Ermənistanda qiymətlər artır
Tarix: 21.11.2017 | Saat: 23:49:00 | E-mail | Çapa göndər


Ermənistanda minlərlə ailənin ümid yeri olan xaricdən pul köçürmələri xeyli dərəcədə azalıb

Artıq son bir ay ərzində Ermənistanda bir sıra məhsullar üçün pərakəndə satış qiymətlərində artım müşahidə olunmaqdadır. Məsələ bundadır ki, Ermənistanda minlərlə ailənin ümid yeri olan xaricdən pul köçürmələri xeyli dərəcədə azalıb. Rusiyadan pulköçürmələrinin azalması yoxsul Ermənistan ailələri üçün faciədir.
“News.am” saytı Ermənistanın Mərkəzi Bankının araşdırmalarına istinadən yazır ki, ölkəyə xaricdən köçürülən maliyyənin əsas hissəsi qida ehtiyacları, xüsusən də ərzaq ehtiyacları üçün xərclənir. Buna görə də köçürmələrdə problem yaranması əhalinin dolanışığı və alıcılıq qabiliyyətinə ciddi təsir göstərir. Bazarlarda alverin minimum səviyyəyə enməsi, erməni iş adamlarını ölkəyə gətirdikləri malların satışına məhdudiyyət qoymağa vadar edir. Bu şəraitdə, ermənilər yenə də xaricdən, daha çox Rusiyadan göndəriləcək pulköçürmələrin artacağına ümidlidirlər. Qeyd edilməlidir ki, Ermənistan bazarlarında, ümumilikdə bütün satış mərkəzlərində satılan malların qiymətinin yüksəlməsi səbəbləri də fərqlidir. Yəni ölkəyə gətirilən bəzi mallar bir çox qiymət artımı etapından keçir. Pərakəndə satışda hər hansı bir malın qiyməti satıcılar tərəfindən tez-tez hiyləgər oyunla tənzimlənir. Yəni hər hansı malın qiyməti heç bir əsas göstərmədən, özbaşına artırılır. Deyək ki, çox az miqdarlı dramla. Buna o qədər də əhəmiyyət verməyən alıcı, növbəti dəfə yenə də malın qiymətinə az miqdarlı dramın əlavə olunması ilə rastlaşır. Maraqlıdır ki, Ermənistanda bu artıq əksər ticarət mağazalarında adi hal almaqdadır. Nəticədə, bu "bir neçə dram" alıcıların xərclərini əhəmiyyətli bir rəqəmə çatdırır. Təbii ki, pərakəndə satış mərkəzlərinin təcrübəsindən. ölkənin digər satış mərkəzləri də yararlanmağa çalışır. Nəticədə isə Ermənistanda qiymət məsələsində bir növ "domino effekti" yaranır. Təbii ki, bu da sadə erməninin kasıb cibinin təmizlənməsinə hesablanıb. Ölkənin bir çox əyalətlərində bəzi malların pərakəndə satışı inhisara alınıb. Belə görünür ki, yaxın gələcəkdə Ermənistanda minimum əməkhaqqının və pensiya məbləğinin artacağı gözlənilmir. Ona görə də qiymətlərin belə manipulyasiyası cəmiyyətin əksər hissəsinin həyat səviyyəsinə ciddi təsir göstərməkdədir. Buna görə qiymətlərlə əlaqədar problemlər yaxın vaxtlarda ölkədə vəziyyəti daha da kəskinləşdirəcək.
Ağasəf Babayev




 
Bölməyə aid digər xəbərlər
20.11.2018
Belarus səfəri Ermənistanda böyük rezonans doğurub
20.11.2018
Moldova prezident idarəçiliyinə qayıtmaq istəyir
20.11.2018
Gürcüstanda 150-dən çox sabiq vəzifəli şəxsə qarşı cinayət işi açıldı
19.11.2018
Avropa İttifaqı vahid kəşfiyyat mərkəzi yaradır
19.11.2018
İranda bahalaşma davam edir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info