“Ermənistanda elm deyilən bir şey yoxdur”
Tarix: 17.11.2017 | Saat: 23:54:00 | E-mail | Çapa göndər


Vaan Badasyan:
“Tələbələr niyə ölkənin ağır sosial-iqtisadi vəziyyəti və bundan doğan kütləvi miqrasiya ilə bağlı tələblər səsləndirmirlər?”


Ermənistanda ölkə parlamenti tərəfindən qəbul edilən “Hərbi xidmət və hərbi xidmətin statusu haqqında” qanun layihəsinə qarşı tələbə etirazı yerli deputatlarla görüşdən sonra dayandırılıb. Təbii ki, bunu müvəqqəti hal kimi dəyərləndirənlər də var. Ermənistanda tələbələrin döyüş bölgəsinə göndərilməsilə hakimiyyətin özünə qarşı böyük bir dalğa yaranacağını etiraf edənlər də var.
Maraqlıdır ki, bu qanun layihəsinə qarşı çıxanlarla yanaşı, onun bəzi aspektlərini təqdir edənlər də var. “1in.am” saytına danışan erməni fəalı Vaan Badasyan öz fikirlərin bu cür əsaslandırıb: «Bu gün Ermənistandakı tələbələr tərəfindən irəli sürülən xüsusi problemə qarşı cəsarətli bir mübarizə yaşanır. Maraqlıdır ki, tələbələr bu mübarizəni siyasi deyil, fərdi olduğunu söyləyirlər. Əgər onlar bu məsələni siyasiləşdirsələr, mən bunu alqışlayaram. Nə üçün bu problem məhz indi ortaya çıxır-bir neçə çağırışçının hərbidən möhlət götürməsi hesabına hərbçi sayında yaranan çətinliyə görəmi? Burada əsas problem ölkənin ağır sosial-iqtisadi vəziyyəti və bundan doğan kütləvi miqrasiyadır.

“Gülünc təlim proqramları olan ölkədə elmdən danışmaq gülməlidir”


Fikrimcə, tələbələr ilk olaraq bu məsələni qabartmalıdırlar . Belə olan halda, niyə irəli sürmürlər? Burada mən iki başlıca səbəb görürəm: ya onların düşüncəsi o həddə çatmayıb, ya da özləri istəmirlər. İlk olaraq qeyd edim ki, onların tələbləri son dərəcə şəxsi xarakter daşıyır. Mən və mənim kimi düşünənlər bu mübarizəyə qoşula bilməzlər. Lakin etiraf edirəm ki, mən onların nə üçün mübarizəyə qatıldıqlarını başa düşə bilmirəm. Bəlkə, elmin inkişafı üçün. Təbii ki, yox! Əgər onlar elmin inkişafı üçün mübarizə aparırlarsa, burada elmin inkişafı və qorunması baxımından çox danışa biləcək suallar var. Ermənistanda elm deyilən bir şey yoxdur. Gülünc təlim proqramları olan ölkədə elmdən danışmaq gülməlidir. Ortaya belə suallar çıxır - niyə ölkənin belə ağır vəziyyətə düşməsi, kütləvi miqrasiyanın qarşısını almaq üçün tələblər irəli sürmürlər? Reallıq bundan ibarətdir ki, tələbə gənclərin heç biri bu məsələ ilə maraqlanmır”. Xatırladaq ki, İrəvanda neçə müddətdən bəri davam edən tələbə etirazı qarşılıqlı razılaşma əsasında dəyirmi masada müzakirəyə çıxarılıb. Lakin belə görünür ki, bu da tələbə etirazının sonu deyil. “Jamanak” nəşrinə açıqlama verən "Elmin inkişafı naminə" təşəbbüs qrupunun üzvü David Petrosyan deyib: “Ölkə siyasətçiləri və ictimaiyyətin iştirakı ilə planlaşdırılan dəyirmi masa hərbi xidmətdən möhlətin ləğv edilməsinə qarşı mübarizənin bir hissəsidir”. Onun sözlərinə görə, keçiriləcək tədbir apardıqları mübarizənin ruhuna heç bir təsir göstərməyəcək və əgər bu kompromis təsirli vasitə olmasa, tələbələr yenidən küçələrə çıxacaqlar.
Ağasəf Babayev




 
Bölməyə aid digər xəbərlər
20.09.2019
“Təhlükəsiz bölgə yaradılması barədə ləngimə olsa, ABŞ ilə fəaliyyətlərə son qoyular“
20.09.2019
İİTKM-in departament rəhbəri Nicat Hacızadə: Beynəlxalq Valyuta Fondu Azərbaycandakı islahatları müsbət dəyərləndirir
20.09.2019
“Aramco“ zavodlarına hücum dünyaya edilən bir hücumdur“
20.09.2019
“Əsrin müqaviləsi“ müstəqil Azərbaycan dövlətinin inkişafında yeni mərhələnin əsasını qoydu
20.09.2019
“Əsrin müqaviləsi”nin imzalanması ilə Azərbaycanın enerji təhlükəsizliyi tam təmin edildi

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10888

1 В Великобритании перешли на систему образования СССР
2 Vilayət Eyvazov sərəncamda olan rəisə vəzifə verdi
3 “Bəzi belarus tələbə qızlar artıq Azərbaycana gəlin köçməyə hazırlaşırlar”
4 “Siyasi partiyaların bir araya gəlməsi müsbət qiymətləndiriləsi hadisədir”
5 Gömrükçülər 2 milyon manatlıq dərman preparatları aşkarlayıblar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info