Çexiya qəzetində ölkəmizlə bağlı qərəzli yazılara cavab məqaləsi
Tarix: 13.11.2017 | Saat: 20:23:00 | E-mail | Çapa göndər


Çexiyanın “Mlada Fronta Dnes” qəzetində Azərbaycanla bağlı iftira xarakterli yazılar dərc edilib və heç bir dəlil gətirilmədən Çexiyada fəaliyyət göstərən azərbaycanlı iş adamlarının adı “korrupsiya halları”nda qeyd olunub.
Bu qarayaxma kampaniyasına cavab olaraq, Azərbaycanın Çexiyadakı səfiri Fərid Şəfiyevin “Mlada Fronta Dnes” qəzetində cavab yazısı və əlavə olaraq qəzet tərəfindən müvafiq təkzib dərc edilib.
Səfir Fərid Şəfiyevin yazısında heç bir dəlil göstərilmədən çex siyasətçilərinə guya rüşvət verilməsi ilə bağlı böhtan xarakterli iddialara qəti etiraz edilir. Bu iddianın müəlliflərinin “Transparency International” təşkilatının Çexiya bölməsinin direktoruna istinad etdikləri, lakin bu təşkilatın da korrupsiya ilə bağlı hər hansı sübuta malik olmadığını açıq şəkildə qeyd etmələrinə diqqət çəkilir. Beləliklə, məqalə müəlliflərinin dəlil gətirmək əvəzinə spekulyasiya ilə məşğul olduqları qeyd edilir, Azərbaycanın Çexiya və ya digər ölkələrdə hər hansı qeyri-qanuni fəaliyyətə cəlb edilmədiyi bildirilir. Çexiya-Azərbaycan parlamentlərarası dostluq qrupunun üzvlərinin əleyhinə aparılan kampaniyanın utancverici olduğu qeyd olunur.
Məqalədə Azərbaycanın Çexiya ilə əməkdaşlıq etdiyi, iki ölkənin vacib tərəfdaşlar olduğu, Çexiyanın enerji ehtiyaclarının 40 faizinin Azərbaycan tərəfindən təmin olunduğu, lakin Çexiyada bu barədə az adamın məlumatlı olduğu vurğulanır. Bundan başqa, Çexiya şirkətlərinin Azərbaycanda irihəcmli müqavilələr imzaladığı bildirilir, bunların sırasında neft və kimya, maşınqayırma və yol-tikinti sahələrinin olduğu qeyd edilir.
Müəllif, həmçinin Azərbaycanın Çexiyanın enerji təhlükəsizliyindəki roluna, TANAP qaz kəmərinin tikintisinə, bu layihənin tranzit yollarının şaxələndirilməsində ölkəmizin roluna və Aİ ilə əməkdaşlığına diqqət çəkir. Bundan başqa, Əfqanıstanda sülhün bərqərar edilməsində və beynəlxalq terrorçuluğa qarşı mübarizədə Çexiya və Azərbaycanın birgə məqsədinin olduğu vurğulanır.
“Mlada Fronta Dnes” qəzetində dərc edilən təkzib xarakterli yazıda bildirilir ki, qəzetin 18 oktyabr tarixli məqaləsində Çexiyada fəaliyyət göstərən iş adamı Əli Əsgərov haqqında yer almış məlumat doğru deyil.
Tural




 
Bölməyə aid digər xəbərlər
19.02.2019
İtaliyanın keçmiş baş nazirinin valideynləri ev dustaqlığına məhkum olunublar
19.02.2019
Çin kosmosda günəş elektrostansiyası tikəcək
19.02.2019
Binəli Yıldırım istefaya gedib
19.02.2019
Boliviyada yük maşını ilə avtobus toqquşub
18.02.2019
Britaniya parlamenti: “Sosial media tənzimlənməlidir”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info