Makron və Meyin sinxron siyasətinin səbəbi nədir?
Tarix: 20.11.2017 | Saat: 21:50:00 | E-mail | Çapa göndər


Almaniya xarici kəşfiyyat idarəsinin rəhbəri: “Rusiya ABŞ-ı Avropadan sıxışdıraraq qitənin lideri rolunu üzərinə götürür”

Moskva Dövlət Beynəlxalq Münasibətlər İnstitutunun əməkdaşı Aleksandr Orlov: “Qərb neoliberal sistemi hazırda dərin böhran yaşayır”

Son günlər ərzində London və Parisdən Moskvanın ünvanına səslənən ittihamların sayının artması müəyyən prosesin başlamasına işarədir. Təxminən eyni vaxtda start verilən ittihamlar dalğası yüksək səviyyədən- Makron və Tereze Meyin dilindən səsləndirilir. Daha sonra Almaniya kəşfiyyat xidmətinin rəhbəri Bruno Kal da bu sıraya qoşulub. Mey Rusiyanı bir sıra Avropa dövlətlərini hava məkanını pozmaqda, kibercasusluqda ittiham edib. Britaniya mətbuatı yazır ki, Meyin birdən-birə Rusiyanı ittiham etməsi onun daxildəki siyasi vəziyyəti ilə bağlı ola bilər. “The Telegraph” yazır ki, bir vaxtlar yüksək vəzifələr tutmuş 15 nüfuzlu konservator Meyə qarış çıxış edib. Yerli media ölkədə artan gedən inflyasiyanın da bu məsələdə rolunun olduğunu qeyd edirlər. İnflyasiya son 5 ilin, ərzaq məhsulları qiyməti isə son 4 ilin rekordunu müəyyənləşdirib. Funt-sterlinqin dəyərdən düşməsi də öz təsirini göstərməyə başlayıb. Belə vaxtda ən yaxşı çıxış yolu “rus təhlükəsi”ni qabartmaqdır. Qonşu Fransada da təxminən oxşar proses başlayıb. Makronun prezident seçilməsi üçün çalışmış nüfuzlu 100 şəxs “İrəli” partiyasını tərk etdiklərini açıqlayıblar. “100 demokrat”ın məktubunda qeyd edilir ki, Makron dövlət başçısı seçiləndən sonra prinsiplərinə xəyanət edib-“xalq demokratiyası” yox, “elitanın hakimiyyəti” əsas təşkil edir. Partiyanın qurultayına yaxın bir zamanda belə ittihamların səslənməsi Makronun nüfuzuna ciddi dərəcədə təsir edib. Belə bir vaxt da Makron da Meyin seçdiyi yolla gedərək Rusiyanı ittiham etməyə başlayıb. O, ABŞ-ın “Time” jurnalına müsahibəsində bildirib ki, “Rusiyanın müdaxiləsi” ABŞ və Fransa kimi demokratik ölkələr üçün ciddi təhlükələr yaradır. Bu müsahibədən bir həftə sonra Makron Britaniya mətbuatına verdiyi müsahibədə fikirlərini bir qədər korrektə edib. Bu məsələ ilə bağlı növbəti açıqlama Almaniyanın xarici kəşfiyyat idarəsinin (BND) rəhbəri olan Bruno Kal tərəfindən səslənib. Kəşfiyyatçı bildirib ki, beynəlxalq təhlükəsizliyi təhdid edən 3 əsas amil var – miqrasiya böhranı, dünyada artan iqtisadi disbalans və Kremlin siyasəti. Kalı ən çox narahat edən Rusiya ordusunun modernləşməsi və idarəetməsidir. Almaniya kəşfiyyatının rəhbərini ən çox narahat edən məsələ Rusiyanın ABŞ-ı Avropadan sıxışdıraraq qitənin lideri rolunu üzərinə götürməsi siyasətidir. Kəşfiyyat rəhbərinin fikrincə, Almaniya ABŞ-a yaxın dayanmalı və ABŞ-la Avropa arasında məsafənin artmasına imkan verməməlidir. Maraqlıdır ki, federal xarici kəşfiyyat idarəsinin rəhbərinin bu sözlərinə Almaniya hökuməti dərhal reaksiya verib. Hökumət rəsmisi Şteffen Zaybert elan edib ki, Bruno Kalın konfransda səsləndirdiyi fikirlər onun şəxsi düşüncəsidir və kanslerin adından ifadə olunmayıb. Moskva Dövlət Beynəlxalq Münasibətlər İnstitutunun əməkdaşı Aleksandr Orlov “RİA Novosti”yə açıqlamasında deyib ki, Qərb neoliberal sistemi hazırda dərin böhran yaşayır: “Vəziyyəti dəyişməyə çalışan siyasətçilər hansısa xarici faktor üzərində dayanırlar. Belə vaxtda Rusiya ən yaxşı hədəfdir”. Ekspert Rusiya idmançılarının Qış Olimpiya Oyunlarına buraxılmaması ilə bağlı mediada başlayan kampaniyanı da bu siyasətin tərkib hissəsi və başlanğıcı hesab edir.
Anar Miriyev




 
Bölməyə aid digər xəbərlər
18.03.2019
Çində İkinci Dünya müharibəsindən qalan artilleriya mərmisi tapılıb
18.03.2019
Avstriyanın Zaltsburq şəhərində Novruz şənliyi keçirilib
17.03.2019
Beynəlxalq koalisiya Suriyaya zərbə endirdi
17.03.2019
İndoneziyanın Papua əyalətindəki seldə 50 nəfər həyatını itirdi
17.03.2019
Dünya niyə bu hadisəni törədənə terrorçu demədi?

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info