Nar bayramı üçün Göyçaya 30 minə yaxın qonaq gəlib
Tarix: 06.11.2017 | Saat: 16:23:00 | E-mail | Çapa göndər


Noyabrın 3 və 4-də Göyçayda ənənəvi Nar bayramı keçirilib. Artıq 12-ci ildir keçirilən bu bayramda çoxsaylı yerli sakinlər, o cümlədən Bakıdan, yaxın rayonlardan və xarici ölkələrdən qonaqlar da daxil olmaqla 30 minə yaxın insan iştirak edib. Bayram Mədəniyyət və Turizm Nazirliyi və Göyçay rayon İcra Hakimiyyətinin təşkilatçılığı, “AzNar” QSC-nin maliyyə dəstəyi ilə baş tutub.
Dövlət və hökumət nümayəndələrinin, Milli Məclisin deputatlarının, xarici
ölkələrin Azərbaycandakı səfirlərinin, beynəlxalq təşkilatların və diaspor
nümayəndələrinin, yerli və xarici iş adamlarının iştirak etdiyi möhtəşəm Nar festivalı, həmçinin milli adət-ənənələrimizin əyani nümayişinə çevrilib.
Bu ilki Nar bayramı bəzi yeniliklərlə də yadda qalıb. Belə ki, qonaqlar ənənəvi xalq oyunlarını, əl işlərini, nar məhsulları sərgisini izlədikdən sonra bu il ilk dəfə keçirilən “Nar gözəllik müsabiqəsi”nə də tamaşa etmək imkanı qazanıblar. Tanınmış modelyer Gülnarə Xəlilovanın hazırladığı geyimlərdə olan 30-dan çox mödel-nar gözəlləri səhnəyə çıxıb. Tamaşaçıların böyük maraq və coşqu ilə izlədiyi gözəllik müsabiqəsində münsiflər səsvermə yolu ilə üç “Nar gözəli”ni seçiblər. Onlara “AzNar” şirkəti tərəfindən təyin edilmiş mükafatlar verilib. Birinci yeri tutmuş “Nar gözəli”nə 5 min, ikinci yerə layiq görülənə 3 min, üçüncü yeri tutana isə min manat mükafat təqdim olunub.
Müsabiqədə 1-ci yeri tutmuş “Nar gözəli”inə mükafatı iş adamı Fərhad Əhmədov, digər mükafatçılara isə Zabit Səmədov və Hacı Nuran təqdim edib.
Daha sonra Göyçay şəhərinin mərkəzində rayonun simvolu kimi qoyulmuş nar abidəsinin açılışı olub. Tuncdan hazırlanmış nar abidəsi bayram iştirakçılarının böyük marağına səbəb olub.
Bayramın birinci günün axşamı Göyçay şəhərində tanınmış incəsənət xadimlərinin iştirakı ilə böyük konsert təşkil edildi, atəşfəşanlıq keçirilib.
Qeyd edək ki, ötən illərdən fərqli olaraq bu il bayram iki gün davam edib.
Bayramın ikinci günü “AzNar” QSC-nin vəsaiti hesabına əsaslı təmir edilmiş Göyçay şəhər stadionunun açılışı olub. Açılış mərasiminin ardınca stadionda Göyçayın “Aznar” futbol komandası ilə Bakının “Neftçi” komandası arasında oyun da keçirilib.




 
Bölməyə aid digər xəbərlər
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib
18.11.2018
Ölkəmizin on şəhər və rayonunun məktəbliləri Lənkərana gəliblər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info