ADPU-da müsabiqə qaliblərinə mükafatlar təqdim edilib
Tarix: 17.11.2017 | Saat: 20:08:00 | E-mail | Çapa göndər


Azərbaycan Dövlət Pedaqoji Universitetində (ADPU) Musiqi, təsviri incəsənət, fiziki tərbiyə və çağırışaqədər hazırlıq fakültəsinin təşəbbüsü və təşkilatçılığı, “Optimal” şirkətinin maliyyə dəstəyi ilə görkəmli bəstəkar, Xalq artisti, Dövlət Mükafatı laureatı, ictimai xadim Tofiq Quliyevin 100 illik yubileyinə həsr olunmuş Tələbələrin I İfaçılıq və Yaradıcılıq Müsabiqəsinin qaliblərinə mükafatların və diplomların təqdim edilməsi ilə bağlı tədbir keçirilib. Tədbirdə ADPU-nun rəhbərliyi, fakültənin müəllim və tələbələri, “Optimal” şirkətinin nümayəndələri iştirak ediblər. Tədbirdən öncə ADPU-nun rektoru, professor Cəfər Cəfərov tələbələrin sərgiyə təqdim etdikləri rəsm əsərləri ilə tanış olub, onların öz əsərləri ilə bağlı fikir və təəssüratlarını dinləyib.
Tədbiri giriş sözü ilə açan fakültənin dekanı, dosent Laçın Həsənova bildirib ki, Prezident İlham Əliyev bu il fevralın 7-də böyük bəstəkar Tofiq Quliyevin 100 illik yubileyinin keçirilməsi haqqında Sərəncam imzalayıb. Bu müsabiqə də həmin Sərəncama uyğun olaraq keçirilir. Dosent L.Həsənova müsabiqənin keçirilməsinə verdiyi dəstəyə görə ADPU-nun və “Optimal” şirkətinin rəhbərliyinə təşəkkür edib.
Musiqi və onun tədrisi metodikası kafedrasının müdiri, professor Zemfira Abdullayeva çıxış edərək müsabiqə barədə məlumat verib. Qeyd edib ki, iki mərhələdən ibarət olan müsabiqə 3 nominasiya üzrə: instrumental ifaçılığı (fortepiano, tar), vokal ifaçılığı və rəsm nominasiyaları üzrə keçirilib. Müsabiqənin keçirilməsi üçün Tərbiyə işləri üzrə prorektor, professor Fikrət Rzayevin sədrliyi ilə Münsiflər Heyəti yaradılıb. Münsiflər Heyətinin üzvləri isə fakültənin dekanı, dosent Laçın Həsənova, Musiqi və onun tədrisi metodikası kafedrasının müdiri, professor Zemfira Abdullayeva, həmin kafedranın dosenti, Azərbaycan Bəstəkarlar İttifaqının üzvü, Əməkdar incəsənət xadimi Nailə Mirməmmədli, Təsviri incəsənət və onun tədrisi metodikası kafedrasının müdiri, dosent Çingiz Rüstəmov, Bakı Musiqi Akademiyasının baş müəllimi Gülbəniz Abdullayeva, Azərbaycan Dövlət Mədəniyyət və İncəsənət Universitetinin İnstrumental ifaçılığı kafedrasının dosenti Camalə Nəsirovadır. Müsabiqənin oktyabrın 28-də keçirilən I turunda instrumental ifaçılığı nominasiyası üzrə 8 ifaçı, vokal ifaçılığı nominasiyası üzrə 6 ifaçı iştirak edib. I turun nəticələrinə görə instrumental ifaçılığı nominasiyası üzrə 5 ifaçı (4-ü fortepiano, 1-i tar) və vokal ifaçılığı nominasiyası üzrə 4 ifaçı müsabiqənin II turuna keçiblər. Noyabrın 4-də müsabiqənin II (yekun) turu keçirilib. Münsiflər Heyətinin qərarı ilə instrumental ifaçılığı nominiasiyası üzrə I dərəcəli laureat adına II tədris ili tələbəsi Çinarə Quliyeva (fortepiano, müəllim dosent A.Hüseynova), II dərəcəli laureat adına III tədris ili tələbəsi Məhərrəməli Əlişanov (tar, baş müəllim C.Osmanov), III dərəcəli laureat adına II tədris ili tələbəsi Nərgiz Əliyeva (fortepiano, müəllim dosent A.Hüseynova) layiq görülüblər.
Vokal ifaçılığı nominasiyası üzrə I yerə iki müsabiqənin iştirakçıları olmuş ADPU-nun 2017-ci il məzunu Məxfirət Hüseynova və Magistratura və doktorantura şöbəsinin I tədris ili magistri Aygün Abbaszadə layiq görülüblər. III yerə Magistratura və doktorantura şöbəsinin I tədris ili magistri Əsmər Ələkbərova layiq görülüb.
Rəsm nominasiyası üzrə I yerə IV tədris ili tələbəsi Gülnisə Əsgərzadə, II yerə ADPU-nun 2017-ci il məzunu Nuranə Abdullayeva, III yerə isə IV tədris ili tələbəsi Şəhanə Mansurova layiq görülüblər.
Qeyd edək ki, müsabiqədə I yeri tutanlara 200 manat, II yeri tutanlara 150 manat, III yeri tutanlara 100 manat mükafat verilib. Digər iştirakçılar-Könül Məmmədova, Vüsalə Şükürlü, Gülsənəm Şahbazova, Ləman Ağazadə, Sənəm Rəhmanova, Hikmət Mustafazadə, Zəhra Qasımova, Arəstə Məmmədli, Nigar Həsənova, Aytəkin Mustafayeva, Radik Şıxkərimov, Yaqut Barxudarzadə, Dilbər Hüseynova, Nigar Əsədova, Jalə Quluzadə və Ülviyyə Babaşova diplomlarla təltif ediliblər.
Tədbirdə Əməkdar incəsənət xadimi Nailə Mirməmmədli çıxış edərək məşhur bəstəkar Tofiq Quliyevlə balı xatirələrini bölüşüb və tələbələrə uğurlar arzulayıb.
Tədbirdə çıxış edən rektor Cəfər Cəfərov belə müsabiqələrin tələbə-gənclərin yaradıcılıq istedadlarının inkişaf etməsinə, təxəyyüllərinin zənginləşməsinə, peşəkar mütəxəssis kimi yetişmələrinə səmərəli təsir etdiyini vurğulayıb və onlara yeni-yeni uğurlar arzulayıb.

Nigar




 
Bölməyə aid digər xəbərlər
19.05.2019
Vəkillər Kollegiyasının sədri IX Beynəlxalq Hüquq Forumunda iştirak edib
18.05.2019
Daşkənddə “ASAN xidmət”in fəaliyyəti haqqında məlumat verilib
17.05.2019
Ali Məhkəmənin sədri və kollegiya sədrləri bölgələrdə vətəndaşları qəbul ediblər
17.05.2019
Binəqədidə sakinlərin problemləri müzakirə olunub
17.05.2019
“Bakcell”dən eşitmə məhdudiyyətli gənclər arasında ənənəvi futzal turnirinə dəstək

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10782

1 “Ukraynanın ictimai-siyasi həyatında fəal iştirak edirik”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 “İş yerlərində təhlükəsiz əmək şəraiti yaratmaq lazımdır”
4 Dünya rəssamları arasında yer alan azərbaycanlı
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info