BSU-da 20 noyabr Qarakənd faciəsi anılıb
Tarix: 20.11.2017 | Saat: 21:33:00 | E-mail | Çapa göndər


Noyabrın 20-də Bakı Slavyan Universitetində (BSU) Azərbaycanşünaslıq elmi-tədqiqat laboratoriyasının təşkilatçılığı ilə Qarakənd faciəsinin 26-cı ildönümünə həsr olunmuş “Ermənilər tərəfindən Azərbaycan və türk xalqlarına qarşı törədilmiş terror aktları- XIX-XX əsr” mövzusunda tədbir keçirilib.
Tədbiri giriş sözü ilə açan elmi işlər üzrə prorektor, professor Rafiq Novruzov bu istiqamətdə BSU-da mütəmadi olaraq elmi seminarların, konfransların keçirildiyini vurğulayıb. Tarix boyu türk xalqlarına qarşı törədilən terror aktları barədə söhbət açan R.Novruzov ermənilərin bütün dünya dövlətlərinin gözü qarşısında işğalçılıq siyasəti yürütdüyünü deyib. O, indiki texnologiya əsrində müasir dövr gənclərlərinin informasiya müharibəsi aparmaq imkanlarının geniş olduğunu vurğulayaraq gənc nəsli öz tarixini unutmamağa, onu təbliğ etməyə səsləyib.
Azərbaycanşünaslıq elmi-tədqiqat laboratoriyasının müdiri, dosent Sadir Məmmədov “Erməni terroru-tarixin qanlı səhifələri” (XIX-XX əsr) adlı geniş məruzəsində 1991-ci ilin 20 noyabrında baş verən Qarakənd faciəsi barədə ətraflı məlumat verib. O, həmin faciənin ertəsi günü (21 noyabr) törədilən terrorun baş verdiyi əraziyə baxış zamanı şahidi olduğu mənzərəni ürək ağrısı ilə xatırlayaraq deyib: “Yetişdirməkdə olan gənc nəsil, xalqımız, eləcə də dünya ictimaiyyəti bilməlidirlər ki, ermənilərin azərbaycanlılara qarşı törətdiyi qanlı cinayətlər təkcə 20 yanvar, Xocalı soyqırımı, Sumqayıt hadisələri ilə məhdudlaşmır. Ermənistan-Azərbaycan münaqişəsinin dərin kökləri vardır. Əsası Rusiya İmperiyası tərəfindən işğal olunmuş Azərbaycan torpaqlarına ermənilərin köçürülməsi ilə başlamış bu proses 1905-1906, 1918-1920, 1948-1953 və 1988-1994-cü illərdə azərbaycanlıların kütləvi terror və qanlı soyqırıma məruz qalması mərhələlərindən keçmişdir”. Mövzu ilə bağlı ətraflı çıxış edən Sadir Məmmədov nitqini Prezident İlham Əliyevin sözləri ilə tamamlayaraq deyib: “Terrorizm Ermənistanın həyata keçirdiyi siyasətin tərkib hissəsidir”. Vaxt gələcək biz, Ali Baş Komandan İlham Əliyevin rəhbərliyi ilə Azərbaycanın işğal olunmuş doğma torpaqlarını azad edəcəyik.
Sonra 20 noyabr 1991-ci il tarixdə Xocavənd rayonunun Qarakənd ərazisində M-8 N-72 hərbi vertolyotunun ermənilər tərəfindən vurulması və hadisə yerinə baxışın video görüntüləri nümayiş olunub.
Sonra Azərbaycanşünaslıq elmi-tədqiqat laboratoriyası nəzdində “Gənc azərbaycanşünaslar” dərnəyinin üzvlərinin mövzu ilə bağlı məruzələri dinlənilib. Azərbaycan filologiyası və jurnalistika fakültəsinin tələbəsi Cəfərova Fidan “Erməni təcavüzkarlığı”, beynəlxalq münasibətlər və regionşünaslıq fakültəsinin tələbəsi Vüsalə İsmayılova “Aprel döyüşləri”, Filologiya və xarici dil müəllimliyi fakültəsinin tələbəsi Fatimə Əliyeva “Erməni soyqırımı”, Azərbaycan filologiyası və jurnalistika fakültəsinin tələbəsi Rahim Mirzəcan “Xocalı soyqırımı” adlı məruzə ilə çıxış ediblər.
BSU-nun Mətbuat Xidməti




 
Bölməyə aid digər xəbərlər
20.08.2019
Leyla Əliyeva Bakının bir sıra tibb müəssisələrində olub
20.08.2019
Azərbaycan dünyada əsas fındıq ixracatçılarından birinə çevrilir
20.08.2019
Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
20.08.2019
Gənclər üçün “Liderlik və komanda quruculuğu” mövzusunda təlimin ikinci mərhələsinə yekun vurulub
20.08.2019
Hərbi pilotun nəşi və təyyarənin qalıqları tapılaraq dənizdən çıxarılıb

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info