Daşkənddə “Xəmsə”nin özbəkcə nəşrinin təqdimatı keçirilib
Tarix: 06.11.2017 | Saat: 15:32:00 | E-mail | Çapa göndər


Ə.Nəvai adına Özbəkistan Milli Kitabxanasında dahi Nizami Gəncəvinin “Xəmsə”sinin özbəkcə nəşrinin təqdimatı keçirilib. Əsəri orijinaldan şair və tərcüməçi Olimcan Buriyev tərcümə edib.
Kitab Daşkənddəki Heydər Əliyev adına Azərbaycan Mədəniyyət Mərkəzinin (AMM) layihəsi əsasında Azərbaycan Mədəniyyət və Turizm Nazirliyinin dəstəyi ilə Özbəkistan paytaxtındakı “İstiqlol nuri” nəşriyyatında çap edilib. Nəşrin redaktoru və “Ön söz”ün müəllifi akademik Aziz Kayumovdur.
Özbəkistan Milli Kitabxanasının direktoru Əlişir Abduəzizov Şərqin ən böyük mütəfəkkirlərindən biri, dahi Azərbaycan şairi Nizami Gəncəvi irsinin dünya miqyasında təbliğinin vacibliyindən danışıb. O, Özbəkistanda ilk dəfə olaraq şairin əsərlərinin bütövlükdə özbək dilinə tərcümə edildiyini və bu istiqamətdə AMM-in fəaliyyətini yüksək qiymətləndirib. Diqqətə çatdırıb ki, 1937-ci ildən Daşkənd Dövlət Pedaqoji Universiteti dahi şairin adını daşıyır və 2004-cü ildə şəhərdə Nizami Gəncəvinin abidəsi ucaldılıb.
AMM-in direktoru Samir Abbasov Nizami Gəncəvinin yaradıcılığından danışıb, şairin əsərlərinin Özbəkistanda da böyük maraq doğurduğunu vurğulayıb. “Xəmsə”nin dünya ədəbiyyatının inciləri sırasında olduğunu qeyd edən Samir Abbasov Nizami irsinin təbliği istiqamətində rəhbərlik etdiyi qurumun gördüyü işlərdən danışıb. O, çıxışında ulu öndər Heydər Əliyevin Nizami Gəncəvi haqqında söylədiyi fikirlərdən sitat gətirərək deyib: “Nizami elə böyük bir şəxsiyyət, elə böyük dahidir ki, onun doğum gününü on ildən, beş ildən bir deyil, hər il qeyd etmək zəruridir”.
Şair Abduləziz Mansur, Daşkənd İqtisadiyyat və Diplomatiya Universitetinin professoru Raxmon Fərman, Özbəkistanın Turan Akademiyasının həqiqi üzvü, yazıçı Maxkam Maxmudov, tarixçi Nemat Xasan, şair Nurulla Sultan Azərbaycanın zəngin ədəbiyyatının digər xalqların ədəbiyyatına, eləcə də Nizami Gəncəvi yaradıcılığının özbək ədəbiyyatının tanınmış nümayəndəsi Əlişir Nəvaiyə təsir etdiyini və onun türk dilində “Xəmsə” yaratdığını qeyd ediblər. Olimcan Buriyev Azərbaycan Mədəniyyət və Turizm Nazirliyinə kitabın nəşrində göstərdiyi dəstəyə görə minnətdarlığını bildirib.
Tədbirdə, həmçinin gənclər arasında Nizami yaradıcılığına dair viktorina keçirilib, qaliblərə “Xəmsə” kitabı hədiyyə olunub. Sonda Nizami yaradıcılığına dair sənədli film nümayiş etdirilib.
Tural




 
Bölməyə aid digər xəbərlər
25.09.2018
“İrəvan meriyasına seçkilər yalan və riyakarlığın nümunəsidir”
25.09.2018
Yaxın Şərq böyük müharibə ərəfəsində
25.09.2018
Kvirikaşvili AYİB-in beynəlxalq məsləhətçisi olub
25.09.2018
TASS: Azərbaycan silah bazarında Rusiya Federasiyasının iri tərəfdaşıdır
24.09.2018
Yerevan meri postuna seçkilərdə xeyli qanun pozuntusu və insident qeydə alınıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info