edirik. Nəticə verməli olduğumuzu başa düşürük. Qələbədən gözəl hiss ola bilməz. İndi bizi “Vilyarreal”la matç maraqlandırır. Rəqib güclü olsa da, bu görüşdə qələbə qazanmalıyıq. “Qarabağ”la oyuna da yalnız 3 xal üçün çıxacağıq. Hər iki rəqibə qalib gəlsək, komandada özünəinam hissi geri qayıdacaq. “Atletiko” son illərdə gücünü hər kəsə göstərib. Məhz həmin nəticələr özümüzü güclü hesab etməyimizə səbəb olub. Yenə hər birimiz qələbəyə “ac” olmalı, rəqabət aparmalı və sona qədər “vuruşmalıyıq”. Bir olmağımız vacibdi”.




 
Bölməyə aid digər xəbərlər
25.08.2019
Makron: “G7“ iştirakçıları İranla münaqişə istəmir
25.08.2019
“Qərbin bizi təhdidinə baxmadan Türkiyənin haqlarını sonunadək müdafiə edəcəyik”
24.08.2019
Azərbaycan hökuməti gənclərin bu günü və gələcəyi uğrunda böyük işlər görür
23.08.2019
İndoneziya səfiri: “Dağlıq Qarabağ məsələsində Azərbaycanı həmişə dəstəkləmişik“
23.08.2019
Makron: “Hindistan və Pakistan problemi qarşılıqlı şəkildə həll etməlidirlər“

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10871

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info