“Moskva Qarabağ münaqişəsinin nizamlanmasında vasitəçilik səylərini davam etdirəcək”
Tarix: 10.11.2017 | Saat: 17:27:00 | E-mail | Çapa göndər


Rusiya Dağlıq Qarabağ münaqişəsinin nizamlanması üçün qarşılıqlı surətdə məqbul konsensusun formalaşmasında tərəflərə ATƏT-in Minsk qrupunun digər həmsədrləri ilə əlaqəli şəkildə yardım göstərilməsi üzrə vasitəçilik fəaliyyətini davam etdirməyə hazırdır.
Bu fikri RF-nin ATƏT yanında daimi nümayəndəsi Aleksandr Lukaşeviç ATƏT-in Daimi Şurasının iclasında ATƏT-in Minsk qrupunun həmsədrlərinin, ATƏT-in fəaliyyətdə olan sədrinin şəxsi nümayəndəsinin və Vyanada Yüksək Səviyyəli Planlaşdırma Qrupunun başçısının çıxışlarına cavab olaraq səsləndirib.
A.Lukaşeviç deyib: “Ümid edirik ki, həmsədrlərin gözlənilən müzakirələri bu köhnəlmiş münaqişənin sülh yolu ilə nizamlanmasına əlavə təkan verəcək”.
Daimi nümayəndə belə bir məsələyə diqqət yetirib ki, Azərbaycan və Ermənistan prezidentlərinin uzun sürən fasilədən sonra oktyabrın 16-da Cenevrədə baş tutan görüşü Bakı və Yerevan ilə fəal müzakirələr zamanı ATƏT-in Minsk qrupunun həmsədrlərinin vasitəçilik səylərinin mühüm nəticəsi olub. A.Lukaşeviç deyib: “Əsas məsələ budur ki, tərəflər sammitin yekunlarına əsasən, danışıqlar prosesini sürətləndirmək barədə şərtləşiblər. Əminik ki, bu, tərəflər arasında etimadın daha da artmasına və nəticədə nizamlanmanın mahiyyət aspektləri üzrə kompromisə doğru irəliləməyə kömək edəcək. Ümidvarıq ki, prezidentlərin Cenevrə görüşünün yekunlarına əsasən müəyyən edilmiş konstruktiv ab-hava danışıqlar zamanı qorunub saxlanılacaq. Həmsədrlərin Azərbaycanın və Ermənistanın xarici işlər nazirləri ilə ilin sonunadək planlaşdırılan görüşlərinin səmərəli olacağına ümid bəsləyirik”.
Regionda sülhün və sabitliyin dəstəklənməsinin ATƏT-in Minsk qrupunun həmsədrlərinin vasitəçilik missiyasının səmərəliliyinin zəruri şərti olduğunu vurğulayan diplomat fikrini belə tamamlayıb: “Bununla əlaqədar, tərəflərin qoşunların təmas xəttində gərginliyin azaldılması üzrə əlavə tədbirlər görmək öhdəliyini yüksək qiymətləndiririk. Bir daha qeyd edirik ki, Azərbaycan və Ermənistan prezidentlərinin 2016-cı il mayın 16-da Vyanada və iyunun 20-də Sankt-Peterburqda danışıqları zamanı hərbi risklərin azaldılmasına, o cümlədən münaqişə zonasında ATƏT müşahidəçilərinin sayının artırılmasına dair əldə edilmiş razılaşmalarının həyata keçirilməsi bu məqsədə cavab verərdi. ATƏT-in fəaliyyətdə olan sədrinin şəxsi nümayəndəsinin ofisinin genişləndirilməsi alqoritminin regionda vəziyyətin monitorinqi üzrə imkanları keyfiyyətcə artırmağa imkan verəcək sxem əsasında çox qısa müddətdə razılaşdırılmasına ümid bəsləyirik. Münaqişə zonasında silahlı insidentlərin birgə araşdırılması mexanizminin işlənib hazırlanmasının başa çatması da qoşunların təmas xəttində və Azərbaycan-Ermənistan sərhədində sabitliyin maraqlarına cavab verərdi. Bu prinsipial razılaşmaların həyata keçməsi tərəflərin dialoqunda müsbət ab-havanı möhkəmləndirər və danışıqlar prosesinə əlavə təkan verərdi”.
Tural




 
Bölməyə aid digər xəbərlər
12.11.2018
Tümen aeroportlarına iki azərbaycanlının adları verilə bilər
12.11.2018
Viqen Sarkisyan: “Ermənistanın KTMT rəhbərliyindən uzaqlaşdırılması yeni hökumətin uğursuzluğudur”
12.11.2018
Avropa Şurasında yerli idarəetmələr müzakirə olunub
12.11.2018
Yağışlar İranın Əhvaz şəhərində fəsadlar törədib
09.11.2018
“ArmenianReport”: “Rus dili bizə lazım deyil”

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10457

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info