Malayziya Şimali Koreya ilə diplomatik əlaqələri kəsə bilər
Tarix: 31.10.2017 | Saat: 00:25:00 | E-mail | Çapa göndər


Malayziyanın Baş naziri Nəcib Rəzzakın sözlərinə görə, ölkəsi Şimali Koreya ilə diplomatik əlaqələri kəsmək variantlarını nəzərdən keçirir. TASS xəbər verir ki, Malayziya bu yaxınlaradək Pxenyanla siyasi-iqtisadi münasibətlər saxlayan azsaylı dövlətlərdən biri idi. Lakin Baş nazirin ABŞ-a səfəri zamanı Prezident Donald Trampla görüşündən, həmçinin KXDR liderinin qardaşı Kim Çen Namın Kuala-Lumpur aeroportunda zəhərlənərək öldürülməsindən və insidentlə bağlı təhqiqatdan sonra iki ölkə arasında münasibətlər soyuyub. “Mən demişəm ki, Malayziya Şimali Koreya tərəfindən gələn təhlükə ilə bağlı BMT-nin bütün qətnamələrini yerinə yetirmək üçün lazımi addımları atacaq və KXDR-in Malayziyadakı diplomatik kadrları ixtisar olunacaq. Həmçinin Şimali Koreya ilə bütün əlaqələrin, o cümlədən siyasi və iqtisadi münasibətlərin kəsilməsi məsələsini bir daha nəzərdən keçirəcəyik. Malayziya Pxenyandakı səfirliyini bağlayaraq onu Pekinə köçürmək barədə düşünür”, - deyə Baş nazir parlamentdə çıxışı zamanı bildirib. Siyasətçinin sözlərinə görə, Malayziya Kim Çen Namın öldürülməsindən sonra KXDR ilə vizasız rejim sazişini ləğv edib, habelə Koreya yarımadasında vəziyyətin gərginləşməsi ilə əlaqədar ölkə vətəndaşlarına Şimali Koreyaya səfər etmələrinə qadağa qoyub. KXDR son aylar bir sıra raket və sayca altıncı nüvə (hidrogen döyüş başlığı) sınağı həyata keçirib. BMT-nin Təhlükəsizlik Şurası avqust ayında bu ölkəyə qarşı sanksiyaları iki dəfə sərtləşdirib.




 
Bölməyə aid digər xəbərlər
22.09.2018
İranda hərbi parad zamanı terror aktı törədilib
22.09.2018
Estoniyada Müqavimət Günü qeyd edilir
22.09.2018
İspan qadınlar həm alim, həm də ana olmaq hüququ uğrunda mübarizə aparırlar
21.09.2018
Türkiyə İdlibdəki hərbi qüvvələrinin sayını artıracaq
21.09.2018
Vyetnam Prezidentinin ölüm səbəbi açıqlanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10129

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info