BDU-da “Baxış bucağı” adlı debat müsabiqəsi keçirilib
Tarix: 16.11.2017 | Saat: 17:15:00 | E-mail | Çapa göndər


Noyabrın 15-də Azərbaycanda Vətəndaş Cəmiyyətinin İnkişafına Yardım Assosiasiyasının “Azərbaycan gəncliyi gələcəyimiz naminə” layihəsi çərçivəsində “Baxış bucağı” adlı debat müsabiqəsi Bakı Dövlət Universitetində davam etdirildi.
“Azərbaycan həqiqətlərinin dünyaya çatdırılmasında gənclərin rolu” mövzusunda keçirilən bu dəfəki debatda Bakı Dövlət Universiteti və Bakı Slavyan Universitetinin komandaları qarşılaşdı.
 
Tədbiri giriş sözü ilə açan AVCİYA-nın eksperti İradə Yaqubova yaradılan şəraitə görə BDU-nun rəhbərliyinə minnətdarlığını bildirdi və təmsil etdiyi təşkilatın fəaliyyəti ilə bağlı məlumat verdi. İ.Yaqubova qeyd etdi ki, AVCİYA-nın təşkil etdiyi bu ilki debatlarda dörd universitetin – Bakı Dövlət Universitetinin, Azərbaycan Dövlət Pedaqoji Universitetinin, Bakı Slavyan Universitetinin və Azərbaycan Turizm və Menecment Universitetinin tələbələri iştirak edirlər.
 
Moderator Orxan Cabbarlı debatda Azərbaycan həqiqətlərinin dünyaya çatdırılmasında gənclər “mən” kimi yox, “biz” kimi çıxış edə bilirmi və “məhz hansı həqiqətləri dünyaya çatdırmalıyıq” suallarına cavab axtarmağı təklif etdi.
 
BSU-nun magistrantı Tural Məmmədoğlu bildirdi ki, təmsil etdiyi universitetin hər il ondan artıq tələbəsi xaricdə təhsil almağa göndərilir və həmin ölkələrdə Azərbaycan həqiqətlərini təbliğ edirlər. T.Məmmədoğlu BSU-nun tələbələrinin bu yaxınlarda Soçi festivalında erməni təxribatının qarşısını almalarını Azərbaycan həqiqətlərinin təbliğinə misal göstərdi.
 
BDU-nun beynəlxalq münasibətlər və iqtisadiyyat fakültəsinin IV kurs tələbəsi Kamran Mustafayev qeyd etdi ki, Azərbaycan gəncliyi Dağlıq Qarabağ problemi ilə əlaqədar həqiqətləri yalnız erməni təxribatına cavab olaraq deyil, əvvəlcədən çatdırmalıdır.
 
BSU-nun tələbələri Yusif Xandəmirov, Mahmud Məcidov, Aydın Ağayev, Aytən Məlikzadə, BDU-nun tələbələri Nərgiz Tağızadə, Hüseyn Bağırov, AynurAbbasova, Leyla Kazımova və başqaları  Azərbaycan həqiqətlərinin dünyaya çatdırılması üçün gənclərin həmin həqiqətləri dərindən öyrənməklərinin, sosial şəbəkələrdə fəal olmalarının, xaricdə yaşayan Azərbaycan gənclərinin potensialından, Vikipediyanın imkanlarından istifadənin, dövlət dəstəyini gözləmədən fəaliyyət göstərməyin, şəbəkələşmənin vacibliyini vurğuladılar.
 
Debatın sonunda ekspertlər – BDU-nun əməkdaşı Rəşad Hüseynov, BSU-nun təmsilçiləri – tərbiyə işləri üzrə prorektor, dosent Xanım Sultanova, professor Habil Məmmədov, dosent Alpay Əhmədov, AVCİYA-nın əməkdaşı Şahin Camalov debatda səsləndirilən təkliflərlə bağlı fikirlərini çatdırdılar.
 
Qeyd edək ki, AVCİYA-nın “Azərbaycan gəncliyi gələcəyimiz naminə” layihəsi çərçivəsində növbəti debat noyabrın 21-də Bakı Slavyan Universitetində keçiriləcək.

Fuad




 
Bölməyə aid digər xəbərlər
08.08.2020
Baş nazir magistratura və rezidentura ilə bağlı qərar imzalayıb
08.08.2020
Operativ Qərargah karantin rejimində yumşalmalarla bağlı brifinq keçirir
07.08.2020
İşçi sayına tətbiq edilən 50 faizlik məhdudiyyət ləğv edilir
07.08.2020
Sərt karantin rejiminin tətbiq edildiyi rayonlarda fəaliyyətinə icazə veriləcək sahələr
07.08.2020
Kanadada yaşayan 15 yaşlı həmyerlimizin uğuru

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 İspaniyaya turist axını 70 faizdən çox azalıb
2 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
3 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
4 Gürcüstanın turizm gəlirləri 80 faiz azalacaq
5 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info