“Halliburton” şirkətinin regional rəhbəri BANM-də
Tarix: 13.11.2017 | Saat: 19:30:00 | E-mail | Çapa göndər


Bakı Ali Neft Məktəbinin (BANM) rektoru Elmar Qasımov ABŞ-ın “Halliburton” şirkətinin Qərbi Xəzər regionu üzrə rəhbəri Darel Lankaster ilə görüşüb. Görüşün əsas məqsədi tərəflər arasında gələcək əməkdaşlığın genişlənməsi ilə bağlı məsələlərin müzakirəsi olub. Şirkətin Azərbaycanda dövlət strukturları ilə iş üzrə meneceri Anar Əliyev də görüşdə iştirak edib.
BANM-dən bildiriblər ki, E.Qasımov rəhbərlik etdiyi ali məktəbin fəaliyyətinin əsas istiqamətləri barədə qonaqlara məlumat verib. Rektor cari tədris ilinin yaddaqalan olduğunu, BANM-in kampusunun Prezident İlham Əliyevin iştirakı ilə təntənəli açılışını, ilk məzunlara diplomların verilməsini, bu təhsil müəssisəsinin ali məktəblərə qəbul imtahanlarında 700 bal toplamış tələbələrin və Prezident təqaüdçülərinin sayına görə rekord əldə etdiyini vurğulayıb. Qeyd edilib ki, məzunların əksəriyyəti artıq aparıcı transmilli şirkətlərə işə qəbul olunub. Həmin şirkətlər sırasında “Halliburton” şirkətinin də olduğunu diqqətə çatdıran rektor bu məhsuldar əməkdaşlığın gələcəkdə də uğurla davam edəcəyinə əminliyini bildirib. E.Qasımov tələbələrə karyerası və rəhbərlik təcrübəsindən danışmağı qonağa təklif edib.
D.Lankaster BANM-lə əməkdaşlığa şirkət tərəfindən böyük önəm verildiyini qeyd edib və bu ali məktəbin tələbələrinin təcrübə proqramı dövründə çox fəal olduqlarını, məzunlarının isə özlərini perspektivli gənc mütəxəssislər kimi təsdiqlədiklərini deyib. Bildirilib ki, BANM-in yetirmələri dərin bilikləri, yaxşı təcrübə keçmələri, işgüzar xüsusiyyətlər və işə məsuliyyətli yanaşmaları ilə çox fərqlənirlər. D.Lankaster, həmçinin şirkətin BANM-lə əlaqələrinin güclənməsində çox maraqlı olduğunu söyləyib.
Sonda qonaq BANM-in rəhbərliyinə neft-qaz sektorunda beynəlxalq tələblərə cavab verən yüksək ixtisaslı mühəndislərin yetişdirilməsinə görə təşəkkürünü bildirib, uğurlar arzulayıb.

Nigar




 
Bölməyə aid digər xəbərlər
21.02.2019
Fondun təşkilatçılığı ilə KİV rəhbərləri Dövlət Miqrasiya Xidmətinin fəaliyyəti ilə yaxından tanış olublar
21.02.2019
DİN polis orqanlarında 150 vəzifəyə qəbulla əlaqədar müsabiqə elan edib
21.02.2019
Rusiyalı bloqqerlər Azərbaycanda qış mövsümü haqqında film çəkiblər
21.02.2019
Azərbaycanın İstanbuldakı baş konsulu azərbaycanlı tələbələrlə görüşüb
21.02.2019
Dini liderlər Xocalı ilə əlaqədar beynəlxalq təşkilatlara müraciət ediblər

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Əsərləri dünyanın bütün elektron kitabxanalarında yer alan azərbaycanlı yazar
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info