Çin XİN rəhbəri xeyriyyə tədbirində iştiraka görə Azərbaycana təşəkkür edib
Tarix: 30.10.2017 | Saat: 15:07:00 | E-mail | Çapa göndər


Çinin paytaxtı Pekində “Sevgi sərhəd tanımır” adlı ənənəvi xeyriyyə sərgi-yarmarkası keçirilib. Çin Xarici İşlər Nazirliyinin və Çin Yoxsulluqla Mübarizə Fondunun təşkil etdiyi tədbir müxtəlif ölkələrin milli mədəniyyətlərinə aid suvenirlərin, milli mətbəx nümunələrinin, məhsul və malların satışından əldə olunan gəlirin Çində həyata keçirilən humanitar layihələrə yönəltməklə maddi dəstək məqsədi daşıyıb.
Çin xarici işlər naziri Van İnin həyat yoldaşı Çian Veyin təşəbbüsü ilə təşkil edilən sərgi-yarmarkada 87-si Pekindəki diplomatik nümayəndəliklərə məxsus olmaqla, beynəlxalq təşkilat, yerli və xarici şirkətlərin ümumilikdə 140 pavilyonu fəaliyyət göstərib.
Azərbaycanın Çindəki səfirliyinin hazırladığı geniş pavilyonda milli mədəniyyətimizi tanıdan və təbliğ edən müxtəlif eksponatlar, o cümlədən xalça və geyim nümunələri, müxtəlif suvenirlər nümayiş etdirilib. Bundan başqa, tədbirin xarakterinə uyğun olaraq milli mətbəximizin təamlarından plov, dolma, kabab, kükü, manqal salatı, paxlava və şəkərbura, “Made in Azerbaijan” brendi ilə istehsal olunan kənd təsərrüfatı məhsulları, o cümlədən şərab və konyaklar, kompotlar, mürəbbələr, habelə Azərbaycana aid rəmzlərin əks olunduğu papaqlar, toxuculuq nümunələri, idman köynəkləri, şərflər, əl çantaları, araxçınlar, kəlağayılar satışa çıxarılıb.
Çinin xarici işlər naziri Van İ və xanımı Azərbaycan pavilyonuna baş çəkib. Səfir Əkrəm Zeynallı qonağa milli pavilyonda nümayiş etdirilən Azərbaycanın tarixi və mədəniyyətinə dair eksponatlar barədə məlumat verib, xeyriyyə məqsədilə satışa çıxarılan Azərbaycan istehsalı olan məhsullar, suvenirlər və təamları təqdim edib. Van İ və xanımı Azərbaycan şərabının, kompotunun və paxlavasının dadına baxıblar. Nazir Azərbaycan şərabı və kompotunun keyfiyyətini yüksək qiymətləndirib, paxlavanın dadlı olduğunu deyib. Çin XİN rəhbəri xeyirxahlıq xarakterli tədbirdə iştiraka görə Azərbaycan tərəfinə təşəkkür edib.
Qeyd edək ki, sərgi-yarmarkanı 15 mindən çox Pekin sakini, qonaq və əcnəbi ziyarət edib. Yarmarka iştirakçıları və yerli sakinlərin Azərbaycan pavilyonuna marağı böyük olub.
Gün ərzində davam edən yarmarka zamanı yığılan vəsait Çinin Yunnan əyalətində səhiyyə layihələrinin icrasına maddi dəstək üçün yaradılan fonda köçürülüb. Təşkilatçılar tədbirdə yüksək səviyyədə iştiraka görə Azərbaycan səfirliyinə təşəkkür ediblər.
Tural




 
Bölməyə aid digər xəbərlər
25.09.2018
Yaponiya hökuməti dövlət qulluqçularının çoxunun evlərində işləməsinə çalışır
25.09.2018
Roma Papası Latviyada səfərdədir
25.09.2018
Mərkəzi Asiyada ilk beynəlxalq turizm universiteti Astanada açılacaq
25.09.2018
PKK başçısının yaxın silahdaşı həbs olunub
24.09.2018
Moldova Konstitusiya Məhkəməsi Dodonun səlahiyyətlərini müvəqqəti dayandırlb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info