Seyid Murad Əli Şah: “Azərbaycanla əməkdaşlığa hazırıq”
Tarix: 16.11.2017 | Saat: 18:35:00 | E-mail | Çapa göndər


Azərbaycanın Pakistandakı səfiri Əli Əlizadə bu ölkənin Sind əyalətinə səfəri zamanı Kəraçi şəhərində əyalətin Baş naziri Seyid Murad Əli Şah ilə görüşüb.
Görüşdə Əli Əlizadə Azərbaycanla Pakistan arasında mövcud olan dostluq və qardaşlıq münasibətlərinin hər iki ölkənin əyalətlərinə də sirayət etdiyini və bu əlaqələrin inkişafının zəruri olduğunu bildirib. Hər iki ölkənin bir-birinə göstərdiyi dəstəyin önəmini vurğulayan səfir 2011-ci ildə Pakistanda, o cümlədən Sind əyalətində baş vermiş daşqınlar zamanı Azərbaycanın Pakistanın yanında olduğunu və öz qardaşlıq köməyini göstərdiyini xatırladıb. Heydər Əliyev Fondunun prezidenti Mehriban Əliyevanın təşəbbüsü və dəstəyi ilə Pakistanın müxtəlif əyalətlərində həyata keçirilən sosial-humanitar layihələr haqqında məlumat verən səfir belə layihələrin xalqlarımız arasında dostluq və qardaşlıq tellərini daha da möhkəmləndirdiyini qeyd edib. Bu il noyabrın 9-dan 12-dək Kəraçidə keçirilən ticari-iqtisadi yönümlü sərgidə azərbaycanlı iş adamlarının da iştirak etdiyini bildirən Ə.Əlizadə Azərbaycanda xarici investorlar üçün yaradılan münbit şərait haqqında məlumat verib. O, Pakistanın Sind əyaləti ilə də ticari-iqtisadi sahədə əlaqələrin genişləndirilməsində iş adamlarının geniş imkanlarının olduğunu qeyd edib.
Əyalətin Baş naziri Seyid Murad Əli Şah Azərbaycan-Pakistan əlaqələrinin inkişafından məmnun olduğunu bildirib, Sind əyalətinin də Azərbaycanla əməkdaşlığa hazır olduğunu diqqətə çatdırıb. O, əlaqələrin inkişafı üçün əyalətin imkanları haqqında məlumat verib, azərbaycanlı iş adamlarını əyalətdə həyata keçirilən ticari-iqtisadi, xüsusən alternativ enerji layihələrində iştiraka dəvət edib.
Səfir Sind əyalətinə səfəri zamanı, həmçinin Kəraçi şəhərinin meri Vasim Axtar, Türkiyənin bu şəhərdəki baş konsulu Murat Mustafa Onart, Pakistan “Herald Publications Limited” şirkətinin və “Dawn” Qəzetlər Qrupunun rəhbəri Həmid Harunla da görüşlər keçirib.
Tural




 
Bölməyə aid digər xəbərlər
21.11.2018
Polşa portalı Prezident İlham Əliyevin Belarusa rəsmi səfərindən yazıb
20.11.2018
Müxalifət islah olunmayacaq
20.11.2018
Belarus Azərbaycanın haqlı və ədalətli mövqeyini dəstəkləyir
20.11.2018
İzmirdə Türkdilli Ölkələrin Parlament Assambleyasının Şura iclası keçirilib
20.11.2018
Daxili İşlər Nazirliyində geniş kollegiya iclası keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info