ABŞ-ın “Forum” jurnalında Azərbaycana dair məqalə dərc olunub
Tarix: 06.11.2017 | Saat: 15:29:00 | E-mail | Çapa göndər


Amerikada geniş oxucu kütləsinə malik, ABŞ-dakı Xarici Konsulların Federal Assosiasiyası tərəfindən nəşr olunan “Forum” jurnalının 2017-ci ilin payız buraxılışında “Azərbaycan: ümid, müxtəliflik, tolerantlıq və imkanlar diyarı” (Azerbaijan: Land of Hope, Diversity, Tolerance and Opportunity) adlı məqalə dərc olunub.
Ölkəmizin Los-Ancelesdəki baş konsulu Nəsimi Ağayevin müəllifi olduğu, Bakının və digər gözəl diyarlarımızın rəngarəng şəkilləri ilə əhatə olunan məqalədə Azərbaycanda mövcud olan multikulturalizm və tolerantlıq ənənələri haqqında geniş məlumat verilir, müsəlmanların, yəhudilərin və xristianların, eləcə də şiə və sünnilərin dinc yanaşı və sülh şəraitində yaşadıqları, bu müxtəliflik və harmoniyanın ölkəmizdə çiçəklənməkdə davam etdiyi bildirilir.
N.Ağayev Azərbaycanın zəngin mədəniyyəti və incəsənəti haqqında məlumat verərək, müsəlman dünyasında ilk opera (1908), operetta (1913) və baletin (1940) ölkəmizdə səhnəyə qoyulduğunu diqqətə çatdırıb. Milli musiqi və rəqslərimizdən danışan baş konsul onların Azərbaycanın musiqi irsində xüsusi yer tutduqlarını və qədim tarixə malik olduqlarını bildirir. Diplomat Azərbaycan muğamının əsrarəngizliyindən bəhs edərək, balabanda ifa edilmiş muğamımızın dünya musiqi incilərindən biri kimi 1977-ci ildə NASA tərəfindən “Voyager” kosmik uçuş aparatına bərkidilmiş “Qızıl Val”a daxil edildiyini vurğulayır.
2017-ci ilin mayında baş konsulluğun təşkilatçılığı ilə Kaliforniyanın Los-Anceles və San Dieqo şəhərlərində keçirilən, Azərbaycan xalqının ümummilli lideri Heydər Əliyevin anadan olmasının 94-cü ildönümünə həsr olunan, tanınmış Azərbaycan musiqiçilərinin ifasında muğamlarımızın, opera musiqimizin və milli rəqslərimizin ifasından ibarət möhtəşəm konsertlər barədə danışan N.Ağayev bu zəngin mədəni irsin 3500-dən artıq kaliforniyalıda dərin iz buraxdığını və tamaşaçıları Kaliforniyadan Qafqaz dağlarının ətəklərinə və Xəzər dənizi sahillərindəki Odlar Yurduna götürdüyünü bildirir.
Sonda baş konsul Azərbaycanın millətlərarası və dinlərarası sülh, harmoniya, qarşılıqlı anlaşma və tolerantlıq modelinin dünyanın başqa yerlərində də tətbiq olunacağına ümid etdiyini vurğulayır.
Tural




 
Bölməyə aid digər xəbərlər
19.09.2018
USAİD Gürcüstanda iqtisadi islahatlar üçün 1,5 milyard dollar ayırıb
19.09.2018
Şimali və Cənubi Koreya arasında hərbi sahədə əməkdaşlıq müqaviləsi imzalanıb
18.09.2018
Çin ABŞ-dan idxal olunan 5200-dən çox məhsulun rüsumunu artırır
18.09.2018
ABŞ Cənubi Qafqazda sabitliyin və təhlükəsizliyin bərqərar olmasında maraqlıdır
18.09.2018
Rusiya təyyarəsi vuruldu,15 hərbçi həlak oldu

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 “Bu il sığorta bazarı 40 faizdən çox genişlənib, yığımlar artıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info