Azərbaycanlı və gürcü tələbələrin birgə konserti
Tarix: 14.05.2013 | Saat: 22:40:00 | E-mail | Çapa göndər


Naxçıvan Dövlət Universitetində Gürcüstanın Şota Rustaveli adına Batumi Dövlət Universitetindən gəlmiş, tələbə mübadiləsi yolu ilə ali təhsillərini bir semestr boyunca burada davam etdirmiş gürcü tələbələrin konserti olub.
Universitetin tədris işləri üzrə prorektoru, dosent Seyid Surə universitetlərarası əlaqələrin inkişafından danışaraq bildirib ki, 2012-ci ildə Gürcüstanın Acarıstan Muxtar Respublikasının hökumətinin sədri Levan Varşalomidzenin rəhbərliyi ilə nümayəndə heyəti Naxçıvan Muxtar Respublikasına işgüzar səfər edib, səfər zamanı Ali Məclisin sədri Vasif Talıbovun iştirakı ilə Naxçıvan Dövlət Universitetində də görüş keçirilib, universitetlərarası əməkdaşlıq müqaviləsi imzalanıb. Qeyd olunub ki, Boloniya sisteminin prinsiplərinə uyğun olaraq tələbə mobilliyini artırmaq, tələbə mübadiləsi yolu ilə onların dünyanın başqa ali məktəblərində təhsil almalarını, digər universitetlərin tələbələrinin buraya cəlb olunmasını təmin etmək istiqamətində universitetdə əhəmiyyətli addımlar atılıb. Universitetin Azərbaycan dili və ədəbiyyatı müəllimliyi, Fransız dili müəlllimliyi, İngilis dili müəllimliyi, Alman dili müəllimliyi ixtisasları üzrə 4 nəfər bakalavr isə 2012-2013-cü tədris ilinin I semestri ərzində təhsillərini Acarıstan Muxtar Respublikasının Şota Rustaveli adına Batumi Dövlət Universitetində, həmin universitetin 4 nəfər tələbəsi isə 2012-2013-cü ilin II semestri ərzində təhsillərini Naxçıvan Dövlət Universitetində davam etdiriblər. Seyid Surə çıxışında universitetlərarası tərəfdaşlığın prioritet istiqamətlərindən də bəhs edib. Sonra konsert proqramı təqdim olunub. Universitetin azərbaycanlı tələbələrinin də iştirak etdiyi konsertdə Azərbaycan-Gürcüstan mədəniyyətini əks etdirən musiqi nömrələri, mahnı və rəqslər, həmçinin poeziya nümunələri səsləndirilib. Konsertin sonunda universitetin tərbiyə işləri üzrə prorektoru, fəlsəfə elmləri doktoru, professor Məmməd Rzayev gürcü tələbələrə bundan sonrakı fəaliyyətlərində, dostluq əlaqələrinin davam etdirilməsində uğurlar arzulayıb. Gürcü tələbələr adından Azərbaycan dili və ədəbiyyatı ixtisası üzrə II kursda təhsil alan Nona Nikabadze çıxış edərək universitetdə təhsil aldıqları müddətdə onlara göstərilən diqqət və qayğıya, yaradılan hərtərəfli şəraitə görə universitet rəhbərliyinə və kollektivə minnətdarlıq edib. Dosent Seyid Surə təhsildə, elmi-ictimai mühitdə fərqlənən gürcü tələbələri universitetin fəxri fərmanı ilə təltif edib.
Mehriban SULTAN




 
Bölməyə aid digər xəbərlər
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb
20.09.2018
Qanvermə aksiyalarının təşkili dini ənənələrə humanist bir töhfədir
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info