Azərbaycanda sığorta sahəsində inqilab
Tarix: 16.11.2017 | Saat: 20:50:00 | E-mail | Çapa göndər


Azərbaycan sığorta sahəsində inqilab sayıla biləcək bir təqdimat baş tutdu. Artıq bir neçə vaxtdır ki, hər kəsi intizarda saxlayan KASKO BUTİK elektron sığorta platforması ictimaiyyətə və mediaya təqdim edilib. ZAMAN BROKER tərəfindən ərsəyə gətirilən platforma avtomobil sığortası müqavilələrinin onlayn əldə edilməsi üçün yaradılıb. Platformaya www.2222.az və ya www.kaskobutik.az domenlərindən daxil olmaq mümkündür. 

‘’Öz ölçünü seç’’ şüarı ilə fəaliyyətə başlayan KASKO BUTİK də sığorta məhsulları geyim etiketlərində olduğu kimi, S, M, L və XL adlandırılıb. S ölçüsü 222 manat sığorta haqqı müqabilində 2222 manatlıq sığorta təminatı verir. M ölçüsündə isə 3333 manatlıq sığorta təminatı üçün 333 manat sığorta haqqı ödənilir. Sığorta haqları L və XL ölçülərində müvafiq olaraq 444, 555 manat, sığorta məbləğləri isə 4444 və 5555 manat olaraq müştərilərə təklif olunur. 

KASKO BUTİK məhsulları, demək olar ki, sığortalıları bütün mümkün risklərdən, o cümlədən avtonəqliyyat hadisələrindən, yanğın və partlayışdan, oğurluq və qaçırma hallarından, üçüncü şəxslərin qanunazidd hərəkətlərindən və heyvanların vurduğu zərərlərdən, hər cür təbii fəlakət və təbiət hadisələrindən qoruyur. Yaşı 21 dən yuxarı olan və avtomobili qanuni əsaslarla idarə edən bütün sürücülərə təminat verilir. Avtomobil sahibləri təmir məntəqəsini öz arzuları ilə seçirlər, hətta rəsmi servis mərkəzlərində də qiymətləndirmə apara bilərlər. Sığorta ödənişi müştərinin bank hesabına pul şəklində ödənilir. 

Digər inqilabi yenilik ondan ibarətdir ki, zərərin dərhal yerində müəyyən olunması mümkün olan hallarda və zərər məbləği 1000 manatı keçmədiyi halda DYP dən təsdiqedici sənəd (Forma 4) istəmədən KASKO BUTİK sığorta ödənişlərini 59 dəqiqə ərzində ödəməyi vəd edir. 

KASKO BUTİK tamamilə onlayn platformadır, müqavilələr də elektron olaraq tərtib olunur və bütün kommunikasiya müştərinin elektron poçtuna göndərilir. 

Digər mühüm yenilik ondan ibarətdir ki, Azərbaycanda ilk dəfə olaraq KASKO BUTİK məhsullarına 1 sığorta şirkəti yox, 6 aparıcı sığorta şirkəti (A-Qroup, Az Sığorta, Ata Sığorta, Atəşgah Sığorta, Günay Sığorta və Qala Sığorta) birgə zəmanət verir. 

KASKO BUTİK həm də müxtəlif innovativ addımlar atıb. Belə ki, MERİ adlandırılan və süni intellekt əsasında çalışan ilk sığorta ÇatBotu 24 saat KASKO BUTİK-lə bağlı suallarınıza cavab verəcək. Eyni zamanda, müştərilərin vaxtına və vəsaitinə qənaət etmək üçün İLK dəfə məsafədən avtomobilə baxış keçirilməsini təmin edən texnologiya hazırlanıb. Artıq siz olduğunuz yerdən xüsusi proqram vasitəsilə avtomobilinizin vəziyyətini KASKO BUTİK-ə göstərə biləcəksiniz. 

KASKO BUTİK də sığorta haqları onlayn olaraq Paşa Bank vasitəsilə və ya sizə yaxın olan ExpressPay terminalları vasitəsilə, həm də hissələrə bölünməklə ödənilə bilər. 

*2222 Sığorta Dəstək Mərkəzi isə 7/24 çalışır və sığorta ilə bağlı istənilən sualınıza cavab verməyə hazırdır. 
Tural




 
Bölməyə aid digər xəbərlər
24.09.2018
Səyyar ASAN xidmət davam edir
24.09.2018
Leyla Əliyeva “Beynəlxalq Sülh Günü”nə həsr olunmuş tədbirə qatılıb
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info