Erməni tələbələrin etirazına müəllimlər də qoşulub
Tarix: 09.11.2017 | Saat: 00:09:00 | E-mail | Çapa göndər


Ermənistanda hərbidən möhlət hüququ tələb edən tələbələr, deyəsən, iddialarından dönmək niyyətində deyillər. Onlar dünən-noyabrın 8-dən başlayaraq total şəkildə Ermənistanın Təhsil və Elm Nazirliyinin binasına doğru axın ediblər.
"Elmin inkişafı naminə" təşəbbüsünün üzvü olan David Petrosyan «News.am» saytının əməkdaşına verdiyi açıqlamada Təhsil və Elm Nazirliyinin qaldırdığı problemlə bağlı yekun cavab alacaqlarına ümid etdiyini bildirib. Petrosyan atacaqları növbəti addımın məhz bununla bağlı olacağını da gizlətməyib.
Maraqlıdır ki, etirazçı tələbələrin əllərində plakatlarla yanaşı, hava ilə doldurulmuş şarlar daha çox nəzərə çarpır. Hava ilə doldurulmuş şarların nə məqsəd daşıdığı barədə Petrosyana ünvanlanmış sualdan yayınan təşəbbüs üzvü, xüsusi tədbirlərin həyata keçirilməsində bunun onlara lazım olacaqlarını bildirib.
Bir daha xatırladaq ki, "Hərbi xidmət və hərbi qulluqçunun vəziyyəti haqqında" qanunda yer alan hərbidən möhlət hüququnun ləğvi ilə bağlı müddəa parlamentdə elə ilk oxunuşda qəbul olunub.
Bir daha xatırladaq ki, etirazçı tələbələr yeni qanun layihəsində yer alan hərbidən möhlət hüququnun ləğvi maddəsinin aradan qaldırılmasını tələb edirlər. Düşmən ölkədən gələn son məlumatlara görə, dünəndən başlayaraq etirazçı tələbələrin sıralarına İrəvan Dövlət Universitetinin müəllimləri də qoşulmağa başlayıblar. Universitetin Riyaziyyat fakültəsinin müəllimi Saqatelyan yerli jurnalistlərə verdiyi açıqlamada ordudan möhlət hüququnun ləğvinə qarşı çıxdığını bildirib. Onun sözlərinə görə, həzırkı şəraitdə tələbələri ordu sıralarına göndərməkdənsə, orduya polislərin göndərilməsi daha yaxşı olardı: «Baxın, bu gün ölkədə tələbədən çox polis var. Məncə, tələbələrin əvəzinə onları hərbi xidmətə cəlb etmək daha yaxşı olardı»-deyə erməni müəllim bildirib.
Bu arada Ermənistan Müdafiə Nazirliyindən etirazçı tələbələrin təşəbbüs qrupu üzvləri ilə görüşlə bağlı çağırış edilib. Ölkədə nəşr edilən «Aykakan jamanak» nəşrinin yaydığı məlumata görə, məsələnin dərinliyinə varan təşəbbüs qrupu üzvləri bu görüşdən imtina ediblər. Nəşrin məlumatına görə, təşəbbüs qrupu üzvü David Petrosyan qarşı tərəfdən gələn təklifə etirazını bir sıra səbəblərlə əsaslandırıb. Onun iddiasına görə, nazirlikdən təklif edilən görüşün, ilk olaraq, formatı o qədər də dəqiq, həm də aydın deyil:” Bundan başqa, görüşə qarşı tərəfdən kimlərin qatılacağından asılı olmayaraq, bizim tərəfdən dörd nəfərdən artıq təşəbbüs qrupu üzvünün qatılmaması tələbi bizi qane etmir.”
Ağasəf Babayev




 
Bölməyə aid digər xəbərlər
18.04.2019
Ermənistanda 24 yaşlı əsgər özünü güllələyib
18.04.2019
Ermənistanda daha 400-ə yaxın məmur işdən qovulacaq
18.04.2019
Özbəkistanın Riştan rayon rəhbərliyi İsmayıllı rayonuna səfər edəcək
17.04.2019
Lavrov: Dağlıq Qarabağ münaqişəsinin həlli ilə bağlı razılaşmalar kağız üzərində qalmamalıdır
17.04.2019
Riç Outzen: “Türkiyə ilə əlaqələrdə uğursuzluq görmək istəmirik”

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10751

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Milli mədəniyyətimizin fədakar tədqiqatçısı və təmsilçisi Babək Qurbanov haqqında
5 Ramiz Mehdiyevin sərəncamı ilə tədbirlər planı təsdiqləndi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info