Erməni nazirdən etiraf: “Xarici investorlar sərmayəni ancaq sabit ölkələrə yatırırlar”
Tarix: 17.11.2017 | Saat: 00:17:00 | E-mail | Çapa göndər


Ermənistanda ərzaq məhsulları sürətlə bahalaşır: ət məhsullarında 7,9 faiz, balıq məhsullarında 24,7 faiz qiymət artımı qeydə alınıb

Rəsmi məlumatlara görə son aylar Ermənistanda ət və balıq məhsullarının qiymətində xeyli bahalaşma olub. Belə ki, bu ilin təkcə oktyabr ayında ötən ilin eyni dövrü ilə müqayisədə ət məhsulları 7,9 faiz, balıq və balıq məhsullarının qiyməti isə 24,7 faiz bahalaşıb. Ət məhsulları qrupunda, donuz ətinin pərakəndə qiymətlərində 1,4 dəfə, quzu ətində isə 24,3 faiz artım baş verib. “News.am” saytı ərzaq qiymətlərində ən çox qiymət artımının kərə yağında müşahidə edildiyini bildirir. Belə ki, bu yağın qiymətindəki artım rekord olub - 33,3 faiz! Bu, Ermənistanda son on ayın nəticələrini özündə əks etdirən əsas qiymət indeksidir. Erməni mediası yazır ki, artıq son zamanlar alıcılar arasında ərzaq məhsullarının təhlükəli həddə çatan qiymət artımından şikayətlərin sayı artıb. Təbii ki, ət və ət məhsulları, balıq və balıq məhsulları bütün dövrlərdə insan orqanizmi üçün faydalı xüsusiyyətlərə malik "qiymətli qida" kimi xarakterizə edilib. Lakin Ermənistandakı qiymət artımı ilə müqayisədə bu termin ikinci məna daşımağa başlayıb. Qeyd etmək lazımdır ki, Yeni il ərəfəsində satıcılar bayram süfrəsi üçün tələb olunan ərzaq məhsullarının qiymətlərini indidən qaldırırlar. Beləliklə, Ermənistandakı cari qiymət səviyyəsi növbəti inflyasiya üçün tramplin rolunu oynaya bilər. Təbii ki, buna əsas da var. Artıq neçə gündür ki, Ermənistan parlamenti 2018-ci il üçün ölkənin büdcə layihəsini müzakirəyə çıxarıb. Ölkənin maliyyə naziri Vardan Aramyan qarşıdakı il üçün Ermənistanın büdcə layihəsini təqdim edib. Təqdimat zamanı çıxış edən erməni nazir, qaydalara əsaslanan fiskal siyasətin iqtisadi inkişafa yönəldilməli olduğunu erməni deputatların nəzərinə çatdırıb. Ermənistanda sosial-iqtisadi vəziyyəti sabitləşdirmək üçün ölkəyə ən azından 5 faizlik iqtisadi artımın lazım olduğunu xatırladan Aramyan çox təəssüflə buna nail ola bilmədiklərini də etiraf edib. Nazir bütün ölkələr üçün iqtisadi artımın xarici sərmayələrin hesabına olduğunu bildirən nazir, bunun hələ də Ermənistana aid olmadığını bildirib: «Bu gün bizim üçün önəm kəsb edən məsələ ölkənin milli təhlükəsizlik məsələsidir. Hazırda iqtisadi artımdan danışarkən anlamalıyıq ki, bunun üçün ölkəyə sərmayə qoyulmalıdır. Amma fakt odur ki, xarici investorlar sərmayəni ancaq sabit ölkələrə yatırırlar”.
Ağasəf Babayev




 
Bölməyə aid digər xəbərlər
03.08.2020
Baş verənlər göstərir ki, düşmən hər an yeni təxribatlara əl ata bilər
02.08.2020
Azərbaycanın inamlı siyasəti Ermənistanı bütün müstəvilərdə məhv edib
02.08.2020
Tarixdə ilk dəfə erməni lobbisi Azərbaycan diasporunun təzyiqi qarşısında aciz qaldı
02.08.2020
Dünya ictimaiyyəti birmənalı olaraq qəbul edib ki, Dağlıq Qarabağ Azərbaycan torpağıdır
01.08.2020
Sağalanların sayının xəstələnənləri üstələməsi heç kəsi arxayınlaşdırmamalıdır

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11582

1 Azərbaycanın yeni orfoqrafiya lüğəti sentyabr ayında təqdim olunacaq
2 “Qarabağ münaqişəsi o vaxt bitəcək ki, Azərbaycan özününkü olanı qaytaracaq“
3 Bakıda 34 dərəcə isti, rayonlarda dolu, leysan gözlənilir
4 Avqustun 2-si Azərbaycanda Milli Kino Günüdür
5 Qafqaz uzunömürlülüyünün sirri tapıldı - Kabab yeyin


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info