“Binəqədi Gənclərinin III Liderlik Məclisi” yekunlaşıb
Tarix: 07.11.2017 | Saat: 16:01:00 | E-mail | Çapa göndər


“İslam Həmrəyliyi İli” çərçivəsində Binəqədi Rayon İcra Hakimiyyəti, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası, Yeni Azərbaycan Partiyası Binəqədi Rayon Təşkilatı və Binəqədi rayon Gənclər və İdman İdarəsinin birgə təşkilatçılığı ilə 3-5 noyabr tarixlərdə Azərbaycan Respublikası Vergilər Nazirliyinin Şamaxı rayonunda yerləşən Tədris Mərkəzində “Binəqədi Gənclərinin III Liderlik Məclisi” adlı layihə həyata keçirilib.
Layihənin keçirilməsində əsas məqsəd gənclərin hərtərəfli inkişafı üçün şəraitin formalaşdırılması, gənclərin azərbaycançılıq və dövlətçilik prinsipləri əsasında vətəndaşlıq və vətənpərvərlik tərbiyəsinin gücləndirilməsi, onlara liderlik bacarıqlarının aşılanması və gənclərin asudə vaxtının səmərəli təşkil edilməsi olmuşdur. Məlum layihə Azərbaycan Respublikası Prezidenti cənab İlham Əliyevin 2017-ci il 15 sentyabr tarixli Sərəncamı ilə imzalanmış “Azərbaycan gəncliyi 2017-2021-ci illərdə” Dövlət Proqramının aidiyyəti bəndlərinə uyğun olaraq təşkil olunmuşdur.
Layihədə Binəqədi rayonun bütün sahələrindən müsahibə yolu ilə seçilmiş fəal olan gənclər, o cümlədən, Suriya, İraq, Fələstin və Misirdən olan gənclər iştirak etmişlər.
3 noyabr tarixdə Şamaxıya yola düşən gənclər şəhərin mərkəzində Ulu Öndərin abidəsini ziyarət edərək, Heydər Əliyev muzeyi ilə tanış oldular. Muzeydə Ulu öndər Heydər Əliyevin həyatı və fəaliyyəti, eləcə də Şamaxı rayonuna səfərləri ilə bağlı gənclərə geniş məlumat verildi. Daha sonra gənclər Şamaxı Cümə məscidini ziyarət etdilər. Məscidin nümayəndəsi iştirakçıları qarşılayaraq məscidin 743-ci ildə inşa olunduğunu və Azərbaycanın ən qədim məscidlərindən biri olduğunu bildirdi. Qeyd olundu ki, sözügedən məscid cənab Prezident İlham Əliyevin müvafiq sərəncamı ilə yenidən qurularaq bərpa olunmuşdur. Ziyarətin ardınca gənclər Şamaxı şəhərində yerləşən Azərbaycan Respublikası Vergilər Nazirliyinin Tədris Mərkəzinə yola düşdülər. Mərkəzdə gənclər qruplara bölünmüş və onlara layihənin xüsusi geyimləri paylanılmışdır. Elə həmin gün “Binəqədi Gənclərinin III Liderlik Məclisi”nin açılış mərasimi keçirilmişdir.
Aşılış mərasimdə Binəqədi rayon İcra Hakimiyyəti başçısının müavini Aygün Əliyeva, Dini Qurumlarla İş Üzrə Dövlət Komitəsinin sədr müavini Gündüz İsmayılov , Vergilər Nazirliyinin Tədris Mərkəzin rəisinin birinci müavini Ceyhun Mehdiyev, Bakı Şəhər Gənclər və İdman Baş İdarəsinin rəisi Raqif Abbasov, YAP Gənclər Birliyinin sədri Seymur Orucov, YAP Binəqədi rayon təşkilatının sədri Ramiz Göyüşov iştirak etdilər. Layihəni açıq elan edən Binəqədi Rayon İcra Hakimiyyəti başçısının müavini Aygün Əliyeva qonaqları salamlayaraq layihənin keçirilmə məqsədi haqqında iştirakçılara məlumat verdi. O bildirdi ki, ölkə başçısı cənab İlham Əliyevin rəhbərliyi ilə aparılan uğurlu Gənclər siyasəti nəticəsində “Binəqədi Gənclərinin I və II Liderlik Məclisləri” müvafiq olaraq 2014 və 2015-ci illərdə müvəffəqiyyətlə həyata keçirilmişdir. Daha sonra qonaqlar çıxış edərək layihənin iştirakçılarına uğurlar arzuladılar.
Açılış mərasimindən sonra gənclər üçün ilk təlimə “start” verildi. 3 gün müddətində “Layihələrin yazılması və idarə olunması” mövzusunda təşkil olunmuş təlimlərdə layihələrin reallaşması ilə bağlı bütün incəliklər barədə gənclərə məlumat verildi. Keçirilmiş təlimlərin nəticəsi olaraq sonda gənclər öz layihələri təqdim etdilər və həmin layihələrdən ibarət “layihə yramarkası” təşkil olundu.
4 noyabr tarixdə layihə iştirakçılarının Azərbaycan Milli Elmlər Akademiyası nəzdində fəaliyyət göstərən Nəsirəddin Tusi adına Şamaxı Astrofizika Rəsədxanasına səfəri təşkil olundu. Rəsədxananın əməkdaşı tərəfindən gənclərə rəsədxananın tarixi və fəaliyyəti haqqında məlumat verildi. Daha sonra iştirakçılar Şamaxının ən qədim kəndlərindən olan “Dəmirçi” kəndinə yola düşdülər. Kənddə gənclər qədim el sənətkarlıq nümunələri ilə tanış olub, kənd ictimaiyyəti ilə görüş keçirdilər.
Axşam saatlarında gənclərin asudə vaxtının səmərəli təşkil olunması və gənclərin bilik və bacarıqlarının artırılması məqsədilə layihə iştirakçıları arasında intellektual oyunlar təşkil edilmişdir. Layihənin hər 3 günündə fəallıq göstəriş gənclərə qiymətli hədiyyələr təqdim olundu.
5 noyabr tarixdə - layihənin III günündə təlimlərin keçirilməsi yekunlaşdırıldı və gənclər öyrəndikləri yeni biliklər əsasənda öz layihələrini hazırladılar. Hazırlanmış layihələr əsasında “Layihə yarmarkası” təşkil olunmuş və layihə rəhbərləri öz layihələrini təqdim etmişlər. Yarmarka bitdikdən sonra gənclərə “Binəqədi Gənclərinin III Liderlik Məclisi” layihəsində iştirak etmələri barədə sertifikatlar təqdim olundu. Təqdimat mərasimindən sonra gənc liderlər Şamaxı rayon Tarix-diyarşünaslıq muzeyinə səfər etdilər. Muzeyin əməkdaşı tərəfindən iştirakçılara eksponatlar təqdim olundu, verilən suallar cavablandırıldı. Günün sonunda iştirakçılar Bakıya yola düşdülər.
“İslam Həmrəyliyi İli “ çərçivəsində keçirilən “Binəqədi Gənclərinin III Liderlik Məclisi” xoş anlarla başa çatdı.




Fuad




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info